[᭘ 8B]
᭘
ᬢᬶᬢ᭄ᬬᬂ᭞ᬳ᭄ᬬᬂᬤᬹᬃᬕ᭄ᬕᬭᬭᬶᬲ᭄ᬫᬲᬯᬸᬃ᭞ᬫᬾᬫᬾᬢᭀᬦ᭄ᬤᬾᬦ᭄ᬗᬮᬸᬕ᭄ᬭᬬᬂ᭞ᬬᬾᬦᬶᬂᬘ᭄ᬦᬶᬂᬢᭀᬦ᭄ᬤᬾᬦ᭄ᬗᬵᬢᬸᬭᬂᬧᬮᬩᬵᬦ᭄᭟ᬘᬭᬸᬓᬫ᭄ᬩᬶᬂᬩᬂᬲᬦᬸᬗ᭄ᬕᬮ᭄᭞ᬦᬲᬶᬦᬾᬫ
ᬢᬗ᭄ᬓᭂᬩ᭄ᬫᬮᬶᬄ᭞ᬢ᭄ᬓᬾᬦ᭄ᬧᬸᬢ᭄ᬭᬦ᭄ᬤᬾᬯᬲᬦᬸᬗ᭄ᬕᬮ᭄᭞ᬲᬦᬾᬧᬶᬦᬶᬳᬮᬶᬢ᭄ᬳᬶᬓᬸ᭞ᬦᬾ ᬫᬵᬤᬦ᭄ᬲᬂᬲᬳᬵᬤᬾᬯ᭞ᬳᬧᬂᬚᬢᬶ᭞ᬲᬧᬸᬦᬶᬓᬩᬯᭀᬲ᭄ᬳ᭄ᬬᬂᬤᬹᬃᬕ᭄ᬕ᭟ᬤᬾᬯᬷ
ᬓᬸᬦ᭄ᬢᬶᬭᬭᬶᬲ᭄ᬜᬸᬫ᭄ᬩᬄ᭞ᬦ᭄ᬤᬯᭂᬕᬂᬭᬢᬸᬪᬝᬵᬭᬷ᭞ᬤ᭄ᬯᬦᬶᬂᬲᬂᬲᬳᬵᬤᬾᬯ᭞ᬧ᭄ᬬᬦᬓ᭄ᬫᬥᬸᬦ᭄ᬢᬶᬢ᭄ᬬᬗᬶᬧᬸᬦ᭄᭞ᬦᬾᬦ᭄ᬢᭂᬦ᭄ᬩ᭄ᬯᬄᬩᬲᬂᬢᬶᬢ᭄ᬬᬂ᭞ᬫᬵᬢᬹᬃᬲᬶᬲᬶᬧ᭄᭞ᬢᬦ᭄ᬳᭂᬮᬲ᭄ᬢᬶ
ᬢ᭄ᬬᬂᬗᬵᬢᬹᬭᬂ᭟ᬬᬦ᭄ᬳᬶᬧᬸᬦ᭄ᬳᬢᬸᬭᬂᬢᬶᬢ᭄ᬬᬂᬫ᭄᭞ᬦᬧᬶᬉᬘᬧᬾᬭᬶᬗ᭄ᬕᬸᬫᬶ᭞ᬬᬤ᭄ᬬᬦ᭄ᬢᬄᬩᬶᬮᬶᬄᬓᬗ᭄ᬓᬢ᭄᭞ᬯᬾᬦᬵᬢᭂᬦ᭄ᬧ᭄ᬬᬦᬓ᭄ᬢᬶᬢ᭄ᬬᬂᬢ᭄ᬮᬸ᭞ᬲᬶᬮᬶᬄᬢᬸᬗ᭄ᬕᬶᬮ᭄ᬳᬢᬸᬭᬂᬢᬶᬢ᭄ᬬᬂ
[᭙ 9A]
ᬳᬲᬶᬂᬓᬵᬧ᭄ᬢᬶ᭞ᬮᬾᬤᬂᬧᬓᬳ᭄ᬬᬸᬦ᭄ᬪᬝᬵᬭ᭟ᬗᬦ᭄ᬤᬶᬓᬳᬶᬤᬳ᭄ᬬᬂᬤᬹᬃᬕ᭄ᬕ᭞ᬢᬸᬲᬶᬂᬩ᭄ᬦᭂᬄᬓᬾᬢᭀᬓᬸᬦ᭄ᬢᬶ᭞ᬭᬾᬄᬳᬶᬬᬳᬘᭂᬧᬂᬦᬶᬭ᭞ᬤᬾᬯᬷᬓᬸᬦ᭄ᬢᬷᬫᬶᬦ᭄ᬤᬄᬫᬵᬢᬹᬃ᭞ᬲᬵᬦ᭄ᬢᬸ
ᬓᬦ᭄ᬢᬦ᭄ᬧ᭄ᬬᬦᬓ᭄ᬢᬶᬢ᭄ᬬᬂ᭞ᬫᬗ᭄ᬭᬭᬶᬲ᭄᭞ᬫᬜᬸᬫ᭄ᬩᬄᬫᬧᬫᬶᬢ᭄ᬩᬸᬤᬮ᭄᭟᭚᭜᭚ᬧᬸᬄᬤᬹᬃᬫ᭄ᬫ᭚ᬭᬶᬲᬫ᭄ᬧᬸᬦᬾᬤᬾᬯᬷᬓᬸᬦ᭄ᬢᬷᬫᬗ᭄ᬓᬶᬦ᭄ᬫᬢᬶᬗ᭄ᬕᬮ᭄᭞ᬳ᭄ᬬᬂᬤᬹᬭᬵᬕ᭄ᬕᬭᬭᬶ
ᬲ᭄ᬗ᭄ᬲᬾᬗᬶᬦ᭄᭞ᬧᬜ᭄ᬢ᭄ᬭᬾᬯᬦᬾᬦᬶᬓᬵᬮᬶᬓ᭞ᬇᬄᬓᬵᬮᬶᬓᬓ᭄ᬫᬮᬯᬸᬢᬂ᭞ᬢᬹᬢ᭄ᬧᬚᬮᬦ᭄ᬤᬾᬯᬶᬓᬸᬦ᭄ᬢᬷ᭞ᬲᬸᬭᬸᬧᬶᬦ᭄ᬳᬶᬬ᭞ᬳᬧᬂᬳᬶᬬᬗᬵᬢᬹᬭᬂᬫᬳᬶ᭟ᬧ᭄ᬬᬦᬓ᭄ᬜᬳ
ᬦᬾᬫᬵᬤᬦ᭄ᬲᬂᬲᬳᬵᬤᬾᬯ᭞ᬦᬶᬓᬵᬮᬶᬓᬫᬵᬢᬹᬃᬕ᭄ᬮᬶᬲ᭄᭞ᬲᬶᬗ᭄ᬕᬶᬄᬭᬢᬸᬪᬝᬵᬭ᭞ᬢᬶᬢ᭄ᬬᬂᬗᬶᬭᬶᬂᬲᬯᬘᬦ᭞ᬗ᭄ᬳᬶᬂᬢᬶᬢ᭄ᬬᬂᬦᬸᬦᬲᬂᬭᬶᬬᬶᬦ᭄᭞ᬦᬧᬶᬲᬶᬲᬶᬧ᭄ᬜ᭞ᬤᬾᬯᬷ
Kaca:Bali-lontar-gaguritan-suddhamala-01-350ppi.pdf/9
Kaca puniki sampun kauji-wacén
