[᭑1B]
᭑
᭚᭜᭚ᬧᬸᬄᬲᬶᬦᭀᬫ᭄᭚᭜᭚ᬳᬶᬲᭂᬂᬢᬶᬢ᭄ᬬᬂᬫᬸᬭᬸᬓ᭄ᬜᬸᬭᬢ᭄᭞ᬢᬢ᭄ᬯᬰᬸᬤ᭄ᬥᬫᬵᬮᬓᬫ᭄ᬩᬶᬮ᭄᭞ᬳᬗ᭄ᬕᬾᬦ᭄ᬫᬸᬭᬸᬓ᭄ᬗᬯᬶᬢᭂᬫ᭄ᬩᬂ᭞ᬦᬵᬳᬗ᭄ᬳᬶᬂᬢ᭄ᬯᬭᬫᬵᬦᬹᬢ᭄ᬳᬶᬦ᭄ᬤᬶᬓ᭄᭞ᬧᬸᬧᬸᬄᬪᬵ
ᬱ᭄ᬓᬶᬭᬂᬭᬯᬶᬢ᭄᭞ᬫᬤᬲᬃᬫᬦᬳᬾᬓᬸᬤᬸ᭞ᬳᬗ᭄ᬕᬾᬦ᭄ᬗᬮᬶᬫ᭄ᬩᬓᬂᬲᬢ᭄ᬯ᭞ᬢᬦ᭄ᬮᬮᬳᬶᬦᬸᬦᬲ᭄ᬳᬓ᭄ᬱᬫᬶ᭞ᬭᬶᬂᬳᬶᬭᬢᬸ᭞ᬫᬶᬯᬄᬳᬶᬤᬤᬦᬾᬲᬫ᭄ᬬᬦ᭄᭟ᬗᬯᬶᬢ᭄ᬫᬗ᭄ᬓᬶᬦ᭄ᬓᬢᬸᬢᬸᬭᬂ᭞ᬳᬶᬤ
ᬲᬂᬳ᭄ᬬᬂᬕᬶᬭᬶᬧᬸᬢ᭄ᬭᬷ᭞ᬫᬧᬶᬫᬧᬶᬲᬸᬗ᭄ᬓᬦ᭄ᬭᬳᬢ᭄᭞ᬓᬳ᭄ᬬᬸᬦ᭄ᬳᬶᬤᬫᬫᬶᬦ᭄ᬢᭀᬦᬶᬦ᭄᭞ᬫᬓᬵᬤᬶᬳᬶᬤᬪᬝᬵᬭᬶ᭞ᬪᬝᬵᬭᬶᬉᬫᬯᬸᬯᬸᬲ᭄᭞ᬪᬓ᭄ᬢᬶᬦᬾᬓᬮᬯᬦᬾᬢᬦ᭄᭞ᬫᬸ
ᬫᬸᬕᬶᬫᬗ᭄ᬓᬶᬦ᭄ᬓᬢ᭄ᬲᬾᬗᬶᬦ᭄᭞ᬥᬸᬄᬤᬾᬯᬵᬬᬸ᭞ᬫᬳᬶᬚᬤᬾᬯᬢᬫ᭄ᬧᭂᬓᬂ᭟ᬦᬾ ᬚᬦᬶᬤᬸᬭᬸᬲ᭄ᬧᬶᬋᬗᬂ᭞ᬩ᭄ᬮᬶᬓᬢᬶᬩᬦᬗ᭄ᬭᬶᬂ᭞ᬕ᭄ᬭᬶᬂᬩ᭄ᬮᬶᬭᬳᬢ᭄ᬧᬶᬲᬦ᭄᭞ᬕ᭄ᬭᬶᬂᬓᬦ᭄ᬢᬦᬾᬫᬩᬮᬶᬓ᭄
[᭒2A]
ᬯᬯᬸᬫ᭄ᬬᬃᬱᬪᬝᬵᬭᬶ᭞ᬯᬤᬦᬦᬾᬗ᭄ᬢᬸᬲ᭄ᬓᬳ᭄ᬬᬸᬦ᭄᭞ᬪᬝᬵᬭᬶᬕ᭄ᬮᬶᬲ᭄ᬗᬋᬧᬂ᭞ᬫᬤᬸᬮᬸᬃᬗᬵᬢᬸᬭᬶᬂᬪᬓ᭄ᬢᬶ᭞ᬳᬶᬗ᭄ᬕᬶᬄᬭᬢᬸ᭞ᬳᬫ᭄ᬧᬸᬭᬬᬂᬤᬾᬯᬾᬓ᭄ᬢᬶᬢ᭄ᬬᬂ᭟ᬪᬝᬵᬭᬰᬶᬯᬳᬗᬸᬘᬧ᭄
ᬯᬘᬦᬦᬾᬲᬤᬳᬭᬶᬲ᭄᭞ᬫᬯᭀᬲᬂᬲᬸᬗ᭄ᬓᬦᬾᬭᬳᬢ᭄᭞ᬪᬝᬵᬭᬶᬲᬃᬯᬶᬜᬯᬸᬭᬶᬦ᭄᭞ᬦ᭄ᬤᬯᭂᬕ᭄ᬢᬶᬢ᭄ᬬᬂᬦᬾᬦᬾᬫᬗ᭄ᬓᬶᬦ᭄᭞ᬳᬦ᭄ᬢᬸᬓ᭄ᬦᬫ᭄ᬩᬾᬢᬾᬓᬮᬗ᭄ᬓᬸᬂ᭞ᬦᬧᬶᬳᬗ᭄ᬕᬾᬦ᭄ᬢᬶᬢ᭄ᬬᬂ
ᬢᬫ᭄ᬩ᭞ᬢᬦ᭄ᬓᬫᬦᬄᬳᬦ᭄ᬢᬸᬓ᭄ᬫᬗ᭄ᬓᬶᬦ᭄᭞ᬳᬶᬗ᭄ᬕᬶᬄᬭᬢᬸ᭞ᬤᬸᬭᬸᬲᬂᬢᬶᬢ᭄ᬬᬂᬦ᭄ᬤᬶᬓᬬᬂ᭟ᬪᬝᬵᬭᬰᬶᬯᬗᬦ᭄ᬤᬶᬓ᭞ᬬᬦ᭄ᬢ᭄ᬯᬄᬍᬕᭂᬳᬶᬳᬤᬶ᭞ᬓ᭄ᬫᬮᬸᬯᬲ᭄ᬓᬫᬺᬘ᭄ᬙᬧᬤ᭞ᬳ᭄ᬦᬾᬩ᭄ᬯᬢ᭄ᬕᭂᬦ᭄ᬢᭀ
ᬳᬮᬶᬄ᭞ᬳᭂᬫ᭄ᬧᭂᬳᬦ᭄ᬍᬫ᭄ᬩᬸᬧᬸᬢᬶᬄ᭞ᬲᬶᬕ᭄ᬳᬦᬓᬾᬗᬗ᭄ᬕᭀᬦ᭄ᬍᬫ᭄ᬩᬸ᭞ᬲᬕᬾᬢ᭄ᬲᬶᬤ᭄ᬥᬳᬤᬶᬫᬳᬦ᭄᭞ᬩ᭄ᬯᬢᬂᬓ᭄ᬫᬳᬤᬶᬳᬮᬶᬄ᭞ᬧᬤᬾᬤᬸᬭᬸᬂ᭞ᬳ᭄ᬤᬳᬤᬶᬫᬮᬶᬧ᭄ᬢᬦ᭄᭟ᬪ
Kaca:Bali-lontar-gaguritan-suddhamala-01-350ppi.pdf/2
Kaca puniki sampun kauji-wacén
