[᭑᭐ 10B]
᭑᭐
ᬭᬶᬳᬶᬤ᭞ᬓᬾᬢᭀᬩᬯᭀᬲ᭄ᬳᬶᬤᬦᬾᬘ᭄ᬦᬶᬂ᭞ᬢᬸᬲᬶᬂᬚᬩ᭄ᬬᬂ᭞ᬲᬧᬲᬶᬭᬦᬾᬫᬦᭂᬲᬶᬦ᭄᭟ᬦᬄᬳᭂᬦ᭄ᬢᭀᬳᬤᬶᬦ᭄ᬘ᭄ᬦᬶᬂᬲ᭄ᬦᬕ᭄ᬲᬳᬵᬤᬾᬯ᭞ᬓ᭄ᬫᬚᬦᬶᬳᬶᬬᬳᬮᬶᬄ᭞ᬲᬳᬵᬤᬾ
ᬯᬕ᭄ᬮᬶᬲ᭄ᬧ᭄ᬭᬵᬧ᭄ᬢ᭞ᬲᬳᬧ᭄ᬭᬦᬵᬫ᭄ᬬᬜᬸᬫ᭄ᬩᬄ᭞ᬢᬗᬦ᭄ᬜᬚᬕ᭄ᬓᬳᬫ᭄ᬩᬶᬮ᭄᭞ᬢᬹᬃᬓᬤᬦ᭄ᬤᬦ᭄᭞ᬓᬳᭀᬭᭀᬲ᭄ᬫᬗ᭄ᬓᬶᬦ᭄ᬭᬶᬂᬫᬃᬕ᭄ᬕᬶ᭞ᬓᬾᬫ᭄ᬗᬦ᭄ᬧᬸᬢ᭄ᬭᬧᬸᬢ᭄ᬭᬦᬾᬲᬾᬯᭀᬲᬦ᭄᭞
ᬳᬶᬦ᭄ᬤᬶᬓ᭄ᬩ᭄ᬬᬂᬳᬶᬤᬫᬗ᭄ᬓᬶᬦ᭄᭞ᬓᬤᬶᬳᬦᬓ᭄ᬳᬾᬤᬦ᭄᭞ᬗᬫᬶᬕ᭄ᬫᬶᬕ᭄ᬲᬧᬜ᭄ᬚᬂᬚᬮᬦ᭄᭞ᬉᬤᬸᬄᬲᬳᬵᬤᬾᬯᬘ᭄ᬦᬶᬂ᭞ᬲᬶᬦᬄᬲᬾᬤ᭄ᬥ᭞ᬳᭀᬮᬶᬄᬳ᭄ᬬᬂᬤᬹᬃᬕ᭄ᬕᬤᬾᬯᬷᬫᬗ᭄ᬓᬶᬦ᭄
᭟ᬓᬩᬯᭀᬲ᭄ᬳᬶᬤᬾᬯᬫᬦᭂᬲᬶᬦ᭄ᬓᬤᬂ᭞ᬯᬯᬸᬢᬫ᭄ᬧᭂᬓ᭄ᬮᬶᬗ᭄ᬕᬶᬄᬪᬝᬵᬭᬶ᭞ᬦᬶᬓᬵᬮᬶᬓᬭᬭᬶᬲ᭄᭞ᬲᬓᬶᬂᬳᬗ᭄ᬕᬦ᭄ᬤᬾᬯᬷᬓᬸᬦ᭄ᬢ᭄ᬬ᭞ᬦᬸᬕᬶᬳᬾᬮᬶᬂᬳᬶᬤᬫᬗ᭄ᬓᬶᬦ᭄᭞ᬫᬗ᭄ᬮᬸ
[᭑᭑ 11A]
ᬢ᭄ᬧᬸᬢᬺ᭞ᬢᬹᬃᬗᬦ᭄ᬤᬶᬓᬲᬃᬯ᭄ᬯᬶᬦᬗᬶᬲ᭄᭟ᬉᬥᬸᬄᬘ᭄ᬦᬶᬂᬧ᭄ᬬᬦᬓ᭄ᬫᬾᬫᬾᬲᬂᬲᬳᬵᬤᬾᬯ᭞ᬳᬧᬳᬦᬾ ᬫᬓᬭᬡᬶ᭞ᬮᬓ᭄ᬱᬡᬦ᭄ᬫᬾᬫᬾᬘᭀᬭᬄ᭞ᬫᬾᬫᬾᬗᬶᬤᬶᬄᬧᬗᬵᬫ᭄ᬧᬸᬭ
ᬚᬮᬦ᭄ᬳᬾᬗ᭄ᬕᬮ᭄ᬘ᭄ᬦᬶᬂᬫᬸᬮᬶᬄ᭞ᬪᬝᬵᬭᬶᬤᬹᬃᬕ᭄ᬕ᭞ᬓᬮᬶᬦ᭄ᬢᬂᬩᭂᬦ᭄ᬤᬸᬦᬾᬫᬗ᭄ᬓᬶᬦ᭄᭟ᬫᬗᬵᬓ᭄ᬱᬶᬦᬶᬦ᭄ᬤᬾᬯᬷᬓᬸᬦ᭄ᬢᬷᬫᬯᬮᬶᬩᬸᬤᬮ᭄᭞ᬦᬶᬓᬵᬮᬶᬓᬭᬭᬶᬲ᭄ᬓᬳᭂᬲᬾᬗᬶᬦ᭄᭞ᬯᬘᬦᬦ᭄ᬳᬶ
ᬤᬩᬗ᭄ᬕ᭄ᬭᬲ᭄᭞ᬉᬥᬸᬄᬜᬳᬶᬲᬂᬓᬵᬮᬶᬓ᭞ᬲᬸᬩᬦᬧᬓ᭄ᬤ᭄ᬬᬄᬓᬸᬦ᭄ᬢᬷ᭞ᬧᬘᬂᬗᬵᬢᬹᬭᬂ᭞ᬧ᭄ᬬᬦᬓ᭄ᬜᬦᬾᬢ᭄ᬓᬫᬳᬶ᭟ᬤᬤᬶᬩ᭄ᬯᬶᬦ᭄ᬗᬚᬓ᭄ᬧ᭄ᬬᬦᬓ᭄ᬜᬫᬯᬮ᭄ᬬ᭞ᬮᬯᬸᬢᬂᬩ᭄ᬯᬶᬦ᭄ᬲᬼ
ᬳᬶᬦ᭄᭞ᬳᬧᬂᬫᬯᬮᬶᬩ᭄ᬯᬶᬦ᭄ᬗᬵᬢᬹᬭᬂ᭞ᬦᬶᬓᬵᬮᬶᬓᬫᬵᬢᬸᬃᬲᬶᬲᬶᬧ᭄᭞ᬤᬸᬭᬸᬂᬓᬵᬢᬹᬭᬦ᭄᭞ᬢᬶᬢ᭄ᬬᬂᬕ᭄ᬮᬶᬲ᭄ᬫᬦᬶᬗ᭄ᬕᬮᬶᬦ᭄᭟ᬫᬓᬯᬶᬦᬦ᭄ᬳᬶᬤᬳᬾᬮᬶᬂᬫᬭᬶᬂᬳᬗ᭄ᬕᭀ᭞ᬢᬶᬢ᭄ᬬᬂ
Kaca:Bali-lontar-gaguritan-suddhamala-01-350ppi.pdf/11
Kaca puniki sampun kauji-wacén
