Kaca:Bali-lontar-gaguritan-stri-sasana-b-300ppi.pdf/7

[᭖ 6B]
᭖᭞
ᬧᬶᬦ᭄ᬤ᭞ᬳᬸᬮᬢᬾᬗᬫᬜᬶᬂᬫᬜᬶᬂ᭞ᬦᬕᬶᬄᬲᬬᬗᬂ᭞ᬢᭀᬫᬗ᭄ᬤᬾᬕᭂᬤᭂᬕ᭄ᬳᬢᬶ᭟᭐᭟ᬫᬗ᭄ᬓᬶᬦ᭄ᬓᬾᬚᬦᬶᬳᬯᬓᬾᬲᬸᬩᬢ᭄ᬯ᭞ᬲ᭄ᬭᬩ᭄ᬳᬸᬩᬦᬾᬧᬸᬢᬶᬄ᭞ᬳᬮᬶᬲ᭄ᬲᬸᬩᬮᬕ᭄ᬮᬕ᭄᭞ᬧᬶᬧᬶᬦᬾᬫᬓᭀᬤᭀᬓᬦ᭄᭞ᬕᬶᬕᬶᬲᬸ
ᬩᬭᬸᬕᬄᬭᬕᬶᬄ᭞ᬜᬮᭀᬦ᭄ᬓᬸᬦᬶᬗᬦ᭄᭞ᬜᭀᬜᭀᬓᬾᬧᬾᬓ᭄ᬦᬸᬮᬦ᭄ᬤᬶᬃ᭟᭐᭟ᬧᬶᬢ᭄ᬯᬶᬳᭂᬦᬸᬩᬚᬂᬫᬗᬬᬂᬗᬬᬂ᭞ᬤᬗᭂᬭᬾᬄᬳᬦᬓ᭄ᬫ᭄ᬯᬦᬶ᭞ᬗᬶᬚᭂᬂᬗᬶᬦ᭄ᬤᬶᬚᬮᬦ᭄᭞ᬦᬸᬢᬸᬭᬂᬤᬶᬧᬶᬲᬕ᭞ᬮ᭄ᬯᬶᬄᬲᬳᬲᬫᬦᬶᬕ᭄ᬢᬶᬕ᭄᭞
ᬫᬸᬜᬶᬫᬫ᭄ᬩᬢ᭄ᬩᬢ᭄᭞ᬦᬕᬶᬄᬫᬗᬮᬮᬸᬗᬶᬦ᭄᭟᭐᭟ᬳᭂᬦ᭄ᬢᭀᬫᬤᬦ᭄ᬳᬦᬓ᭄ᬢ᭄ᬯᬭᬩᬶᬲᬚᭂᬗᬄ᭞ᬫᬢᬫᬗᬸᬮᬶᬢ᭄ᬢᬶᬗ᭄ᬓᬶᬄ᭞ᬤᬤᬶᬓᬓ᭄ᬤᬾᬓᬦ᭄᭞ᬓᬂᬓᬗᬾᬚᬸᬯᬤᬾᬳᬾᬗᬂ᭞ᬲᭀᬂᬤᬤᬶᬢᬸᬦᬳᬯᬳᬶ᭞ᬫᬶᬭᬶᬩ᭄ᬲᬶ
ᬗᬢᬦ᭄᭞ᬕᬢᭂᬮ᭄ᬫᬕᬸᬭᬶᬂᬳᬸᬭᬶᬂ᭟᭐᭟ᬳᬤᬓᬂᬓᬂᬲᭀᬫᬳᬾᬗᭂᬮᬄᬧᬫᬶᬢ᭄ᬭ᭞ᬓᭂᬩᬸᬲ᭄ᬳᬶᬥᭂᬧᬾᬲᬳᬶ᭞ᬲᬢᬢᬫᬲᬫ᭄ᬩᬂ᭞ᬜᭂᬍᬳᬶᬦ᭄ᬗᬮᬶᬄᬳᭀᬃᬢ᭄ᬣ᭞ᬤᬶᬧᬶᬲᬕᬲᬸᬩᬚᬢᬶ᭞ᬓ᭄ᬭᭀᬤᬫᬚᬮᬦ᭄᭞ᬳᬗ᭄ᬓᬶ
[᭗ 7A]
ᬳᬦ᭄ᬤᬳᬲ᭄ᬤᬶᬳᬶᬲ᭄᭟᭐᭟ᬳᬯᬓ᭄ᬗᭂᬢᭀᬃᬧᬸᬲᬸᬂᬓᭂᬮᬾᬲ᭄ᬫᬳᬫ᭄ᬩᬳᬦ᭄᭞ᬗᬩᬩᬸᬗᬓᬯᬗᬶ᭞ᬇᬥᭂᬧᬾᬜᬧᬶᬳᬦ᭄᭞ᬫᬸᬮᬶᬄᬗᬶᬩᬸᬓᬂᬜᬫ᭞ᬳᬦᬓᬾᬗᬸᬤᬳᬚᬳᬶᬦ᭄᭞ᬢᭀᬂᬢᬳᬾᬦ᭄ᬚᬸᬫᬄ᭞ᬜᬾᬦ᭄ᬩᬦᬶᬫᬤᬶᬤᬶᬳᬶ
ᬦ᭄᭟᭐᭟ᬫᬫᬢᬲ᭄ᬧᬚᬮᬦᬾᬦᬸᬫ᭄ᬩᬓ᭄ᬳᬧᬶᬲᬦ᭄᭞ᬤᬧᭂᬢᬂᬦᬾᬫ᭄ᬯᬦᬶ᭞ᬫᬜᬦ᭄ᬤᬶᬂᬧᬫᬶᬢ᭄ᬭ᭞ᬫᬳᬶᬩᬸᬶᬫ᭄ᬩᬸᬄᬳᬶᬫ᭄ᬩᬸᬄᬚᭂᬗᬄ᭞ᬮᬯᬸᬢ᭄ᬦᬢ᭄ᬬᬫᬗᬋᬧᬶᬦ᭄᭞ᬜ᭄ᬚᬮᬾᬫ᭄ᬧᭀᬄᬦᭂᬕᬓ᭄᭞ᬩᭂᬮ᭄ᬩᭂᬮᬦ᭄ᬧᭂᬲᬸᬫᬸᬜᬶ᭟᭐᭟ᬫ
ᬜᭂᬤᭂᬓᬂᬳᬯᬓ᭄ᬫᬧᬫᬶᬢ᭄᭞ᬳᬧᬶᬲᬦ᭄ᬫᬶᬲᬤ᭄ᬬᬗᬸᬢᬂᬉᬭᬶᬧ᭄᭞ᬫᬫᭂᬕᬢ᭄ᬧᬶᬢᬺᬱ᭄ᬡ᭞ᬬᬤ᭄ᬬᬦ᭄ᬧᬶᬂᬲᬧ᭄ᬢᬩᬭ᭞ᬢᬸᬫᬶᬢᬶᬲ᭄ᬲᬫ᭄ᬧᬸᬦ᭄ᬧᬗ᭄ᬕᬶᬄ᭞ᬮᬯᬸᬢ᭄ᬫᬜᬸᬫ᭄ᬩᬄ᭞ᬩᬳᬦ᭄ᬩᬸᬗᬓᬯᬗᬶ᭟᭐᭟ᬫᬲᬓ᭄ᬱᬶᬮᬯᬸᬢ᭄ᬫᬗᭂ
ᬩᬓ᭄ᬢᬶᬓᬲᬹᬃᬬ᭄ᬬ᭞ᬫᬓᬵᬢᬸᬃᬫᬗᬲᬶᬄᬳᬲᬶᬄᬲᭂᬤᭂᬕ᭄ᬫᭂᬕᬢ᭄ᬫᭂᬕᬢ᭄᭞ᬗᭂᬫ᭄ᬩᭂᬂᬗᭂᬫ᭄ᬩᭂᬂᬬᬾᬄᬫᬢ᭞ᬦᬾᬳ᭄ᬮᬸᬄᬩᬗᬸᬦ᭄ᬫᬗᭂᬮᬶᬂ᭞ᬫᬜᭂᬮ᭄ᬲᭂᬮ᭄ᬳᬯᬓ᭄᭞ᬫᬚᬸᬚᬸᬃᬮᬯᬸᬢ᭄ᬫᬸᬮᬶᬄ᭟᭐᭟ᬳᬤᬓᬂᬓᬂᬢᬶᬗ᭄ᬓᬄᬩᭀ