[ ᭖ 6B]
᭖᭞
ᬫᬭᬲᬵᬳᬶᬮᬂ᭞ᬓᬚᬩᬸᬢ᭄ᬩᬳᬦ᭄ᬤᬥᬭᬶ᭞ᬳ᭄ᬜᬕ᭄ᬮᭀᬤᭀᬄᬧᬢᬮᬤ᭄ᬢᬤ᭄᭞ᬩᬸᬓᬵᬓ᭄ᬦᬤᬭᬸᬩ᭄ᬲᬶᬕᬤ᭄ᬕᬤᬦ᭄ᬧᬭᬚᬦᬶ᭞ᬗᬺᬕᭂᬲ᭄ᬓ᭄ᬦᭂᬄᬜᬦᬾᬢᬸᬫ᭄ᬧᬹᬃ᭞ᬚᬦᬶᬮᬸᬄᬳᬾᬘ᭄ᬭᬶᬢᬬᬂ᭞ᬫᬫᬸᬜᬶᬲᬮᬾᬂᬮᬗ᭄ᬓᬸᬗᬶᬦ᭄᭞
ᬳᬭᬄᬩᬕᬸᬲ᭄ᬢᬦᬓᬾᬩᬳᬸᬢᭀᬢᭀᬦᬵ᭟ᬯᬮᬸᬬᬵᬢ᭄ᬯᬄᬲᬗ᭄ᬳ᭄ᬬᬂᬲ᭄ᬫᬭᬵ᭞ᬲᭂᬫᬸᬦᬾᬚᬢ᭄ᬫᬶᬓᬵᬭᬶᬭᬶᬄ᭞ᬫᬲᬳᬸᬢ᭄ᬕᬸᬲ᭄ᬢ᭄ᬬᬬᬸᬜᭀᬫᬦ᭄᭞ᬲᬤᬵᬩᬾᬜ᭄ᬚᬸᬮ᭄ᬫᬗᭀᬜ᭄ᬚᬓᬶᬦ᭄᭞ᬜᬾᬦ᭄ᬳᬤᬜᬦᬾᬦᭂᬮᬶᬓ᭄᭞ᬜᬍ
ᬗ᭄ᬓᭂᬃᬤᬶᬢᬸᬫᬗ᭄ᬭᬦ᭄ᬢᬸᬦ᭄᭞ᬚ᭄ᬦᭃᬗ᭄ᬗᭀᬜᬂᬩᬚᬶᬕᬃ᭞ᬢᬗ᭄ᬓᭂᬧᬾᬗᭀᬤᬕᬂᬕᬸᬫᬶ᭞ᬤᬤᬶᬓ᭄ᬜᬸᬂᬕᬸᬲ᭄ᬢᬶᬳᬬᬸᬫᬥᬾᬦᬶᬫ᭄ᬩᬮ᭄᭟ᬳᬭᬄᬤᬢᬓᬾᬤᬩ᭄ᬤᬩᬂ᭞ᬜᬓᬓᬾᬢᭀᬜᬓᬳᭂᬲᬶᬂ᭞ᬢᭀᬢᬾᬳᬦᬓ᭄ᬳᬸᬮᬶᬤᬶᬚᬵ᭞
ᬫᬲᬳᬸᬢ᭄ᬳᬶᬦᬕᬵᬲᬭᬶ᭞ᬩᬋᬂᬓᬾᬦ᭄ᬳᬶᬲᬸᬮᬰᬶᬄ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬳᬸᬦᬶᬂᬭᬢᬸ᭞ᬧ᭄ᬭᬕᬸᬲ᭄ᬢᬶᬚ᭄ᬭᭀᬦᬶᬂᬓᬸᬢᬵ᭞ᬫᬧᬸᬭᬶᬭᬶᬂᬩᬜ᭄ᬚᬃᬲᬭᬶ᭞ᬤᬦᬾᬓᬗ᭄ᬕᬾᬫᬗᬕᭂᬗᬶᬦ᭄ᬭᬶᬂᬦᬵᬕᬭ᭟ᬗᬮᬶᬬᬩᬗᬸᬦ᭄ᬢᬶᬚᬾᬗ᭄ᬕᭂ
[ ᭗ 7A]
ᬮᬃ᭞ᬫᬘᭂᬧᭀᬮ᭄ᬢᬦ᭄ᬧᬗᬾᬳᬘᬶᬦ᭄᭞ᬚᬤᭀᬚᬤᭀᬫᬢᭀᬮᬶᬳᬦ᭄᭞ᬓ᭄ᬦᭂᬳᬾᬲ᭄ᬫᬂᬢᬦ᭄ᬲᬶᬧᬶ᭞ᬢ᭄ᬓᬳᬶᬦᬵᬕᬲᬭᬶ᭞ᬫᬮᬳᬶᬩ᭄ᬲᭂᬩᭂᬗᬾᬓᬳᬸᬲ᭄᭞ᬗᬮᬶᬧᭂᬢ᭄ᬧᬬᬬᬳᬦ᭄᭞ᬳᬶᬚᬾᬗ᭄ᬕᭂᬮᬃᬓ᭄ᬜᬶᬂᬦᬓᭀᬦᬶᬦ᭄᭞ᬳᬭᬸᬄᬳᭂ
ᬫ᭄ᬩᭀᬓ᭄᭞ᬓᭂᬚᬵᬫᬳᬶᬚᬸᬳᬶᬚ᭄ᬯᬦ᭄᭟᭐᭟᭚ᬧᬗ᭄ᬓᬸᬃ᭝ᬳᬭᬄᬳᭂᬫ᭄ᬩᭀᬓ᭄ᬳᬫ᭄ᬧᬸᬭᬬᬂ᭞ᬬᬃᬫᬢᬓᭀᬦ᭄ᬢᭂᬓᬾᬦ᭄ᬳᭂᬫ᭄ᬩᭀᬓ᭄ᬳᬓᬶᬓᬶᬢ᭄᭞ᬳ᭄ᬜᬾᬦ᭄ᬳᬶᬭᬶᬂᬳᭂᬫ᭄ᬩᭀᬓ᭄ᬩᬳᬸ᭞ᬢᬸᬢᬹᬭᬶᬦ᭄ᬓᬤᬵᬳ᭄ᬬᬂ᭞ᬳᬶᬦᬵᬕᬲᬭᬶᬓ᭄ᬩᭂᬫ
ᬳᬢᬹᬃᬳᬮᬸᬲ᭄᭞ᬳᬶᬗ᭄ᬕᬶᬄᬭᬢᬸᬕᬸᬲ᭄ᬢᬶᬢᬶᬢ᭄ᬬᬂ᭞ᬳᭀᬓᬦ᭄ᬳᬶᬕᬸᬲ᭄ᬢᬶᬳᬶᬭᬶᬓᬶ᭟ᬳᬭᬄᬳᭂᬫ᭄ᬩᭀᬓ᭄ᬜᬾᬦ᭄ᬧᭂᬲᬾᬗᬦ᭄᭞ᬢᭀᬦᬾᬤᬤ᭄ᬯᬧᬢᬸᬄᬫᬕ᭄ᬮᬂᬩᬢᬶᬲ᭄᭞ᬳᬶᬦᬵᬕᬲᬭᬶᬫᬳᬢᬹᬃ᭞ᬧᬸᬦᬶᬓᬵᬦᬾᬳᬮᬶᬢ
ᬦ᭄᭞ᬧᬭᬩ᭄ᬤᬦᬾᬳᬶᬕᬸᬲ᭄ᬢᬶᬳᬬᬸᬳᬦᭀᬫ᭄ᬭᬢᬸ᭞ᬧᬸᬦᬶᬓᬵᬦᬾᬮᬸᬳᬸᬭᬦ᭄᭞ᬫᬧᬭᬩ᭄ᬕᬸᬲ᭄ᬢᬶᬬᬸᬳᬤᬶ᭟ᬦᬄᬳᬓᬾᬢᭀᬧᬢᬓᭀᬜ᭞ᬓᬩᬳᬗᬶᬦ᭄ᬮᭂᬗᬶᬲ᭄ᬳᬶᬦᬵᬕᬲᬭᬶ᭞ᬲᬢᬫ᭄ᬩᬸᬮ᭄ᬫᬶᬯᬄᬫᬚ᭄ᬦᬸ᭞
Kaca:Bali-lontar-gaguritan-smara-ratih-300ppi.pdf/7
Kaca puniki sampun kauji-wacén
