[᭑᭙ 19B]
᭑᭙
ᬫᬗ᭄ᬓᬶᬦ᭄᭞ᬧᬧᬜ᭄ᬚᬗᬶᬦ᭄ᬫᬗ᭄ᬥᬢᭂᬭᬂ᭞ᬫᬗ᭄ᬥᬓᬵᬃᬣᬶᬭᬶᬂᬳᬢᬶ᭞ᬫᭂᬮᬳᬂᬘᭂᬦᬶᬂᬫᬦᬫ᭄ᬧᬶ᭞ᬓᬯᬶᬢᬂᬳᬸᬮᬶᬧᬗᬸᬕᬸ᭞ᬲᬸᬩᬗᬸᬕᬸᬮᬯᬸᬢ᭄ᬦᭂᬍᬩᬂ᭞ᬳᬸᬮᬶᬢᭂᬍᬩ᭄ᬳᬶᬗᭂᬢᬾᬳ
ᬮᬶᬄ᭞ᬲᬸᬩᬘᬸᬓᬸᬧ᭄᭞ᬦᬾᬢᬢᭂᬮᬸᬤᬤᬶᬓᬸᬯᬢ᭄᭚ᬬᬦ᭄ᬢᬸᬢᬸᬭᬾᬢ᭄ᬯᬭᬧᭂᬃᬘᬬ᭞ᬢᭂᬍᬩᬾᬢ᭄ᬯᬭᬜᬓ᭄ᬫᭂᬦ᭄ᬢᬶᬓ᭄᭞ᬢᭂᬍᬩᬾᬬᬦ᭄ᬢᬸᬯᬭᬳᬤ᭞ᬳᬶᬗᭂᬢᬾᬫᬶᬮᬸᬗ
ᬮᬳᬶᬦ᭄᭞ᬲᬗ᭄ᬓᬦ᭄ᬧᬶᬮ᭄ᬧᬶᬮ᭄ᬬᬳᬧᬶᬓᬶᬦ᭄᭞ᬇᬥᭂᬧ᭄ᬲᬢ᭄ᬯᬧᬂᬬᬢᭂᬧᬸᬓ᭄᭞ᬳᬶᬗᭂᬢᬾᬳᬗ᭄ᬓᭂᬧ᭄ᬩᬋᬗᬂ᭞ᬲᬵᬢ᭄ᬳᬗ᭄ᬕᭀᬦ᭄ᬫᬲᬸᬧᬢᬶᬦᬶᬦ᭄᭞ᬭᬾᬄᬧᬸᬦᬶᬓᬸ᭞ᬦᬾᬲᬶᬤ᭄ᬥᬶᬗ
ᬯᬾᬓᬲᬶᬤ᭄ᬥᬦ᭄᭚ᬲᬮᬸᬯᬶᬃᬤᭂᬗᭂᬄᬮᬦ᭄ᬗᭂᬦᬄ᭞ᬓᬤᭂᬓ᭄ᬫᬶᬯᬄᬓᬭᬱᬦᬶ᭠ᬦ᭄᭞ᬤᬶᬳᬶᬗᭂᬢ᭄ᬫᬸᬗ᭄ᬕᬸᬄᬫᬓᭂᬚᬂ᭞ᬳᬸᬮᬶᬤᬶᬢᬸᬲᬗ᭄ᬓᬦ᭄ᬫᬶᬚᬶᬮ᭄᭞ᬓᭂᬫᭀᬫᬲᬶᬄᬳᬶᬬ
[᭒᭐ 20A]
᭒᭐
ᬫᬜ᭄ᬚᬶᬂ᭞ᬓ᭄ᬭᬡᬳᬶᬗᭂᬢᬾᬧᬸᬦᬶᬓᬸ᭞ᬤᬤᬶᬚᬷᬯᬦᬶᬂᬲᬳᬦ᭞ᬲᬮᬸᬯᬶᬃᬳᬤᬤᬶᬕᬸ᭠ᬫᬶ᭞ᬜᬦ᭄ᬥᬂᬲᬸᬂᬲᬸᬂ᭞ᬳᬗ᭄ᬕᬾᬦ᭄ᬕᬸᬭᬸᬤᬶᬲᬵᬓᬮ᭚ᬬᬦ᭄ᬳᬶᬗᭂᬢᬾᬢᬦ᭄ᬭᬸᬗᬸᬯᬂ᭞ᬧᬶᬓᬸᬦᬾᬦᬶᬫ᭄ᬩ
ᬮ᭄ᬗᬶᬗᭂᬢᬶᬦ᭄᭞ᬬᬦ᭄ᬧᬶᬓᬸᬦᬾᬲᬸᬩᬗᭀᬤᬕ᭄᭞ᬲᬕᭂᬮᬄᬩᬓᬢ᭄ᬳᭂᬗ᭄ᬲᬧᬶᬦ᭄᭞ᬓᬯᬶᬓᬦᬦᬾᬫᬮᬮᬶᬲ᭄᭞ᬬᬦ᭄ᬢᬸᬲᬶᬂᬓᬤᭀᬗᬗᬢᬸᬢ᭄᭞ᬩᬢᬶᬲᬾᬫᬾᬄᬩᬓᬢ᭄ᬓᬸᬢᬂ᭞ᬳᬄ
ᬚᭂᬚᭂᬄᬩᬓᬮ᭄ᬫᬦᬫ᭄ᬧᬶ᭞ᬯᬶᬭᬾᬄᬧᬶᬓᬸᬦ᭄᭞ᬚᬢᬶᬦᬾᬤᬾᬯᬦ᭄ᬧᬗ᭄ᬭᬸᬲᬓ᭄᭚ᬳᭂᬦ᭄ᬢᭀᬓ᭄ᬭᬡᬘᭂᬦᬶᬂᬲᬬᬂ᭞ᬫᭂᬮᬳᬂᬧᭂᬲᬦ᭄ᬫᬦᬫ᭄ᬧᬶ᭞ᬧᬶᬮ᭄ᬧᬶᬮ᭄ᬳᬧᬶᬓᬶᬦ᭄ᬤᬶᬫᬦᬄ᭞ᬧᬶᬢᬸᬢᬸᬃ
ᬫᬭᬸᬧᬚᬢᬶ᭞ᬳᬶᬗᭂᬢᬂᬗᭂᬦ᭄ᬥᬶᬳᬂᬲᬳᬶ᭞ᬧᬗᬸᬫ᭄ᬧᬫᬦᬾᬢᭂᬍᬩ᭄ᬗᬸᬕᬸ᭞ᬳᬶᬗᭂᬢᬾᬳᬧᬂᬫᬦᬶᬮᬧ᭄᭞ᬢᬸᬃᬭᬫ᭄ᬩᬂᬦᬾᬧᬮᬚᬳᬶᬦ᭄᭞ᬲᬶᬬᬂᬤᬮᬸ᭞ᬤᬸᬮᬸᬭᬶᬦ᭄ᬲᬳᬶ
