Kaca:Bali-lontar-gaguritan-sarpayadnya-01-350ppi.pdf/26

Saking Wikisource
Kaca puniki sampun kauji-wacén

[᭒᭕ 25B]
᭒᭕᭟
ᬪᬸᬚᬡ᭄ᬦᬵᬫᬾᬚᬬ᭟ᬗᬚᬓᬶᬦ᭄ᬗᬸᬧᬬᬚᬦᬶ᭟ᬫᬢᬸᬃᬫᬢᬶᬢᬗᬦᬦ᭄ᬱᬶᬗ᭄ᬕᬶᬄᬭᬢᬸᬲᬂᬧ᭄ᬭᬪᬹᬢᬦ᭄ᬱᬶᬦᬶᬧᬶᬕᬳᭀᬓ᭄ᬱᬦ᭄ᬢᬶᬢ᭄ᬬᬂᬫᬗ᭄ᬭᬸᬗᬸᬓᬧᬶᬃᬬ᭄ᬬᬦᬾᬲᬂᬦᬣ
ᬫᬶᬦᬓᬤᬶᬧ᭄ᬭᬓᭀᬰᬢ᭄ᬓᬾᬦᬶᬂᬰᬢ᭄ᬭᬸ᭟ᬳᬲᬶᬂᬫᬧᬓᬾᬤᭂᬧ᭄ᬳᬮᬄᬲᬯᬢᭂᬓ᭄ᬭᬢᬸᬦᬾᬲᬫᬶ᭟ᬲᬫᬶᬢᭂᬮᬲ᭄ᬓᬓᬳᭀᬦᬂ᭞ᬩᭀᬬᬯᬾᬦ᭄ᬢᭂᬦ᭄ᬭᬢᬸᬧᬘᬂᬦᬦ᭄ᬤᬶ
ᬗᬶᬦ᭄‌ᬓᬰᬦ᭄ᬢᬾᬦᬾᬲᬂᬧ᭄ᬭᬪᬹᬚᬸᬫᭂᬡᭂᬂᬭᬶᬂᬅᬱ᭄ᬝᬶᬡ᭄ᬦᬵ᭟ᬢᬦ᭄ᬤ᭄ᬯᬶᬕ᭄ᬮᬶᬲ᭄ᬓᬧᬶᬦᬶᬭᬶᬂᬧᬭᬳᭂᬫ᭄ᬧᬸᬫᬮᬶᬄᬳᬶᬤᬲᬂᬓᬧᬶᬦᬂᬘᬢᬸᬃᬫᬦᬸᬓ᭄ᬫᬫᬶᬲᬶᬗ᭄ᬕᬶᬄ᭟ᬭᬭᭀᬲ᭄ᬳᬶᬤ
ᬲᬂᬉᬢᬗ᭄ᬓᬗᬯᭂᬢ᭄ᬬᬂᬭᬳᭀᬲ᭄‌ᬳᬸᬧᬯᬲᬶᬗᬶᬤ᭄‌ᬫᬗ᭄ᬤᬾᬦᬾᬓᬲᬶᬤᬾᬂᬓᬬᬸᬦ᭄ᬭᬶᬂᬳᬶᬦᬖᬢᬓ᭄ᬱᬓᬫᬗ᭄ᬤᬾᬭᬸᬲᬓ᭄ᬫᬜᭂᬩᬸᬭᬶᬦ᭄ᬳᬧᬶᬫᬸᬭᬸᬩ᭄ᬱ
[᭒᭖ 26A]
ᬤᬸᬫᬶᬮᬄᬪᬖᬯᬦ᭄‌ᬉᬢᬗ᭄ᬓᬫᬮᬶᬄᬫᬵᬢᬸᬃᬓᬤᬶᬧ᭄ᬭᬫᬥᬥᬶᬗ᭄ᬕᬶᬄᬭᬢᬸᬲᬂᬧ᭄ᬭᬪᬸ᭞ᬓᬤᬶᬫᬗ᭄ᬓᬶᬦ᭄ᬓᬰᬓ᭄ᬢ᭄ᬬᬦ᭄‌ᬘᭀᬓᭀᬃᬳᬶᬭᬢᬸᬯ᭄ᬬᬓ᭄ᬢᬶᬓᬵᬲ᭄ᬢᬯᬵᬧᬶᬲ
ᬦ᭄ᬳᬗᬶᬂᬯᬾᬦ᭄ᬢᭂᬦ᭄ᬫᬍᬃᬓᬭᬶᬢᬦ᭄ᬓᬮᬶᬗᬸᬰᬢ᭄ᬭᬸᬦ᭄ᬳᬶᬤᬥᬗ᭄ᬓᬧᬶᬲᬦᬫᬤᭂᬂᬢᬦ᭄ᬓ᭄ᬭᬳᭀᬲᬶᬦ᭄᭟ᬧᬸᬦᬶᬓᬜᬦ᭄ᬤᬂᬳᭂᬳᬯᬾᬲᬂᬘᭀᬓᭀᬃᬳᬶᬭᬢᬸ᭟ᬫᬗ᭄ᬤᬲᬶᬤᬫᬧᬸ
ᬮᬶᬄᬲᬂᬧ᭄ᬭᬪᬹᬕᭂᬮᬶᬲ᭄ᬱᬸᬫᬯᬸᬃᬇᬗ᭄ᬕᬶᬄᬧᬗᬦ᭄ᬤᬶᬓᬬᬂᬳᬶᬘᬕ᭄ᬠᬾᬦᬾᬳᬗ᭄ᬓᬾᬦ᭄ᬤᬸᬭᬸᬂᬕᭂᬫ᭄ᬧᬸᬂᬢᬶᬢ᭄ᬬᬂᬯᬦ᭄ᬢᬄᬫᬜᬶᬤᬬᬂᬧᬘᬂᬗᭂᬩᬸᬕ᭄ᬫᬗᭂᬦ᭄ᬤᭀᬦᬶᬦ᭄᭟
ᬫᬗ᭄ᬤᬾᬦ᭄ᬳᬶᬧᬸᬦ᭄ᬢᭂᬮᬲ᭄‌ᬗ᭄ᬭᬲ᭄ᬢᬵᬇᬤᬕ᭄ᬠᬾᬫᬗᬦ᭄ᬤᬶᬓᬬᬂᬉᬕᬶᬲᬂᬉᬢᬗ᭄ᬓᬫᬮᬶᬄᬫᬵᬢᬸᬃᬳᬶᬗ᭄ᬕᬶᬄᬭᬢᬸᬧ᭄ᬬᬃᬱᬵᬬᬂᬲᬧᬸᬦᬶᬓᬶᬭᬢᬸᬫᬶᬫᬶᬢᬦᬾᬲᬵᬫ