Kaca puniki sampun kauji-wacén
[᭘᭔ 84B]
᭞᭘᭓᭞
ᬨᬮᬦ᭄ᬳᬶᬧᬸᬦ᭄᭞ᬓᬶᬦᬸᬘᬧ᭄ᬳᬸᬢᬫᬧᬶᬲᬦ᭄᭟ᬬᬦᬶᬂᬓᬢᬸᬃ᭞ᬯᬶᬢ᭄ᬲᬓᬶᬂᬧᬓᬃᬱᬢᬸᬳᬸ᭞ᬤᬡ᭄ᬦᬵᬦᬾᬧᬸᬦᬶ
ᬓᬵ᭞ᬤᬡ᭄ᬦᬵᬫᬤ᭄ᬬᬵᬓᭂᬯᬲ᭄ᬢᬦᬶᬦ᭄᭞ᬯ᭄ᬓᬲ᭄ᬧᬗ᭄ᬕᬸᬄ᭞ᬤᬡ᭄ᬦᬵᬫᬤ᭄ᬬᬵᬯᭀᬄᬧᬸᬦᬶᬓᬵ᭟ᬬᬦᬶᬂᬓᬢᬸᬃ᭞ᬲᬓᬶᬂᬧᬭᬶ
ᬯᬤᬶᬩᭂᬦ᭄ᬥᬸ᭞ᬢᬦ᭄ᬢᭂᬮᭂᬩ᭄ᬢᬦ᭄ᬕᬦ᭄ᬢᬲ᭄᭞ᬫᬮᬶᬄᬲᬓᬶᬂᬢᬦ᭄ᬗᬸᬕᭀᬦᬶᬦ᭄᭞ᬯ᭄ᬬᬓ᭄ᬢᬶᬦ᭄ᬳᬶᬧᬸᬦ᭄᭞ᬧᬳᬶᬦ᭄ᬤᬶᬓᬦ᭄
ᬓᬃᬫ᭄ᬫᬵᬨᬮᬵ᭟ᬯᬦ᭄ᬢᬄᬳᬶᬓᬸ᭞ᬤᬡ᭄ᬦᬵᬦᬶᬱ᭄ᬝᬵᬚᬢᬶᬦ᭄᭠ᬳᬶᬧᬸᬦ᭄᭞ᬓᬾᬗᬶᬦ᭄ᬧᬶᬦᬶᬄᬦᬶᬱ᭄ᬝᬵ᭞ᬧᬶᬓᭀᬮᬶᬄᬜᬦᬾ᭠
[᭘᭕ 85A]
ᬧᬸᬦᬶᬓᬶ᭞ᬯ᭄ᬓᬲ᭄ᬧᬗ᭄ᬕᬸᬄ᭞ᬫᬦᬸᬢ᭄ᬩᬯᭀᬲ᭄ᬲᬂᬧᬡ᭄ᬥᬶᬢ᭄ᬝᬵ᭟ᬯ᭄ᬬᬓ᭄ᬢᬶᬦ᭄ᬳᬶᬧᬸᬦ᭄᭞ᬳᬸᬕᭂᬃᬳᬸᬕᭂᬃᬧᬢ᭄ᬭᬧ᭄ᬳᬶᬧᬸᬦ᭄᭞ᬬᬚ᭄ᬜᬵ
ᬧᬗᬸᬩᬓ᭄ᬢ᭄ᬬᬦ᭄᭞ᬧᭂᬯᬾᬯᬾᬄᬫᭂᬢᬧᬵᬫᬮᬶᬄ᭞ᬲᬮ᭄ᬯᬶᬃᬳᬶᬧᬸᬦ᭄᭞ᬳᬲᬶᬂᬫ᭄ᬮᬓ᭄ᬱᬡ᭄ᬦᬵᬤᬃᬫ᭄ᬫᬵ᭟ᬬᬦ᭄ᬢᬦ᭄ᬢᬸᬳᬸ᭞ᬫᭂᬚᬮᬃᬭᬦ᭄
ᬩ᭄ᬮᬶᬕ᭄ᬓᬬᬸᬦ᭄᭞ᬢᬦ᭄ᬱᬗ᭄ᬓᬦᬶᬂᬰ᭄ᬭᬤᬵ᭞ᬫᬸᬧᬸᬢ᭄ᬦᬶᬱ᭄ᬝᬵᬓᭂᬯ᭞ᬲ᭄ᬢᬦᬶᬦ᭄᭞ᬦᬶᬃᬤᭀᬦ᭄ᬳᬶᬓᬸ᭞ᬭᬶᬂᬲᭂᬓᬮᬵᬮᬦ᭄ᬦᬶᬲ᭄ᬓᬮᬵ᭟
ᬫᬸᬗ᭄ᬕ᭄ᬯᬶᬂᬳᬶᬧᬸᬦ᭄᭞ᬲᬂᬗᬶᬦ᭄ᬓᬶᬦᬂᬤᬡ᭄ᬦᬵᬢᬸᬳᬸ᭞ᬧᬶᬤᬩ᭄ᬤᬩ᭄ᬜᬵᬋᬓᭀ᭞ᬦᬾᬕᬫ᭄ᬧᬂᬕᬫ᭄ᬧᬂᬗᬦ᭄ᬭᬶᬬᬶᬦ᭄᭞ᬮ᭄ᬯᬶᬃ
