Kaca puniki sampun kauji-wacén
[᭖᭒ 62B]
᭞᭖᭑᭞
ᬯᭀᬲ᭄ᬳᭀᬮᬶᬄᬲᬂᬲᬤᬸ᭞ᬫᬸᬗ᭄ᬕ᭄ᬯᬶᬂᬧᬯᬶᬮᬂᬗᬦ᭄ᬳᬶᬧᬸᬦ᭄᭞ᬢᬦ᭄ᬫᭂᬫᬢᬶᬫᬢᬶᬋᬓᭀ᭞ᬢᬦ᭄ᬘᭀᬭᬄᬢᬦ᭄ᬮᬶᬜᭀᬓ᭄ᬳᬶᬓᬸ᭞
ᬓᭂᬲᬸᬕᬶᬳᬦ᭄ᬫᬳᬸᬢᬫᬵ᭞ᬓᭂᬩᬯᭀᬲ᭄ᬳᬦ᭄ᬢᬸᬓ᭄ᬲᬂᬧ᭄ᬭᬤ᭄ᬜᬵᬦ᭄᭟ᬤ᭄ᬯᬦᬶᬂᬲᭀᬮᬳᬾᬫᬫᬶᬢᬸᬮᬸᬂ᭞ᬦᬸᬮᬸᬂᬓᬤᬂᬯᬃᬕ᭄ᬕᬵ᭞ᬦᬾᬢᬶᬩᬾ
ᬦ᭄ᬲᬓᬶᬢ᭄ᬳᬢᬶ᭞ᬫᬮᬶᬄᬬᬦ᭄ᬱᭂᬯᬶᬢᬻᬢᬸᬳᬸ᭞ᬭᬶᬓᬮᬵᬫᬗᬶᬤᬶᬄᬢᬸᬮᬸᬂ᭞ᬧᬸᬦᬶᬓᬵᬓᬺᬧᬵᬯᬲ᭄ᬢᬦ᭄ᬜ᭞ᬧᬸᬦᬶᬓᬵᬦᬾᬲᬦ᭄ᬤᬂ᭠
ᬢᬸᬮᬸᬂ᭞ᬤ᭄ᬯᬦᬶᬂᬧᬶᬢᬸᬮᬸᬂᬧᬸᬦᬶᬓᬵ᭞ᬧᬢᬸᬢ᭄ᬧᬶᬲᬦ᭄ᬳᬸᬢ᭠ᬫᬵᬬᬂ᭟ᬳᬶᬦ᭄ᬤᬶᬓ᭄ᬫᬭᭀᬲᬶᬳᬾᬭᬶᬂᬳᬦᬓ᭄ᬮᬸᬄ᭞ᬲᬮ᭄ᬯᬶᬃᬧᬶ
[᭖᭓ 63A]
ᬤᬩ᭄ᬤᬩᬾ᭞ᬦᬾᬢᬦ᭄ᬱᬦ᭄ᬤᬮᬓ᭄ᬱᬡᬳᬶᬦ᭄᭞ᬲᬫ᭄ᬧᬸᬦᬂ᭠ᬳᬸᬕᬶᬫᬫᬸᬭᬸᬕ᭄᭞ᬳᬲᬶᬂᬗᬯᬾᬘᭂᬦ᭄ᬤᭂᬓ᭄ᬢᬯᬸᬄ᭞ᬳᬯᬶᬦ
ᬦ᭄ᬲᬂᬧ᭄ᬭᬤ᭄ᬜᬵᬦ᭄᭞ᬲᬂᬲᬸᬲᬶᬮᬵᬚᬢᬶᬢᬸᬳᬸ᭞ᬲᬂᬯᬶᬓᬦ᭄ᬭᬶᬂᬢᬢ᭄ᬯᬚ᭄ᬜᬡ᭄ᬦᬵ᭞ᬲᬂᬜᬳᬭᬢᬂᬧᬜ᭄ᬚᬂᬬᬸᬱᬵ᭟ᬢᬦ᭄ᬧᬶᬲ᭠
ᬦ᭄ᬕᭂᬫ᭄ᬩᬵᬕᭂᬫ᭄ᬩᬵᬭᬶᬂᬓᬬᬸᬦ᭄᭞ᬩ᭄ᬯᬢ᭄ᬫᬶᬓᬬᬸᬦᬂ᭞ᬓᭂᬧᬭᬵᬤᬭᬦ᭄ᬫᬭᬵᬰᬶᬄ᭞ᬫᬮᬶᬄᬓᬯ᭄ᬬᬓ᭄ᬢᬶᬬᬦ᭄ᬳᬶᬧᬸᬦ᭄᭞ᬓᬲᬸᬓ
ᬦ᭄ᬦᬾᬤᬸᬓ᭄ᬫᭂᬢᭂᬫᬸ᭞ᬓᬮᬵᬗᬚᬓ᭄ᬭᬩᬶᬤ᭄ᬭᬸᬯᬾ᭞ᬲᬧᬸᬦᬶᬓᬵᬳᬸᬕᬶᬧᬗ᭄ᬕᬸᬄ᭞ᬫᬢ᭄ᬫᬸᬭᬶᬂᬳᬶᬲ᭄ᬢ᭄ᬭᬶᬮᬶᬬᬦ᭄᭞ᬩᭀ
