Kaca:Bali-lontar-gaguritan-sangkur-udhang-02-300ppi.pdf/97

[᭙᭖ 96B]
᭙᭖
ᬲᭀᬃᬯᬭᬶᬗᬶᬦ᭄᭞ᬭᬫᬓᬸᬮᬫᬭᬶᬂᬲᬾᬮ᭞ᬭᬶᬲᬫ᭄ᬧᬸᬦ᭄ᬫᬗ᭄ᬓᬦᬦ᭄ᬬᬵ,ᬓᭀᬘᬧ᭄ᬳᬶᬩᬸᬳᬫ᭄ᬩᬳᬶᬓᬸ᭞ᬳᬮᬮᭀᬂᬳᬶᬂᬉᬤ᭄ᬬᬦ᭟ᬳᬸᬮᬶᬄᬓᬲᬲᬃᬫᬗ᭄ᬓᬾᬓᬶ᭞ᬫᬜ᭄ᬚᬶᬂ
ᬯᬦᬮᬯᬦ᭄ᬩᬮ᭞ᬲᭀᬃᬯᬭᬶᬗᬶᬦ᭄ᬳᭀᬮᬶᬄᬳᬭᬾᬭᬾᬦ᭄᭞ᬳᬶᬩᬸᬓᬲᬳᬦ᭄ᬢᭀᬬ᭞ᬗᬓᬾᬦ᭄ᬗᬸᬮᬢᬶᬢᭀᬬ᭞ᬩᬜᬸᬳᬶᬓᬦᭀᬭᬓᬢ᭄ᬫᬸ᭞ᬦᬸᬮ᭄ᬬᬦ᭄ᬫᬸᬢᭀᬬᬳᬶᬂᬲᬾ
ᬮ᭟ᬢᭀᬬᬓᬳᭀᬮᬶᬄᬳᬶᬦᬸᬫᬶᬦ᭄᭞ᬤᬾᬦᬾ ᬳᬫ᭄ᬩᬳᬶᬩᬸᬢ᭄ᬯᬦ᭄᭞ᬓᬂᬢᭀᬬᬧᬸᬦᬶᬓᬫᬗ᭄ᬓᭀ᭞ᬯᬭᬶᬄᬚᭂᬂᬭᬫᬓᬯᬸᬮ᭞ᬲᬯᬸᬲ᭄ᬳᬶᬗᬶᬦᬸᬫ᭄ᬢᭀᬬ᭞ᬲᬓᬶᬂᬢᬶ
ᬢᬳᬶᬂᬳ᭄ᬬᬂᬳᬕᬸᬂ᭞ᬦᬸᬮ᭄ᬬᬯᬯ᭄ᬭᬣᬶᬩᬸᬳᬫ᭄ᬩᬵ᭟ᬓᬭᬡᬦ᭄ᬩᬶᬦ᭄ᬯᬂᬳᬶᬩᬸᬦᬶᬭᬾᬓᬶ᭞ᬫᬭᬶᬂᬲᬢ᭄ᬗᬳᬶᬂᬯᬦ᭞ᬤᬾᬦᬾᬳ᭄ᬬᬓᬯᬸᬮᬫᬗ᭄ᬓᭀ᭞ᬢ᭄ᬮᬲ᭄ᬤᬾᬦᬶᬭᬢᬸᬢᬸᬭ᭞ᬦᬸᬮ᭄ᬬᬳ
[᭙᭗ 97A]
ᬦᬓᬯᬸᬮ᭞ᬫᬗ᭄ᬓᬦᬢᬶᬗ᭄ᬓᬳᬶᬂᬤᬗᬸ᭞ᬤᬸᬓᬶᬂᬯᬦᬳᬶᬩᬸᬳᬫ᭄ᬩ᭟ᬚᬬᬾᬂᬭᬡᬕᬯᭀᬓ᭄ᬫ᭄ᬬᬃᬱᬶ᭞ᬳᬶᬂᬢᬸᬢᬸᬭᬾᬩᬥᬶᬅᬲ᭄ᬓᬃ᭞ᬦᬸᬮ᭄ᬬᬳᬗᬦ᭄ᬤᬶᬓᬳᬮᭀᬦ᭄᭞ᬳᬾᬄᬢᬓᬓᬂ
ᬳᬸᬫᬃᬫᬬ᭞ᬢᬸᬳᬸᬓᬤᬶᬫᬗ᭄ᬓᬦ᭞ᬫᬃᬫᬬᬵᬫᬗ᭄ᬓᬦᬳᬸᬫᬢᬸᬃ᭞ᬦᭀᬭᬲᬶᬯᬄᬳᬸᬚᬃᬦᬾᬓ᭟ᬤᬸᬓᬮᬸᬗ᭄ᬳᬵᬳᬗᬸᬮᬢᬶ᭞ᬤᬤ᭄ᬬᬯᬭᬶᬄᬧᬸᬢ᭄ᬭᬢ᭄ᬯᬦ᭄᭞ᬳᬶᬂᬲᬾᬮᬲᭀᬃᬯᬭᬶᬗᬶ
ᬦᬾ᭞ᬦᬯ᭄ᬬᬾᬓᬳᭀᬮᬶᬄᬳᬶᬦᬸᬫ᭞ᬫᬗ᭄ᬓᬾ ᬧᬭᬦ᭄ᬳ᭄ᬬᬸᬦ᭄ᬢᬸᬯᬦ᭄᭞ᬫᬭᬳᬶᬂᬭᬭᬾᬧᬸᬦᬶᬓᬸ᭞ᬚᬬᬾᬂᬭᬡᬳᬗᬦ᭄ᬤᬶᬓᬵ᭞ᬳᬶᬗ᭄ᬲᬸᬦ᭄ᬳᬃᬱᬫᬗ᭄ᬓᬾ ᬗᬓ᭄ᬯᬶᬦ᭄᭞ᬯ᭄ᬮᬲ᭄ᬲᬸᬦ᭄ᬓᬮᬶᬦ᭄ᬢᬂᬮᬶᬦ᭄ᬢᬂ᭞
ᬳᬸᬦ᭄ᬤᬂᬲᬸᬯᭀᬗ᭄ᬰᬤᬾᬦᬕᬾ᭞ᬳᬶᬗ᭄ᬲᬸᬦ᭄ᬫᬗ᭄ᬓᬾ ᬳᬗᬓᭀᬦ᭞ᬫᬃᬫᬬᬫᬗ᭄ᬓᬾ ᬳᬾᬗ᭄ᬕᬮ᭄᭞ᬦᬸᬮ᭄ᬬᬫᬶᬢ᭄ᬫᬗ᭄ᬓᬾ ᬮᬸᬫᬓᬸ᭞ᬳᬗᬢᬸᬭᬶᬦ᭄ᬋᬧᬵᬢ᭄ᬫᬚ᭟ᬳᬸᬫᬃᬫᬬᬵ