[᭑᭔᭓ 143B]
᭑᭔᭓
ᬮᬶᬄᬚᬸᬭᬶᬢ᭄᭞ᬳᬧᬦ᭄ᬳᬶᬗ᭄ᬲᬸᬦ᭄ᬯᬸᬲᬯ᭄ᬭᬸᬳ᭟ᬳᬧᬦ᭄ᬲᬶᬭᬳᬶᬂᬫᬗ᭄ᬓᬾ ᬳᬦᬓ᭄ᬚᬢᬶ᭞ᬳᬶᬥᬧ᭄ᬳᬸᬚᬭᬶᬗ᭄ᬯᬂ᭞ᬳᬚᬲᬶᬭᬫᬮᬶᬄᬚᬸᬭᬶᬢ᭄᭞ᬬᭀᬕ᭄ᬬᬲᬋᬂᬧ᭄ᬚᬄᬕ᭄ᬲᬂ᭟ᬳᬾᬄᬢ
ᬲᬶᬭᬫᬺᬢ᭄ᬢᬧᬢᬶᬩᬸᬬᬸᬢ᭄ᬫᬫᬶ᭞ᬫᬶᬯᬄᬩᬥᬶᬅᬲ᭄ᬓᬃ᭞ᬲᬶᬭᬤᬤᬶᬧᬦ᭄ᬯᬫᬗ᭄ᬓᬶᬦ᭄᭞ᬫᬺᬢ᭄ᬢᬧᬢᬶᬳᬭᬶᬦᬶᬭ᭟ᬯ᭄ᬦᭂᬗᬦᬲᬶᬭᬫᬗ᭄ᬓᬾ ᬳᬜᭂᬫ᭄ᬩᬳᬶᬦ᭄᭞ᬫᬭᬶᬂᬭᬓᬦᬶᬭ᭞ᬫᬺᬢ᭄ᬢ
ᬧᬢᬶᬫᬢᬸᬃᬪᬓ᭄ᬢᬶ᭞ᬲᬶᬗ᭄ᬕᬶᬄᬓᬓᬂᬩᬥᬶᬅᬲ᭄ᬓᬃ᭟ᬦᬪᬶᬳᬶᬮᬶᬃᬫᬸᬱ᭄ᬡᬵᬢᬦᬦᬓᬳᬓ᭄ᬱᬶ᭞ᬫᬭᬶᬂᬗᬯᬗᬗᬯᬂ᭞ᬳᬯᭀᬃᬮᬯᬦ᭄ᬫᬾᬖᬧᬸᬢᬶᬄ᭞ᬫᬦ᭄ᬢᬸᬓ᭄ᬫᬭᬶᬂᬲ᭄ᬯᬃᬕ᭄ᬕᬮᭀᬓ
᭟ᬩᬥᬶᬅᬲ᭄ᬓᬃᬳᬃᬱᬦᬾ ᬫᬗ᭄ᬓᬾ ᬗᬸᬮᬢᬶ᭞ᬲᬋᬂᬫᬺᬢ᭄ᬢᬧᬢ᭄ᬬ᭞ᬳᬗᬸᬮᬢᬶᬭᬫᬦᬾᬓᬶ᭞ᬳᬶᬂᬫᭀᬦ᭄ᬤ᭄ᬭᬓᬮᬦᭂᬕᬭ᭟ᬦᬸᬮ᭄ᬬᬲᬋᬂᬲᬓᬭᭀᬦᬾ ᬳᬗᬸᬮᬢᬶ᭞ᬮᬚᬸ
[᭑᭔᭔ 144A]
ᬦ᭄ᬬᬮᬸᬫᬫ᭄ᬧᬄ᭞ᬲᬓᬭᭀᬦᬾ ᬳᬗᬸᬮᬢᬶ᭞ᬲᬋᬂᬓᬃᬯ᭄ᬯᬢᬮᬸᬫᬫ᭄ᬧᬄ᭟ᬦᭂᬗᬓ᭄ᬦᬮᬫ᭄ᬧᬳᬶᬭᬫᬗ᭄ᬓᬾ ᬓᬮᬶᬄ᭞ᬳᬕ᭄ᬮᬶᬲᬶᬂᬘᬭᬶᬢ᭞ᬮᬫ᭄ᬧᬄᬳᬶᬭᬳᬦᬾᬂᬫᬃᬕ᭄ᬕᬶ᭞
ᬯᬸᬲ᭄ᬓᬸᬗ᭄ᬓᬸᬮᬦ᭄ᬫᭀᬦ᭄ᬤ᭄ᬭᬓᬮ᭟ᬤᬹᬃ᭟ᬮᬄᬢᬬᬬᬶᬢᬸᬫᬸᬭᬸᬦ᭄ᬫᬗ᭄ᬓᬾ ᬦᬵᬕᬫᬸᬓ᭞ᬲᬫᬧ᭄ᬭᬶᬬᬢ᭄ᬦᬾᬦᬵᬕ᭄ᬬᬬᬶ᭞ᬯᬸᬲ᭄ᬧ᭄ᬭᬶᬬᬢ᭄ᬦᬲᬶᬭ᭞ᬭᬶᬲᬓ᭄ᬱᬡᬯᬸᬲ᭄ᬢᬸᬫ᭄ᬥᬓ᭄᭞ᬯᬸᬲ᭄ᬧ᭄ᬭᬧ᭄ᬢ
ᬫᬗ᭄ᬓᬾᬢᬸᬫᬸᬮᬶ᭞ᬮᬚᬸᬗᬯᬸᬓᬵ᭞ᬫᭀᬦ᭄ᬤ᭄ᬭᬓᬮᬳᬫᬸᬓᬶ᭟ᬧᬗᬫᬸᬓᬾ ᬮ᭄ᬯᬶᬃᬲᬶᬗ᭄ᬳᬗᬫᬳᬫᬄ᭞ᬲᬶᬂᬢᬶᬦᬺᬚᬂᬧᬢᬾᬦᬶ᭞ᬳᬓᬾᬳᬵᬯᭀᬗᬾ ᬓᬂᬧ᭄ᬚᬄ᭞ᬯ
ᬗ᭄ᬓᬾ ᬳᬲᬸᬲᬸᬦ᭄ᬢᬸᬫ᭄ᬧᬂ᭞ᬲᬬᬦ᭄ᬓ᭄ᬭᭀᬥᬳᬗᬫᬸᬓᬶᬦ᭄᭞ᬯᭀᬂᬫᭀᬦ᭄ᬤ᭄ᬭᬓᬮ᭞ᬲᬬᬦ᭄ᬳᬓᬾᬳᬵᬓᬂᬫᬢᬶ᭟ᬯᭀᬂᬪᬲ᭄ᬓᬭᬲᬫᬫᬸᬦ᭄ᬤᬸᬭᬾᬦᬵᬕ᭄ᬧᬬᬸᬥᬦ᭄᭞ᬧᬲᬗ᭄ᬕ᭄ᬭᬳᬦ᭄ᬤᬾ
Kaca:Bali-lontar-gaguritan-sangkur-udhang-02-300ppi.pdf/144
Kaca puniki sampun kauji-wacén
