[᭑᭑᭒ 112B]
᭑᭑᭒
ᬲ᭄ᬓᬃ᭞ᬤᬾᬦᬾᬳᬦ᭞ᬯᬺᬢ᭄ᬢᬦᬾ ᬗ᭄ᬫᬲᬶᬦ᭄᭞ᬧᬶᬜ᭄ᬚᬄᬤᬾᬦᬶᬂᬯᭀᬂᬗᬭᬩ᭄᭟ᬩ᭄ᬭᬳ᭄ᬫᬦ᭄ᬢ᭄ᬬᬦ᭄ᬫᬗ᭄ᬓᬾ ᬲᬂᬲᬸᬤᬾᬯᬶ᭞ᬲᬓᬭᭀᬦᬾ ᭞ᬭᬕᬮ᭄ᬯᬶᬃᬫᭂᬢᬸᬕᭂᬦ᭄ᬬ᭞ᬲᬫ᭄ᬩᬭᬶᬦᬦ᭄ᬭᬸᬫ᭄ᬧ
ᬓ᭄ᬳᬕᬾ᭞ᬲᬂᬤᬾᬯᬶᬓᬮᬶᬄᬫᬫ᭄ᬩᬸᬃ᭞ᬲᬸᬲᬸᬫ᭄ᬩᬭᬾᬳᬗᬸᬯᬸᬄᬢᬾᬓᬶ᭞ᬋᬧᬵᬢ᭄ᬫᬚᬕ᭄ᬮᬶᬲ᭄ᬫᭂᬢ᭄ᬯ᭞ᬳᬢᬕ᭄ᬦᬯᬤ᭄ᬯᬾᬓᬸ᭞ᬧᬶᬦ᭄ᬤᬓ᭄ᬦᬫᬗ᭄ᬓᬾ ᬳᬶᬗ᭄ᬯᬂ᭞ᬬᬦ᭄ᬢᬦ᭄ᬯ᭄ᬭᬸᬳ᭞ᬲᬸᬦ᭄ᬳᬭᬦ᭄ᬫᬶ
ᬤ᭄ᬬᬓᭂᬜ᭄ᬘᬦᬶ᭞ᬫᬭᬸᬦᬶᬗ᭄ᬲᬸᬦ᭄ᬳᬶᬦ᭄ᬤ᭄ᬭᬲ᭄ᬓᬃ᭟ᬧᬸᬢ᭄ᬭᬦᬾ ᬭᬚᬫᬮᬶᬕᬾ ᬫᬫᬶ᭞ᬓᬂᬲᬯᬶᬚᬶ᭞ᬧᬸᬢ᭄ᬭᬦᬾ ᬲᬂᬦᬵᬣ᭞ᬳᬶᬦ᭄ᬤ᭄ᬭᬧᬢᬶᬦᭂᬕᬭᬦᬾ᭞ᬇᬦ᭄ᬤ᭄ᬭᬲᬭᬶᬚᬸᬚᬸᬮᬸᬓ᭄᭞ᬳᬸ
ᬫᬃᬫᬬᬫᬗ᭄ᬓᬾ ᬳᬫ᭄ᬬᬃᬱᬶ᭞ᬲᬸᬲᬸᬫ᭄ᬩᬭᬾ ᬲᬂᬭᬢ᭄ᬦ᭞ᬦᭀᬭᬲᬫᬃᬗ᭄ᬭᬸᬗᬸ᭞ᬦᬸᬮ᭄ᬬᬳᬕ᭄ᬮᬶᬲ᭄ᬫᬗ᭄ᬓᬾ ᬲᬶᬭ᭞ᬳᬸᬫᬢᬸᬭᬫᬭᬶᬂᬲᬶᬭᬚᬬᬾᬂᬧᬢᬶ᭞ᬤᬾᬦᬢᬸᬲᬸᬫ᭄ᬩᬲᬂᬤ᭄ᬬᬄ᭟ᬚ
[᭑᭑᭓ 113A]
ᬬᬾᬂᬭᬡᬢᬢ᭄ᬓᬮᬢᬶᬦᬗ᭄ᬓᬶᬮ᭄᭞ᬗᭂᬦ᭄ᬤᬸᬭᬱ᭞ᬢᬦ᭄ᬥ᭄ᬬᬦ᭄ᬭᬶᬦᬯᭀᬲᬦ᭄᭞ᬭᬚᬦᬹᬃᬰᬶᬯᬦ᭄ᬭᬶᬦᬯᭀᬲ᭄᭞ᬭᬭᬲᬦ᭄ᬤᬸᬭᬸᬂᬢᬸᬢᬸᬕ᭄᭞ᬓᬜ᭄ᬘᬶᬢ᭄ᬧ᭄ᬭᬧ᭄ᬢᬵᬫᬃᬫᬬᬢᬾᬓᬶ
᭞ᬫᬢᬸᬃᬭᬶᬂᬚᬬᬾᬂᬭᬡ᭞ᬲᬶᬗ᭄ᬕᬶᬄᬓᬸᬮᬫᬢᬸᬃ᭞ᬯᭂᬦ᭄ᬢᭂᬦ᭄ᬰᬢ᭄ᬭᬸᬫᬗ᭄ᬓᬾ ᬧ᭄ᬭᬧ᭄ᬢ᭞ᬗᬸᬯᬳᬸᬯᬸᬄ᭞ᬳᬦ᭄ᬤᬶᬓᬦᬾ ᬳᬸᬯᬸᬳᬶᬦ᭄᭞ᬮᬦ᭄ᬧᬸᬢ᭄ᬭᬋᬧᬵᬢ᭄ᬫᬚ᭟ᬚᬬᬾᬂᬭᬡᬳᬗᬦ᭄ᬤᬶᬓ
ᬳᬭᬶᬲ᭄᭞ᬤᬾᬦᬾᬯᬳᬸ᭞ᬲᬶᬭᬳᬸᬫᬃᬫᬬ᭞ᬳᬶᬂᬗᭂᬦ᭄ᬤᬶᬧ᭄ᬭᬦᬳᬾᬫᬗ᭄ᬓᬾ ᭞ᬰᬢ᭄ᬭᬸᬲᬓᬶᬂᬦ᭄ᬤᬶᬭᬯᬸᬄ᭞ᬳᬸᬫᬃᬫᬬᬫᬢᬸᬃᬳᬭᬶᬲ᭄᭞ᬲᬶᬗ᭄ᬕᬶᬄᬢ᭄ᬯᬦ᭄ᬚᬬᬾᬦᬵᬕ᭄ᬭᬡ᭞ᬓᬸᬮᬳᬸ
ᬮᬶᬄᬢᬸᬢᬸᬃ᭞ᬧᬸᬢᬸᬦ᭄ᬤᬶᬓᬧᬶᬦ᭄ᬚᬳᬦ᭄᭞ᬩᬥᬶᬅᬲ᭄ᬓᬃ᭞ᬳᬶᬗᬚᬓ᭄ᬩᬸᬩᬸᬭᬸᬢᬾᬓᬶ᭞ᬳᬶᬗᬧᬸᬲ᭄ᬤᬾᬦᬶᬂᬧᬸᬢ᭄ᬭᬢ᭄ᬯᬦ᭄᭟ᬳᬶᬗᬓᭀᬦᬦ᭄ᬳᬫ᭄ᬚᬳ᭄ᬦᬢᬾᬓᬶ᭞ᬦᬸᬮ᭄ᬬᬯᭂᬦ᭄ᬢᭂ
Kaca:Bali-lontar-gaguritan-sangkur-udhang-02-300ppi.pdf/113
Kaca puniki sampun kauji-wacén
