[᭑᭐᭑ 101B]
᭑᭐᭑
ᬳᬸᬫᬢᬸᬃᬲᬶᬗ᭄ᬕᬶᬄᬲᬂᬦ᭄ᬣ᭞ᬧᬦ᭄ᬓᬸᬮᬲᬓᬶᬂᬫ᭄ᬥᬳᬶᬦ᭄᭞ᬓᬯᬸᬮᬤᬶᬓᬸᬣ᭞ᬤᬾᬦᬶᬂᬭᬚᬦᬸᬃᬰᬶᬯᬦ᭄᭞ᬓᬯᬸᬮᬗᬶᬭᬶᬂᬲᬗᬚᬶ᭞ᬲᬤ᭄ᬬᬳᬸᬫ᭄ᬥᭂᬓ᭞ᬫᬗ᭄ᬓᬾ ᬓᬭᬶᬳᬶᬂᬚᬶᬯᬶ
᭟ᬩᬮᬦᬶᬭᬲᬂᬦᬵᬣᬢ᭄ᬮᬲ᭄ᬗᬶᬭᬶᬗ᭞ᬮᭀᬮᭀᬲᬓᬶᬂᬫ᭄ᬥᬳᬶᬦ᭄᭞ᬓᬭᬡᬾᬮᭀᬮᭀᬲ᭞ᬤᬾᬦᬵᬳᬓᬲᭀᬃᬬᬸᬤ᭞ᬳᬫᬸᬲᬸᬄᬲᬓᬶᬂᬗᬩ᭄ᬤᬶ᭞ᬳᬶᬓᬂᬳᬦᬫ᭞ᬲᬶᬭ
ᬚᬬᬾᬂᬧᬢᬶ᭟ᬧᬸᬦᬂᬤᬸᬢᬢ᭄ᬮᬲ᭄ᬫᬗ᭄ᬓᬾ ᬳᬢᬸᬭᬶᬭ᭞ᬲᬢᬶᬗ᭄ᬓᬄᬭᬚᬫ᭄ᬓᬳᬶᬦ᭄᭞ᬓᬢᬸᬭᬾᬂᬲᬂᬦᬵᬣ᭞ᬢ᭄ᬮᬲ᭄ᬫᬗ᭄ᬓᬾ ᬳᬶᬗᬢᬸᬭᬦ᭄᭞ᬲᬂᬦᬵᬣᬕᬯᭀᬓ᭄ᬫ᭄ᬬᬃᬱᬶ᭞ᬳᬢᬸᬃᬓᬶᬧᬢ᭄ᬬ
᭞ᬓᬮᬶᬦ᭄ᬢᬂᬓᬗᬶᬂᬳᬢᬶ᭞ᬦ᭄ᬤᬦ᭄ᬲᬂᬦᬵᬣᬫᭀᬦ᭄ᬤ᭄ᬭᬾᬓᬮᬳᬗᬸᬘᬧ᭄᭞ᬲᬸᬦ᭄ᬲᬶᬗ᭄ᬕᬶᬄᬫᬸᬲᬸᬄᬧ᭄ᬭᬧ᭄ᬢᬶ᭞ᬫᬮᬄᬲᬫ᭄ᬧ᭄ᬭ᭄ᬬᬢ᭄ᬦ᭞ᬳᬾᬄᬢᬧᬢᬶᬄᬚᬸᬕᬸᬮ᭄ᬧ᭄ᬝᬓ᭄᭞ᬘᬯᬶᬲ᭄ᬦᬓᬸᬤ
[᭑᭐᭒ 102A]
ᬳᬕ᭄ᬮᬶᬲ᭄᭞ᬫᬗ᭄ᬓᬾ ᬓ᭄ᬭᬱᬗ᭄ᬯᬂ᭞ᬳᬫᭂᬦ᭄ᬤᬓ᭄ᬭᬚᬫ᭄ᬥᬳᬶᬦ᭄᭟ᬳᬾᬄᬢᬤᬸᬢᬳᬕᬾᬲᬶᬭᬗᬸᬫ᭄ᬩᬮ᭄ᬬ᭞ᬳᬢᬸᬃᬦᬳᬸᬫᬃᬫᬫᬶ᭞ᬲᬸᬦ᭄ᬫᬗ᭄ᬓᬾ ᬗᬢᬸᬃᬦ᭞ᬫᬭᬳᬶᬂᬰ᭄ᬭᬶᬦᬮᬾᬦ᭄ᬤ᭄ᬭ᭞ᬧᬸᬦᬂ
ᬤᬸᬢᬳᬕ᭄ᬮᬶᬲ᭄ᬳᬫᬶᬢ᭄᭞ᬮᬸᬫᬫ᭄ᬧᬄᬳᬾᬗ᭄ᬕᬮ᭄᭞ᬮᬫ᭄ᬧᬳᬾᬤᬸᬢᬳᬶᬓᬶ᭟ᬳ᭄ᬦᭂᬗᬓ᭄ᬦᬲᬶᬭᬾᬂᬫᬃᬕ᭄ᬕᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬦᬸᬮ᭄ᬬᬓᬢᬸᬃᬲᬗᬚᬶ᭞ᬦ᭄ᬤᬶᬓᬦᬾ ᬲᬂᬦᬵᬣᬓᬂᬭᬚ
ᬫᭀᬦ᭄ᬤ᭄ᬭᬓ᭄ᬮ᭞ᬦᬸᬃᬰᬶᬯᬦ᭄ᬩᬸᬗᬄᬢᬦ᭄ᬲᬶᬧᬶ᭞ᬳ᭄ᬦᭂᬗᬓ᭄ᬦᬲᬓ᭄ᬱᬡ᭞ᬓ᭄ᬯᬃᬡ᭄ᬦᬓᬢᬸᬃᬭᬚᬫ᭄ᬥᬳᬶᬦ᭄᭟ᬲᬂᬦᬵᬣᬫᭀᬦ᭄ᬤ᭄ᬭᬓᬮᬫᬗ᭄ᬓᬾ ᬮᬸᬫᬫ᭄ᬧᬄ᭞ᬳᬶᬗᬶᬭᬶᬂᬧᬭᬫᬦ᭄ᬢ᭄ᬭᬶ᭞
ᬳᬫᬧᬕ᭄ᬦᬸᬃᬰᬶᬯᬦ᭄᭞ᬕ᭄ᬮᬶᬲ᭄ᬫᬗ᭄ᬓᬾ ᬮᬫ᭄ᬧᬳᬶᬭ᭞ᬢᬸᬫᬸᬮ᭄ᬬᬳᬕ᭄ᬮᬶᬲ᭄ᬓᬧᬗ᭄ᬕᬶᬄ᭞ᬦᬸᬮ᭄ᬬᬲᬂᬦᬵᬣ᭞ᬫᭀᬦ᭄ᬤ᭄ᬭᬓᬮᬫᬗ᭄ᬓᬾ ᬕ᭄ᬮᬶᬲ᭄᭞ᬦᬸᬮ᭄ᬬᬢ᭄ᬤᬓ᭄ᬲᬂᬦᬵᬣᬲᬓᬶᬂᬢᬸᬭᬗ᭄ᬕᬵ᭞
Kaca:Bali-lontar-gaguritan-sangkur-udhang-02-300ppi.pdf/102
Kaca puniki sampun kauji-wacén
