Kaca:Bali-lontar-gaguritan-sangkur-udhang-01-300ppi.pdf/95

[᭙᭔ 94 B] (physical label incorrect, should have been 93 B)
᭙᭓
ᬕᬵᬡ᭄ᬦᬵᬧᬺᬦᬄᬦᬾᬓᬶ᭞ᬲᬋᬂᬳ᭄ᬬᬾᬂᬮᬯᬦ᭄ᬩᬶᬩᬶ᭞ᬩᬤᬶᬅ᭄ᬳᬲ᭄ᬓᬵᬃᬫᬗ᭄ᬓᬾᬫᬵᬢᬸᬃ᭞ᬲᬃᬯ᭄ᬯᬶᬦᬸᬤᬸᬳ᭄ᬬᬂᬗᬭ᭞ᬳᬶᬓᬸᬳᬶᬬᬳᬭᬦ᭄ᬳᬫᬶᬃ᭞ᬩ᭄ᬬᬂᬗᬶᬭᬫᬗ᭄ᬓᬾᬕ᭄ᬮᬶᬲ᭄ᬮᬯᬦ᭄ᬲᬂᬦᬢ᭄ᬣ᭟ᬮᬄᬢᬓᬓᬶᬲᬶᬭᬳᬾᬦᬵᬕ᭄ᬕᬮ᭄᭞ᬳᬕᬾᬫᬗ᭄ᬓᭀᬦᭂᬦ᭄ᬲᬂᬗᬚᬶ᭞ᬫᭀᬦ᭄ᬤᬺᬓᬮᬭᬦ᭄ᬯ
ᬗ᭄ᬤᬧ᭄ᬚᬄᬩᬤᬶᬅ᭄ᬳᬲ᭄ᬓᬵᬃᬫᬢᬸᬃᬧᬫᬶᬢ᭄᭞ᬦ᭄ᬤᬦ᭄ᬮᬶᬗᬾᬫᬡ᭄ᬦᬵᬶᬦ᭄ᬲᬰᬶᬄ᭞ᬳᬬ᭄ᬯᬫ᭄ᬚᬄᬳᬦᬓᬶᬰᬸᬦ᭄᭞ᬤᬾᬦ᭄ᬩᬦ᭄ᬤᬦᬦᬳᬸᬖ᭄ᬕ᭞ᬳᬫᬶᬢ᭄ᬓᬯᬸᬮᬢᬩᬶᬩᬶ᭞ᬦᭂᬗᬓ᭄ᬦᬓᭀᬘᬧᬫᬗ᭄ᬓᬾᬳᬬᬸᬤ᭟ᬬᬢᬲᬗᬫᭀᬦ᭄ᬤᬺᬓᬮ᭞ᬳᬗ᭄ᬭᬲᬫᬗ᭄ᬓᬾᬓᬚᭀᬤᬶ᭞ᬩᬤᬶᬅ᭄ᬳᬵ
ᬲ᭄ᬓᬵᬃᬳᬗ᭄ᬕᬡ᭄ᬦᬵ᭞ᬲᬶᬦᬫ᭄ᬩᭂᬃᬲᬂᬚᬬᬾᬂᬧᬢᬶ᭞ᬓ᭄ᬦᬮᬯᬦ᭄ᬲ᭄ᬓᬃᬩᬤᬶ᭞ᬲᬫᬓ᭄ᬦᬓᬢᬶᬕᬾᬓᬸ᭞ᬫᬸᬱ᭄ᬦᬳᬶᬂᬬᬸᬦ᭄ᬲᬂᬦᬢ᭄ᬣ᭞ᬮᬶ᭠ᬦ᭄ᬢᬂᬕᬯᭀᬓ᭄ᬓᬾᬲᬂᬗᬚᬶ᭞ᬳᭂᬦ᭄ᬤᬶᬩᬬᬧᬭᬦᬾᬲᬂᬚᬬᬾᬦᬵᬕ᭄ᬭᬡ᭄ᬦᬵ᭟ᬲᬂᬦᬢ᭄ᬣᬫᬶᬘᬭᬾᬂᬦᬵᬮ᭞ᬫᬵᬦᬵᬯ᭄ᬯᬂᬳᬦᬜᬫ᭄ᬩᭂᬭᬶᬦ᭄᭞ᬬ
ᬦᬵᬦᬫᬲᬢᬦᬯᬲ᭄᭞ᬚᬬᬾᬂᬭᬦᬵᬦᬵᬯ᭄ᬬᬜᬶᬗᬶᬤ᭄᭞ᬲᬂᬦᬝᬦᬸᬮ᭄ᬬᬮᬭᬶ᭞ᬳᬮᬬᬸᬢᬦᭀᬮᬶᬄᬧᬸᬗ᭄ᬓᬹᬃ᭞ᬓᬮᬶᬦ᭄ᬢᬂᬚ᭄ᬭᬶᬳᬾᬦᬵᬕ᭄ᬦᬮ᭞ᬲᬶᬦᭂᬗ᭄ᬕᬶᬄᬳᬫ᭄ᬱ᭄ᬬᬄᬫ᭄ᬩᬸᬭᬸᬦᬶᬦ᭄᭞ᬯᬸᬲᬧ᭄ᬭᬧ᭄ᬢᬳᬵᬃᬱᬦᬾᬭᬚᬦᬸᬃᬲᬶᬯᬦ᭄᭟ᬭᬚᬦᬸᬃᬲᬶᬯᬦ᭄ᬗᬦ᭄ᬤᬶᬓ᭞ᬫᬗ᭄ᬓᬾᬧ
[᭙᭕ 95 A] (physical label incorrect, should have been 94 A)
ᬭᬦ᭄ᬲᬢ᭄ᬭᬸᬦᬾᬓᬶ᭞ᬫᭀᬦ᭄ᬤᬺᬓᬮᬳᬦᭂᬫ᭄ᬩᬸᬗᬵ᭞ᬓᬭᬦᬾᬫᬦᬶᬭᬮᬭᬶ᭞ᬚᬬᬾᬂᬭᬡ᭄ᬦᬵᬳᬜᬶᬗᬶᬤ᭄᭞ᬢ᭄ᬓᬫᬸᬱ᭄ᬦᬫᬭᬶᬂᬗᬬᬸᬦ᭄᭞ᬩᬬᬦ᭄ᬤᬶᬳᬸᬗ᭄ᬕ᭄ᬯᬦᬶᬭ᭞ᬦᭀᬭᬦᬵᬦᬓᬂᬓᬳᬓ᭄ᬲᬶ᭞ᬕᬯᭀᬓ᭄ᬢᭂᬫᭂᬦ᭄ᬳᬶᬘᬮᬾᬩᬕᬶᬦ᭄ᬤᬳᬫ᭄ᬱ᭄ᬬᬄ᭟ᬦᬶᬗᬓ᭄ᬦᬫᬗ᭄ᬓᬾᬲᬂᬦᬢ᭄ᬣ᭞ᬪᬵᬤᬶ
ᬅ᭄ᬳᬲ᭄ᬓᬵᬃᬫᬗ᭄ᬓᬾᬓ᭄ᬯᬃᬡ᭄ᬦᬵᬶ᭞ᬫᬓᬫᬶᬯᬄᬳᬶᬩᬸᬮᬦ᭄ᬳ᭄ᬬᬂ᭞ᬫᬡ᭄ᬦᬵᬶᬓ᭄ᬱᬰᬶᬄᬚᬗ᭄ᬕᬲᬓ᭄ᬢᬶ᭞ᬳᬫ᭄ᬱ᭄ᬬᬄᬧᬶᬦᬜ᭄ᬚᬶᬂᬦᬸᬮᬶ᭞ᬭᬤᬾᬦ᭄ᬫᬓ᭄ᬢ᭠ᬮ᭄ᬮᬦ᭄ᬲ᭄ᬓᬵᬃᬤ᭄ᬬᬸ᭞ᬫᬭᬶᬂᬘᬸᬘᬸᬧᬸᬦᬶᬭ᭞ᬳᬗᬶᬂᬲᬶᬭᬚᬬᬾᬂᬧᬢᬶ᭞ᬳᬶᬂᬘᬸᬘᬸᬧᬸᬦᭀᬭᬓᬶᬭᬂᬲ᭄ᬓᬸᬮ᭄ᬳᬸᬮᬫ᭄᭟ᬲᬓᬶᬂᬢᬶᬞ᭄ᬬᬂᬲᬸᬓ᭄ᬱ᭄ᬫ᭞ᬲᬶᬂᬓ᭄ᬭᬲ
ᬦᬾᬳᬦᬳᬸᬕᬶ᭞ᬭᬶᬲᬫ᭄ᬧᬸᬦᬶᬭᬫᬗ᭄ᬓᬡ᭄ᬦᬵ᭞ᬭᬤᬾᬦ᭄ᬳᬸᬫᬵᬃᬫᬬᬾᬓᬶ᭞ᬳᬶᬗᬸᬮᬢᬶᬦᭀᬭᬓᬢ᭄ᬫᬸ᭞ᬫᬶᬯᬄᬯᬺᬢ᭄ᬣᬢᬦᬵᬦ᭞ᬳᬶᬗᬦ᭄ᬤᬶᬩᬜ᭄ᬚᬭᬦ᭄ᬲᬭᬶ᭞ᬬᬾᬦᬵᬕ᭄ᬲᬂᬫ᭄ᬦᬯᬫᬗ᭄ᬓᬾᬯᬸᬲ᭄ᬧ᭄ᬚᬄ᭟ᬫᬵᬃᬫᬬᬫᬶᬘᬭᬾᬂᬦᭀᬮ᭞ᬫᬗ᭄ᬓᬾᬳᬶᬂᬲᬸᬦ᭄ᬧᬦ᭄ᬭᬸᬲ᭄ᬮᬫᬶ᭞ᬳᬶᬗ᭄ᬲᬸ᭠
ᬦ᭄ᬳᬵᬃᬱᬳᬗᬸᬮᬢ᭄ᬣᬶ᭞ᬫ᭄ᬦᬯᬳᬦᬯᭀᬂᬢᬧᬶ᭞ᬲᬸᬦᬸᬮᬢᬶᬫ᭄ᬦᬯᬓᬢ᭄ᬫᬸ᭞ᬦᬸᬮ᭄ᬬᬳᬗᬯᬂᬗᬯᬂ᭞ᬫᬶᬤᭂᬃᬫᬶᬤᭂᬃᬳᬗᬸᬮᬢ᭄ᬣᬶ᭞ᬤᬥ᭄ᬬᬲᬶᬭᬮᬶᬃᬢᬸᬤᬸᬳᬶᬂᬧᬗᬾᬭᬦ᭄᭟ᬳᬦᬘᬳ᭄ᬬᬓᬢᬶᬗᬮᬦ᭄᭞ᬢ᭄ᬭᬸᬲ᭄ᬳᬶᬂᬮᬗᬶᬢ᭄ᬳᬦ᭄ᬮᬳᬶᬦ᭄᭞ᬳᬶᬭᬶᬓᬢᬧᬺᬦᬳᬶᬭ᭞ᬳᬶᬂᬧᬸᬘᬓ᭄ᬳᬸᬓᬶᬃ