Kaca:Bali-lontar-gaguritan-sangkur-udhang-01-300ppi.pdf/74

[᭗᭒ 73 B] (physical label incorrect, should have been 72 B)
᭗᭒
ᬗ᭄ᬓᬾᬳᬦ᭄ᬤᬶᬓᬕ᭄ᬮᬶᬲ᭄ᬩᬸᬤᬮ᭄᭞ᬲᬋᬂᬮᬯᬦ᭄ᬩᬮᬓᬩᬾᬄᬓᬸᬮᬮᬸᬗᬦ᭄ᬤᬶᬓᬪᬵᬹᬤᬮ᭄᭞ᬢᬦ᭄ᬓᬘ᭄ᬢᬦ᭄ᬕᬭᬾᬗ᭄ᬳᬭᬩ᭄᭞ᬫ᭄ᬦᬯᬶᬓᬶᬦ᭄ᬧᬗᬶᬂᬲᬢ᭄ᬭᬸ᭞ᬳᬶᬂᬗᬭᬩ᭄ᬫᬓᬢ᭄ᬯᬦᬸᬖ᭄ᬕ᭟ᬚᬬᬾᬂᬭᬡ᭄ᬦᬵᬗᬦ᭄ᬤᬶᬓᬭᬶᬲ᭄᭞ᬩ᭄ᬘᬶᬓᬬᬳᬸᬚᬃᬓᬓᬵᬂ᭞ᬲᬸᬦ᭄ᬳ
ᬦᬸᬢ᭄ᬫᬗ᭄ᬓᬾᬳᬸᬚᬭᬾ᭞ᬲᬯᬸᬚᬭᬾᬫᬗ᭄ᬓᬾᬓᬓᬵᬂ᭞ᬲᬋᬂᬗᬫᬗ᭄ᬓᬾᬳᬸᬖ᭄ᬕ᭞ᬫᬵᬃᬫᬵᬬᬫᬗ᭄ᬓᬾᬮᬸᬫᬵᬓᬸ᭞ᬤᬲᬫ᭄ᬤᬳᬶᬦ᭄ᬢᬶᬦᬶᬗ᭄ᬕᬮᬦ᭄᭟ᬦᬸᬮ᭄ᬬᬕᬶᬦ᭄ᬲᭂᬂᬤᬾᬲᬫ᭄ᬤᬳᬶᬦ᭄᭞ᬲᬫᬢ᭄ᬮᬲ᭄ᬤᬾᬲᬳᬶᬓ᭞ᬲᬓᬶᬂᬕ᭄ᬮᬶᬲ᭄ᬘᬭᬶᬢ᭄ᬣᬫᬗ᭄ᬓᭀ᭞ᬮᬫ᭄
ᬧᬳᬶᬭᬚᬬᬾᬂᬭᬡ᭄ᬦᬵ᭞ᬯᬸᬲ᭄ᬧ᭄ᬭᬧ᭄ᬢᬫᬭᬶᬂᬗᬭᬩ᭄᭞ᬳ᭄ᬦᭂᬗᬓ᭄ᬦᭂᬚᬬᬾᬂᬲᬢ᭄ᬭᬸ᭞ᬳᬸᬫᬵᬃᬫᬬᬫᬗ᭄ᬓᬾᬓᭀᬘᬧ᭄᭟ᬯᬸᬲ᭄ᬫᬫ᭄ᬩᬵᬃᬫᬭᬶᬂᬯ᭄ᬬᬢ᭄ᬣᬶ᭞ᬲᬋᬂᬭᬵᬤᬾᬦ᭄ᬩᬤᬶᬅ᭄ᬳᬲ᭄ᬓᬵᬃ᭞ᬦᭀᬭᬮ᭄ᬬᬦ᭄ᬓᬂᬤᬾᬦ᭄ᬢᬸᬚᭀᬦ᭄᭞ᬦ᭄ᬕᬭᬳᬶᬂᬫᭀᬦ᭄ᬤᬺᬓᬮ᭞ᬧᬳᬶᬭᬂᬤᬶᬦᬵᬳᬶᬂ
ᬢᬯᬂ᭞ᬦᭂᬗᬓ᭄ᬦᬳᬦᬾᬦᬵᬕ᭄ᬮᬸᬳᬸᬃ᭞ᬓ᭄ᬯᬃᬦᬭᬚᬫᭀᬦ᭄ᬤᬺᬓᬮ᭛ᬥᬹᬃ᭛ᬤᬦ᭄ᬓᬯᬃᬡ᭄ᬦᬵᬫᭀᬦ᭄ᬤᬺᬓᬮᬓᬂᬲᬶᬦᬾᬪᬵ᭞ᬳᬕᬸᬦᭂᬫ᭄ᬮᬦ᭄ᬧ᭄ᬭᬫᬦ᭄ᬢ᭄ᬭᬶ᭞ᬧᭂᬧᭂᬓ᭄ᬩᬮᬡ᭄ᬦᬵᬶᬭ᭞ᬧᬢᬶᬄᬮᬦ᭄ᬧ᭄ᬭᬧᬸᬗ᭄ᬕᬯ᭄ᬯ᭞ᬫᬶᬯᬄᬓ᭄ᬮᬯᬦ᭄ᬧ᭄ᬭᬚᬸᬭᬶᬢ᭄᭞ᬧᬢᬶᬄᬲᭂᬦ᭄ᬢᬵᬦ᭞ᬧᬢᬶᬄ
[᭗᭔ 74 A] (physical label incorrect, should have been 73 A)
ᬤ᭄ᬫᬵᬂᬳᬗᬩᬾᬳᬶᬦ᭄᭟ᬧ᭄ᬭᬲᬫᬦᬾᬧᭂᬧᭂᬓ᭄ᬳᬵᬃᬲᬦᬾᬲᬂᬦᬢ᭄ᬣ᭞ᬓᬶᬧᬢᬶᬄᬫᬸᬂᬗ᭄ᬕᬾᬳᬵᬃᬰᬶ᭞ᬓᬶᬧᬢᬶᬄᬚᬸᬕᬸᬮ᭄ᬧ᭄ᬝᬓ᭄᭞᭠ᬲᬤᬸᬮᬸᬯᭂᬭᬾᬓᬶᬧᬣ᭄ᬬ᭞ᬚᬸᬕᬸᬮ᭄ᬩᬶᬭᬸᬚᬸᬕᬸᬮ᭄ᬓᬸᬦᬶᬂ᭞ᬫᬶᬯᬄᬚᬸᬕᬸᬮ᭄ᬩᬂ᭞ᬲᬓᬯᬦ᭄ᬱᬦᬓ᭄ᬦᬾᬓᬶ᭟ᬦᬸᬮ᭄ᬬᬧ᭄ᬭᬧ᭄ᬢᬭᬚᬦᬸᬃᬲᬶᬯᬦ᭄ᬲ᭄ᬳ
ᬩᬮ᭞ᬓᬂᬳᬦᬾᬂᬧᬶᬗ᭄ᬕᬶᬃᬦ᭄ᬕᬭᬶ᭞ᬲᭂᬲᭂᬓᬦᬾᬦᬵᬕ᭄ᬫᬵᬃᬕ᭞ᬤᭀᬄᬲᬗ᭄ᬓᬳᬶᬂᬦ᭄ᬕᬭ᭞ᬧᬺᬦᬳᬾᬦᬸᬃᬲᬶᬯᬦ᭄ᬳᬚᬶ᭞ᬲᬯᬢ᭄ᬤᭀᬄᬦᬾᬓ᭞ᬮᬮᬓᭀᬦ᭄ᬱ᭄ᬫᬤᬾᬳᬭᬶ᭟ᬳᬗᬦ᭄ᬤᬶᬓᬲᬶᬭᬭᬵᬚᬦᬸᬃᬲᬶᬯᬦ᭄᭞ᬫᬭᬶᬂᬲᬶᬭᬓᬶᬧᬢᬶᬄ᭞ᬳᬾᬄᬢᬩᬵᬓ᭄ᬢᬦ᭄
ᬲᬶᬭ᭞ᬳᬶᬓᬶᬢᬭᬸᬡ᭄ᬦ᭄ᬬ᭞ᬫᬗ᭄ᬓᬾᬓᬢᭀᬦ᭄ᬧᬸᬦᬂᬦ᭄ᬕᬵᬭᬶ᭞ᬳᬕᬸᬂᬓᬮᬶᬦ᭄ᬢᬂᬧᬸᬦᬧᬳᬭᬦ᭄ᬕᬭᬶ᭟ᬲᬶᬭᬧᬢᬶᬄᬳᬸᬫᬵᬢᬸᬃᬫᬵᬭᬶᬂᬲᬂᬦᬢ᭄ᬣ᭞ᬦ᭄ᬕᬵᬭᬫᭀᬦ᭄ᬤᬺᬓᬮᬾᬓᬶ᭞ᬦᬸᬮ᭄ᬬᬯᭀᬂᬳᭀᬯᬤᬾᬲᬦ᭄᭞ᬲᬫᬓᬕ᭄ᬬᬢᬸᬫᬶᬗᬮ᭄᭞ᬲᬶᬗ᭄ᬕᬶᬄᬫᬸᬲᬸᬄᬳᬶᬓᬂᬧ᭄ᬭ
ᬧ᭄ᬢᬶ᭞ᬲᬫᬳᬲ᭄ᬮᬸᬭᬦ᭄᭞ᬕ᭄ᬮᬶᬲ᭄ᬗᬸᬮᬢᬶᬦᬓ᭄ᬦᬾᬓᬶ᭟ᬳᬶᬂᬩᬜ᭄ᬘᬶᬗᬄᬲᬂᬢ᭄ᬣᬫᬗ᭄ᬓᬾᬓᬕ᭄ᬬᬢ᭄᭞ᬩᬮᬳᬰ᭄ᬮᬸᬭᬦ᭄ᬢᬾᬓᬶ᭞ᬲᬂᬦᬝᬗᬦ᭄ᬤᬶᬓ᭞ᬳᬾᬄᬭᬾᬯᬂᬳᬦᬧᬭᬦ᭄᭞ᬧᬢᬶᬄᬚᬸᬕᬸᬮ᭄ᬧ᭄ᬝᬓ᭄ᬳᬕ᭄ᬮᬶᬲ᭄᭞ᬫᬢᬹᬃᬫ᭄ᬭᬶᬂᬲᬂᬦᬢ᭄ᬣ᭞ᬲᬃᬯ᭄ᬯᬶᬲᬶᬭᬲᬸᬂᬪᬵᬓ᭄ᬢᬶ᭟ᬲᬶᬗ᭄ᬕᬶᬄᬲᬂ