Kaca:Bali-lontar-gaguritan-sangkur-udhang-01-300ppi.pdf/22

[᭒᭑ 21 B] (physical label incorrect, should have been 20 B)
᭒᭐
ᬯᬾᬄᬳᬶᬗ᭄ᬯᬂ᭞ᬩᬶᬩᬶᬧᬦ᭄ᬤ᭄ᬭᬶᬄᬧᬯᬾᬄᬦᬶᬓᬶ᭞ᬳᬾᬮᬶᬗᬦᬲᬸᬦ᭄ᬲᬯ᭄ᬯᬾᬦᬵᬦ᭄ᬥᬵᬂᬲᬗ᭄ᬲᬭ᭟ᬪ᭄ᬬᬂᬗᬶᬭᬫᬵᬗ᭄ᬓᬾᬢᬵᬦ᭄ᬬ᭞ᬢᬥᬄᬜᬯ᭄ᬯᬳᬦᬓ᭄ᬫᬫᬶ᭞ᬧᬸᬦᬶᬓᬶᬲᬧᬤᬾᬦ᭄ᬕᬵᬯᬵ᭞ᬦᬵᬢ᭄ᬬᬋᬓᬾᬫᬵᬦᬸᬰ᭄ᬬᬾᬓᬶ᭞ᬳᬦᬾᬂᬦ᭄ᬤᬶᬲᬶᬭᬳᭀᬮᬶᬄ᭞ᬳᬦᬓᬶᬭᬫ
ᬗ᭄ᬓᬾᬫᬸᬯᬸᬲ᭄᭞ᬳᬶᬗ᭄ᬲᬸᬦ᭄ᬳᭀᬮᬶᬄᬳᬫᬸᬧ᭄ᬯ᭞ᬳᬶᬂᬲᬸᬦ᭄ᬫᬗ᭄ᬕᬶᬄᬫᬵᬭᬶᬂᬉᬓᬶᬃ᭞ᬳᬶᬂᬲᬸᬦ᭄ᬫᭂᬦ᭄ᬢᬵᬲ᭄ᬳᬫ᭄ᬬᬵᬃᬲᬫᬗ᭄ᬓᬾᬓᬭᬸᬡ᭄ᬦᬵ᭟ᬦᭀᬭᬮ᭄ᬬᬦ᭄ᬫᬗ᭄ᬓᬾᬤᬾᬦ᭄ᬲᬫ᭄ᬩᬵᬢ᭄᭞ᬳᬫᬹᬂᬋᬓᬾᬚᬬᬾᬦᬵᬕ᭄ᬧᬵᬢ᭄ᬣᬶ᭞ᬦᬸᬮ᭄ᬬᬳᬶᬗ᭄ᬲᬸᬦ᭄ᬳᬢᬢᬵᬦ᭄ᬬ᭞ᬤᬾᬦ᭄ᬧᬵᬚᬃᬦᬳᬶᬗ᭄ᬲᬸ
ᬦᬶᬓᬶ᭞ᬧᬵᬚᬭᬾᬲᬓᬶᬂᬗᬵᬃᬩᬶ᭞ᬳᬸᬫᬵᬃᬫᬵᬬᬫᬗ᭄ᬓᬾᬫᬸᬯᬸᬲ᭄᭞ᬳᬾᬄᬧᬵᬓ᭄ᬱᬶᬯ᭄ᬭᬸᬳᬦᬶᬭ᭞ᬲᬸᬦ᭄ᬳᭀᬮᬶᬄᬲᬗ᭄ᬲᬵᬭᬾᬂᬫᬵᬃᬕᬶ᭞ᬫᬶᬯᬳᬶᬗ᭄ᬲᬸᬦ᭄ᬳᬲᬦᬵᬓ᭄ᬮᬦ᭄ᬚᬬᬾᬂᬭᬵᬡ᭄ᬦᬵ᭟ᬳᬶᬗ᭄ᬲᬸᬦ᭄ᬳᬭᬵᬦ᭄ᬳᬸᬫᬵᬃᬫᬵᬬ᭞ᬫᬵᬃᬕᬵᬦᬶᬗ᭄ᬲᬸᬦ᭄ᬧ᭄ᬭᬧ᭄ᬢᬾᬂᬭᬶᬓᬶ᭞ᬲᬸᬦ᭄ᬩᬸᬮᬢᬶ
ᬚᬬᬾᬦᬵᬕ᭄ᬭᬵᬡ᭄ᬦᬵ᭞ᬳᬗᬶᬂᬦᭀᬭᬦᬓᬧᬵᬗ᭄ᬕᬶᬄ᭞ᬲ᭄ᬯᬾᬳᬶᬗ᭄ᬲᬸᬦ᭄ᬳᬗᬸᬮᬵᬢ᭄ᬣᬶ᭞ᬢ᭄ᬮᬲᬶᬦᬵᬲᬵᬩᬵᬦ᭄ᬲᬵᬫ᭄ᬧᬸᬦ᭄᭞ᬯᭂᬦ᭄ᬢᭂᬦ᭄ᬳᬵᬦᬓ᭄ᬲᬸᬦ᭄ᬲᬦᬸᬗ᭄ᬕᬵᬮ᭄᭞ᬧᬸᬢ᭄ᬭᬦᬶᬭᬚᬬᬾᬂᬧᬵᬢ᭄ᬣᬶ᭞ᬳᬶᬓᬂᬗᬭᬦ᭄ᬲᬶᬭᬭᬵᬤᬾᬦ᭄ᬋᬧᬵᬢ᭄ᬫᬚ᭟ᬧᬸᬦᬶᬓᬢᬭᬾᬯᬵᬂᬳᬶᬗ᭄ᬯᬶ᭞ᬗᬶᬂ
[᭒᭒ 22 A] (physical label incorrect, should have been 21 A)
ᬲᬶᬦᬫ᭄ᬩᭂᬃᬤᬾᬦᬶᬂᬧᬵᬓ᭄ᬱᬶ᭞ᬫ᭄ᬦᬯᬶᬲᬶᬭᬗᬵᬫ᭄ᬩᬶᬮ᭞ᬳᬶᬗ᭄ᬲᬸᬜ᭄ᬚᬵᬮᬸᬓ᭄ᬱᬶᬭᬫᬵᬗ᭄ᬓᬶᬦ᭄᭞ᬲᬂᬕ᭄ᬭᬸᬤᬫᬗ᭄ᬓᬾᬳᬗ᭄ᬮᬶᬂ᭞ᬲᬸᬦ᭄‌ᬜ᭄ᬚᬸᬫ᭄ᬧᬸᬢ᭄ᬳᬦᬓ᭄ᬲᬶᬄᬭᬾᬓᬸ᭞ᬳᬗᬶᬂᬯᬸᬲ᭄ᬳᬶᬗᬸᬦ᭄ᬢᬵᬮᬦ᭄᭞ᬳᬦᬵᬓᬶᬂᬕ᭄ᬭᬸᬤᬳᬗ᭄ᬮᬶᬂ᭞ᬳᬾᬄᬢᬩ᭄ᬬᬂᬳᬶᬗ᭄ᬲᬸᬦ᭄ᬫᬗ᭄ᬓᬾᬢᬳᬦᬤ᭄ᬤ᭟ᬳᬰᬶ
ᬳᬶᬭᬫᬗ᭄ᬓᬾᬩᬶᬬ᭞ᬤᬺᬧᭀᬦᬾᬫᬵᬮᬶᬳᬸᬫᬶᬚᬶᬮ᭄᭞ᬩ᭄ᬬᬂᬗᬶᬭᬫᬗ᭄ᬓᬾᬗᬸᬘᬧ᭄᭞ᬳᬤᬹᬄᬜᬯᬳᬦᬵᬓ᭄ᬫᬫᬶ᭠ᬢᬵᬦ᭄ᬤᬤᬶᬯᬗ᭄ᬲᬸᬮ᭄ᬫᬮᬶᬄ᭞ᬯᬸᬲᬶᬫ᭄ᬧᭂᬫ᭄ᬭᬶᬂᬯ᭄ᬢᭂᬂᬕᬶᬗ᭄ᬲᬸᬦ᭄᭞ᬳᬦᬓᬶᬭᬳᬗᬸᬘᬧ᭄᭞ᬬᬤᬶᬦ᭄ᬭᬢ᭄ᬣᬤᬾᬦ᭄ᬯᬗ᭄ᬲᬸᬮᬶ᭞ᬲᬶᬗ᭄ᬕᬶᬄᬩ᭄ᬬᬂᬬᬦ᭄ᬢ
ᬦ᭄ᬳᬵᬃᬲᬯᬗ᭄ᬲᬸᬮ᭟ᬳᬶᬗ᭄ᬲᬸᬦ᭄ᬓᬾᬲᬄᬦᬶᬗ᭄ᬕᬮᬶᬩ᭄ᬬᬂ᭞ᬲᬢᬶᬩᬧᬵᬭᬵᬦ᭄ᬲᬸᬦ᭄ᬫᬗ᭄ᬓᬶᬦ᭄᭞ᬢᬵᬦ᭄ᬧᬕᬵᬯᬾᬲᬸᬦ᭄ᬓᬦ᭄ᬢᬸᬦ᭞ᬫᬵᬃ᭠ᬫᬵᬃᬬᬫᬶᬘᬭᬾᬇᬢ᭄ᬣᬶ᭞ᬢᬸᬳᬸᬢᬫᬵᬗ᭄ᬓᬾᬧᬵᬓ᭄ᬱᬶ᭞ᬲᬶᬄᬢᬵᬦ᭄ᬩᬶᬦᬫᬦᬸᬱ᭄ᬬᬾᬓᬸ᭞ᬗᬺᬱᬳᬸᬭᬶᬧ᭄ᬫᬵᬫᬵᬬ᭞ᬯᬗ᭄ᬤᬾᬳᬶᬗ᭄ᬲᬸᬦ᭄ᬢᭂᬫᬄ
ᬧᬢᬶ᭞ᬲᬫᬵᬗ᭄ᬓᬡ᭄ᬦᬧᬶᬓᬶᬭᬾᬓᬶᬳᬸᬫᬵᬃᬫᬵᬬ᭟ᬦᬸᬮ᭄ᬬᬫᬗ᭄ᬓᬾᬳᬦᬓᬶᬭ᭞ᬯᬮᬶᬯᬮᬶᬫᬗ᭄ᬓᬾᬳᬗ᭄ᬮᬶᬂ᭞ᬳᬗᬧᬓ᭄ᬭᬲᬦᬾᬩ᭄ᬬᬂ᭞ᬩᬶᬩᬶᬦᬾᬫᬗ᭄ᬓᬾᬬᬳᬗ᭄ᬮᬶᬂ᭞ᬳᬚᬓᬾᬲᬄᬰᬸᬦ᭄ᬯᭂᬤᬵᬮᬶ᭞ᬪ᭄ᬬᬂᬗᬶᬭᬕ᭄ᬮᬶᬲ᭄ᬳᬗ᭄ᬯᬂᬲᬸᬮ᭄᭞ᬦᬸᬮ᭄ᬬᬫ᭄ᬤᬮ᭄ᬋᬧᬵᬢ᭄ᬫᬚ᭞ᬲ