[ ᭔ 4B]
᭔᭞
ᬦ᭄᭞ᬦᬶᬓᬭᬓᭀᬤᬸᬓᬸᬦ᭄ᬢᭂᬲ᭄ᬢᭂᬲ᭄᭞ᬤ᭄ᬯᭂᬕ᭄ᬗᬮᬶᬄᬲᬭᬶᬦ᭄ᬕᬚᬶ᭞ᬲᬫᬶᬍᬕ᭞ᬮᭀᬗᬶᬦ᭄ᬳᬃᬱᬢᬦ᭄ᬓᬭᬲ᭟ᬦᬶᬓᬫᬤᬦ᭄ᬩᬮ᭄ᬬᬦ᭄ᬢᬲ᭄᭞ᬢᭀᬲᬶᬂᬮᬓᬸᬗᬮᬶᬄᬳᬚᬶ᭞ᬤᬸᬭᬸᬂᬲᬕᬾᬢᬦ᭄ᬓᬢᬄ᭞ᬢᬦᬶᬲᬸᬫᬸᬃ
ᬗᬓᬸᬢᬲᬶᬕ᭄᭞ᬗ᭄ᬕᬯᬾᬍᬢᬸᬄᬧᬦᬲ᭄ᬕᬸᬫᬶ᭞ᬤᬶᬚᬲᬶᬄᬚᬕᬢᬾᬕ᭄ᬫᬸᬄ᭞ᬢᬢᭂᬫ᭄ᬧᬭᬦᬾᬫᬸᬤᬄ᭞ᬳᬶᬫᭀᬳᬧᬂᬯᬋᬕ᭄ᬫᬸᬓ᭄ᬢᬶ᭞ᬲᬳᬶᬓᭂᬦ᭄ᬤᭂᬮ᭄᭞ᬫᬗᬶᬗ᭄ᬕᬶᬮᬦ᭄ᬳᬯᬓ᭄ᬩᬶᬲ᭟ᬫᬸᬜᬶᬮᬫ᭄ᬧ᭄ᬬᬲ᭄ᬢᬦ᭄ᬚ
ᬗ᭄ᬓᬬᬦ᭄᭞ᬫᬶᬭᬶᬩ᭄ᬩᬸᬓᬳᭀᬫ᭄ᬩᬓ᭄ᬧᬲᬶᬄ᭞ᬦᬶᬭᬸᬳᬦᬓ᭄ᬲᬫ᭄ᬧᬸᬦ᭄ᬢᬢᬲ᭄᭞ᬫᬧᬶᬯ᭄ᬭᬸᬄᬦ᭄ᬤᬃᬱᬭᬶᬭᬶᬄ᭞ᬳᬧᬂᬫ᭄ᬩᬳᬦᬾᬗᬸᬗ᭄ᬓᬸᬮᬶᬦ᭄᭞ᬲᭂᬩᭂᬂᬢᭂᬢᭂᬩ᭄ᬫᬸᬜᬶᬕᬗ᭄ᬲᬸᬄ᭞ᬫᬶᬭᬶᬩ᭄ᬯᬸᬲ᭄ᬦᬯᬂᬓᬯᬶᬢᬦ᭄
᭞ᬬᬓ᭄ᬯᬲ᭄ᬯᬲ᭄ᬯᭀᬂᬢᬦ᭄ᬧᬳᬚᬶ᭞ᬓᬭᬶᬸᬬᬧᬭᬶ᭞ᬲᬶᬂᬳᬶᬗ᭄ᬕᬶᬮ᭄ᬧᬸᬬᬸᬂᬢ᭄ᬯᬶᬜ᭟ᬳᬦ᭄ᬤᬾᬚᬸᬦ᭄ᬫᬶᬲᬶᬢᭀᬬ᭞ᬬᬦ᭄ᬳᭂᬫ᭄ᬩᬸᬄᬗᬮᬾᬜ᭄ᬘᭀᬓ᭄ᬲᬗ᭄ᬓᬶᬮ᭄᭞ᬦᬶᬓᬲᬫᬶᬤᬢᬸᬮᬤ᭞ᬧᬮᬧᬦ᭄ᬚᬳᬗ᭄ᬕᭀᬦ᭄ᬦᬲᬭᬶ
[ ᭕ 5A]
ᬦ᭄᭞ᬲᬓ᭄ᬯᬾᬳᬶᬂᬓᬂᬓᬶᬦᬃᬤᬶ᭞ᬗ᭄ᬓᬾᬦ᭄ᬚᬳᬫ᭄ᬩᬳᬾᬧᬂᬧᬢᬸᬢ᭄᭞ᬧᬭᬘᬶᬤ᭄ᬭᬦᬾᬢᭂᬓᭂᬓᬂ᭞ᬳᬧᬂᬬᬢ᭄ᬦᬢ᭄ᬓᬾᬦ᭄ᬫᬸᬜᬶ᭞ᬳᬧᬂᬮ᭄ᬬᬸ᭞ᬲᭂᬗ᭄ᬓᬮᬦᬾᬫᬾᬮᬕ᭄ᬳᬾᬦ᭄ᬤᬸᬄ᭞ᬭᬶᬂᬯᬶᬤ᭄ᬥᬶᬫᬗ᭄ᬤᬲᬸᬓ᭄ᬱ᭄ᬭᬄ᭞ᬳᬸᬦᬶᬭᬶᬧᬦᬶᬢᬄ
ᬯᬶᬦ᭄ᬥᬶ᭞ᬦᬭᬶᬫᬮᬶᬮᬮᬓ᭄ᬱᬦ᭞ᬢᭀᬳᬸᬮᬢᬶᬧᬮᬚᬳᬶᬦ᭄᭞ᬫᭂᬮᬳᬾᬢᭀᬂᬤᬤᬶᬳᬮᬶᬄ᭞ᬚᭂᬮᬾᬦᬾᬢᬦ᭄ᬳᬸᬭᬸᬂᬧᬗ᭄ᬕᬸᬄ᭞ᬥᬃᬫ᭄ᬫᬦᬾᬫᬦᬸᬣᬦ᭄ᬤᭂᬮᬂ᭞ᬦᬗ᭄ᬳᬂᬫᬗ᭄ᬤᬢᬢᬲ᭄ᬳᬸᬦᬶᬂ᭞ᬳᬦᬦᭀᬭ᭞ᬗ᭄ᬓᬾᬦ᭄ᬫᬸ
ᬮᬚᬢᬶᬥᬃᬫ᭄ᬫ᭟ᬲᬓᬾᬳᬂᬢᬸᬫ᭄ᬩᬸᬄᬢᬸᬫᬶᬢᬄ᭞ᬲᬫᬶᬗᬕᭂᬫ᭄ᬥᬃᬫ᭄ᬫᬚᬢᬶ᭞ᬦᬶᬓᬫᬓ᭄ᬚᬂᬧᬂᬢᬯᬂ᭞ᬓᬤᬾᬦᬾᬢᭀᬂᬩᬶᬲᬧ᭄ᬥᬶᬄ᭞ᬲᭂᬗ᭄ᬕᬸᬄᬬᬥᬃᬫ᭄ᬫᬚᬢᬶ᭞ᬳᭂᬦ᭄ᬢᭀᬥᬃᬫ᭄ᬫᬳ᭄ᬦᬸᬗᬧᬸᬲ᭄᭞ᬦᬾᬲᬸᬚᬢᬶᬫᬤᬦ᭄ᬥᬃ
ᬫ᭄ᬫ᭞ᬢ᭄ᬭᬶᬕᬫᬦᬾᬬᬫᬯᬓᬶᬦ᭄᭞ᬢᭀᬬᬫᬸᬮᬦ᭄᭞ᬲᬗ᭄ᬓᬦ᭄ᬳᬤᬳᬲ᭄ᬢᬩ᭄ᬭᬢ᭟ᬬᬫᬦᬶᬓ᭄ᬳᬲ᭄ᬢᬕᬶᬦ᭞ᬮ᭄ᬬᬸᬤᬤᬶᬬᬦ᭄ᬯᬶᬮᬗᬶᬦ᭄᭞ᬦᬶᬓᬶᬫᬮᬶᬄᬧᬂᬳᬸᬦᬶᬗᬂ᭞ᬤᬾᬯᬕᬫᬦᬾᬳᬩᭂᬲᬶᬓ᭄᭞ᬓᬧᬶᬂᬭ᭄ᬯᬕ
Kaca:Bali-lontar-gaguritan-sandisastra-300ppi.pdf/5
Kaca puniki sampun kauji-wacén
