[ ᭔᭑ 41B]
᭔᭑᭞
ᬕ᭄ᬦᬫᬦ᭄ᬤᬾᬯᬮ᭄ᬬᬸ᭞ᬲᬢ᭄ᬯᬓᬾᬫ᭄ᬮᬾᬄᬳᬾᬦ᭄ᬤᬄ᭞ᬓᬳᬸᬘᬧ᭄ᬩᬦ᭄᭞ᬲᬦᬾᬤᬸᬭᬸᬂᬫᭀᬮᬶᬄᬦ᭄ᬤᬸᬮᬸ᭞ᬧᬦ᭄ᬳᭀᬮᬶᬄᬲᬓᬶᬂᬢᬸᬢᬸᬭᬦ᭄᭞ᬢᬶᬗ᭄ᬳᬮᬾᬢᬦ᭄ᬧᬦᭀᬮᬶᬭᬶᬂ᭟ᬳᬤᬤᬾᬯᬓᬗ᭄ᬕᭀᬓᬾᬢᭀ᭞ᬋᬓᬾ
ᬲᬢ᭄ᬯᬦ᭄ᬦᬾᬢᬦ᭄ᬳᬸᬦᬶᬂᬚᬢᬶ᭞ᬓᬾᬦ᭄ᬓᬾᬦ᭄ᬯᬃᬡ᭄ᬦᬦ᭄ᬳᬶᬤᬢᬸᬳᬸ᭞ᬩᬾᬤᬦᬾᬓᬗ᭄ᬕᭀᬮᬦ᭄ᬦᭀᬭ᭞ᬚᬦ᭄ᬢᭂᬦ᭄ᬗᬤᬩ᭄᭞ᬩᬶᬓᬲ᭄ᬘᬭᬪᬸᬢᬓᬸᬢᬸᬲ᭄᭞ᬲᬫᬶᬢᭀᬬᬧ᭄ᬭᬩᬾᬤ᭞ᬩᬦ᭄ᬗᬤᬦᬶᬦ᭄ᬕᬚᬄᬢᬸᬗ᭄ᬕᬶᬮ᭄᭟
ᬢᭀᬧᬫᬦ᭄ᬯᭀᬂᬲᬫᬦ᭄ᬬ᭞ᬲᬳᬶᬗᬦ᭄ᬤᭂᬮ᭄ᬲᬳᬸᬦᬶᬦᬾᬶᬸᬗᬢᬦ᭄ᬓᭀᬮᬢᬶ᭞ᬳᭀᬮᬶᬄᬗᬤᬩᬶᬦ᭄ᬤᬶᬓᬬᬸᬦ᭄᭞ᬗᭂᬍᬲᭂᬕ᭄ᬗᭂᬦ᭄ᬤᬗᬶᬦ᭄ᬤᬬᬂ᭞ᬦᬶᬓᬳᬗ᭄ᬕᭀᬦ᭄᭞ᬗᭂᬦ᭄ᬤᭀᬕᬶᬦ᭄ᬯᭀᬂᬤᬸᬭᬸᬂᬢᬳᬸ᭞ᬧᬂᬋ
ᬧ᭄ᬓᬶᬭᬸᬢ᭄ᬲᬶᬂᬩ᭄ᬮᭀᬕᬦ᭄᭞ᬤᬾᬯᬾᬓᬾᬤᭂᬳᭂᬂᬢᬦ᭄ᬯ᭄ᬭᬸᬳᬶᬦ᭄᭟ᬭᬾᬄᬓᬫ᭄ᬩᬸᬮᬦ᭄ᬚᬢᬶᬢᬸᬗ᭄ᬕᬮ᭄᭞ᬓᬯᬶᬢᬦᬶᬂᬚᬦ᭄ᬫᬲᬓᬶᬂᬕᬸᬫᬶᬮᬗᬶᬢ᭄᭞ᬲᬗ᭄ᬓᬦ᭄ᬩᬸᬓ᭄ᬢᬶᬜᬦᬾᬧᬢᬸᬄ᭞ᬬᬫ᭄ᬮᬓᬃᬢ᭄ᬭᬶᬪᬸᬯᬦ᭞ᬲᬗ᭄ᬓ
[ ᭔᭒ 42A]
ᬦ᭄ᬳᬤ᭞ᬫᭂᬢᬸᬩᬦ᭄ᬢᭂᬦ᭄ᬲᬸᬤᬢᬸᬢᬸᬃ᭞ᬧᬤᬦ᭄ᬯᬺᬱ᭄ᬧᬢᬶᬓᬮ᭄ᬧ᭞ᬯ᭄ᬭᬲ᭄ᬧᬢᬶᬲᬗ᭄ᬓᭂᬧ᭄ᬩ᭄ᬘᬶᬓ᭄᭟ᬓᬮ᭄ᬧᬭᬲᬸᬢᬦ᭄ᬲᬫᬧ᭄ᬢ᭞ᬘᭂᬦ᭄ᬤᭂᬢ᭄ᬳᬶᬧᬸᬦ᭄ᬓᬾᬄᬓᬸᬭᬂᬳᬬᬸᬲᬸᬤᬦᬶᬦ᭄᭞ᬲᬳᬸᬭᬦ᭄ᬩᬦ᭄ᬢᬯᬸᬃᬘᬭᬸ᭞ᬬᬭᬦ᭄ᬢᭂᬩᬸᬲ᭄ᬦᭂ
ᬩᬲᬶᬦ᭄ᬭᬢ᭄᭞ᬳᬦᬾᬶᬸᬗ᭄ᬕᬵᬦ᭄ᬦᬫ᭄ᬩᬸᬄ᭞ᬦᬾᬢᬢᭂᬮᬸᬫᬲᬶᬄᬢᬸᬧ᭄ᬢᬸᬧ᭄᭞ᬢᬦ᭄ᬤᬤᬶᬫᬲᬄᬩᭂᬲᬶᬓᬂ᭞ᬓᬾᬄᬓᬸᬭᬂᬲᬫᬧ᭄ᬢᬍᬯᬶᬄ᭟ᬦ᭄ᬢᭀᬦᬾᬫᬯᬓ᭄ᬬᬢᬫ᭄ᬩᭂᬳᬦ᭄᭞ᬲᬓᬾᬄᬓᬸᬭᬂᬯ᭄ᬭᬲ᭄ᬧᬢᬶᬜᬦᬸᬓ᭄ᬳᬸᬭᬶᬧ᭄᭞ᬬᬦ᭄ᬯᬸᬲ᭄ᬫᬢᬶᬓᬸ
ᬤ᭄ᬬᬂᬦᭂᬩᬸᬲ᭄᭞ᬦᬾᬢᬸᬫ᭄ᬩᬲᬂᬲᬶᬂᬚᬳᬤ᭞ᬲᬦᬾᬓᬸᬭᬂ᭞ᬫᬲᬶᬄᬲᬶᬂᬚᬳᬤ᭄ᬤᬶᬢᬸ᭞ᬭᬲ᭄ᬧᬢᬶᬯᬸᬲ᭄ᬳᬶᬮᬂᬫᬸᬓ᭄ᬱ᭞ᬓᬮ᭄ᬧᬦᬾᬬᬫᭀᬭᬶᬂᬪᬸᬫᬶ᭟ᬓᬾᬢᭀᬦᬾᬫᬭᬕᬤᬾᬯ᭞ᬢ᭄ᬯᬶᬢᬸᬗ᭄ᬕᬮ᭄ᬫᬮᬦᬶᬂᬳ᭄ᬬᬂᬲᬓᬶᬂᬯᬶᬤ᭄ᬥᬶ᭞ᬪᬝᬵᬭ
ᬤᬾᬯᬢᬫᬦᬸᬢ᭄᭞ᬲᬗ᭄ᬓᬦ᭄ᬫᬮᬦ᭄ᬤᬾᬯᬢᬶᬕ᭞ᬩ᭄ᬭᬳ᭄ᬫᬯᬶᬱ᭄ᬡᬸ᭞ᬇᬰ᭄ᬯᬭᬬᬢᬢᭂᬮᬸ᭞ᬯᬳ᭄ᬬᬩᬬᬸᬕ᭄ᬦᬶᬢᭀᬬ᭞ᬤᬤᬶᬫᬦᬄᬘᬶᬧ᭄ᬢᬩᬸᬤᬶ᭟ᬧᬤᬦ᭄ᬳᬶᬤᭂᬧ᭄ᬩᬬᬸᬲᬩ᭄ᬤ᭞ᬭᬶᬂᬲᬭᬶᬭᬫᬕ᭄ᬦᬄᬤᬸᬓ᭄ᬳᬦᬸᬗ᭄ᬕᬶᬮ᭄᭞
Kaca:Bali-lontar-gaguritan-sandisastra-300ppi.pdf/42
Kaca puniki sampun kauji-wacén
