[ ᭖᭘ 68B]
᭖᭘᭞
ᬧᬸᬢᬸᬫᬗ᭄ᬤᬦᬸᬮᬸᬲ᭄᭞ᬮᬶᬗ᭄ᬕᬶᬄᬳᬶᬤᬫᬓ᭄ᬚᬂ᭞ᬲᬫ᭄ᬩᬸᬢᬂᬲᬢ᭄ᬯᬦᬾᬫᬗ᭄ᬓᬶᬦ᭄᭞ᬲᬫ᭄ᬧᬸᬦ᭄ᬦᬧᬓ᭄ᬲᬫᬶᬭᬯᬸᬄᬭᬶᬂᬲᬓ᭄ᬱᭂᬓᬃ᭞ᬳᬸᬦ᭄ᬢᬢ᭄ᬚᬸᬮᬚᬗ᭄ᬭᬶᬳᬶᬦᬂ᭞ᬭᬶᬂᬧ᭄ᬓᬓ᭄ᬤᬫᬢᬸᬃᬪᬓ᭄ᬢᬶ᭞ᬫᬗᬢᬸᬭᬂᬤᬕᬶᬂᬭᬯᭀ
ᬲ᭄᭞ᬳᬶᬢ᭄ᬯᬦ᭄ᬚᬾᬦ᭄ᬤ᭄ᬭᬮ᭄ᬫᬓᬤᬶ᭞ᬋᬱᬶᬤᬾᬦ᭄ᬢᬦ᭄ᬯᬾᬦ᭄ᬢᭂᬦ᭄ᬫᬮᬶᬄ᭞ᬬᬦᬓ᭄ᬳᬕᬸᬂᬗᬸᬭᬄᬓᬬᬸᬦ᭄᭞ᬫᬦ᭄ᬚᭂᬦᭂᬂᬲᬋᬂᬲᬫ᭄ᬬᬦ᭄᭞ᬮᬶᬗ᭄ᬕᬶᬳᬾᬢᬦ᭄ᬯᬾᬦ᭄ᬢᭂᬦ᭄ᬕᬶᬗ᭄ᬲᬶᬃ᭞ᬫᬗ᭄ᬤᬫᬗ᭄ᬓᬶᬦ᭄ᬓᭀᬤᬮᬾᬫᬢ᭄ᬫᬸᬲᬮᬫ᭄᭞ᬲᬸᬭᬤᬤᬸᬲ
ᬫ᭄ᬧᬸᬦ᭄ᬦᬧᬓ᭄᭞ᬭᬶᬂᬚᬩᬫᬗᬦ᭄ᬢᭀᬲ᭄ᬲᬫᬶ᭞ᬓᬮᬶᬄᬯᬢᭂᬓ᭄ᬧᭀᬮᬶᬄᬫᬶᬸᬧᬗ᭄ᬓᬢ᭄᭞ᬫᬓᬤᬶᬜᬦᬾᬓᬓᬮᬶᬄ᭞ᬋᬲᬶᬤᬾᬦ᭄ᬚᬾᬦ᭄ᬤ᭄ᬭᬮ᭄ᬓᬸᬳᬶᬭᬶᬂ᭞ᬳᬦᬓ᭄ᬳᬕᬸᬂᬗᬸᬭᬄᬲᬫ᭄ᬧᬸᬦ᭄᭞ᬩᬾᬩᬲ᭄ᬫᬶᬲᬶᬗ᭄ᬕᬶᬄᬧᬶᬲᬦ᭄
ᬳᬢᬸᬃᬧᬸᬢᬸᬦᬾᬫᬗ᭄ᬭᬭᬶᬲ᭄᭞ᬕ᭄ᬮᬶᬲ᭄ᬓᭀᬤᬮ᭄ᬫᬧᬶᬓᬸᬮ᭄ᬢ᭄ᬯᬭᬲᬤᬾᬳ᭟ᬧᬸᬢ᭄ᬭᬫᬗᬶᬭᬶᬗᬂ᭞ᬧᬢ᭄ᬧᬢ᭄ᬲᬫᬶᬭᬳᬸᬳᬶᬂᬳᬮᬶᬢ᭄᭞ᬦᬗ᭄ᬳᬶᬂᬲᬦᬾᬮᬦᬂᬮᬦᬂ᭞ᬮᬮᬶᬫᬧᬶᬢᬸᬗᬦ᭄ᬲᬫᬶ᭞ᬭᬳᬸᬳᬶᬂᬲᬦᬾ
[ ᭖᭙ 69A]
ᬧᬭᬦᬶᬦ᭄᭞ᬩᬸᬦᬧᬓ᭄ᬭᬶᬂᬚᬩᬲᬫ᭄ᬧᬸᬦ᭄᭞ᬓᬸᬫᭂᬦ᭄ᬤᬦ᭄ᬳᬓᬾᬄᬫᭂᬦ᭄ᬤᬓ᭄᭞ᬲᬫᬶᬓᬳᬜ᭄ᬚᬶᬢᬦ᭄ᬓ᭄ᬭᬶᬲ᭄᭞ᬢᬸᬢ᭄ᬳᬶᬭᬶᬗᬦ᭄ᬢ᭄ᬯᬭᬫᬗᬤᬬᬂᬳᬤ᭞ᬲᬓᬢᬳᬾᬯᬾᬦ᭄ᬢᭂᬦ᭄ᬭᭀᬭᬲ᭄᭞ᬧᬸᬦᬶ
ᬓᬦᬾᬪᬓ᭄ᬢᬶᬗᬶᬭᬶᬂ᭞ᬳᬦᬓ᭄ᬳᬕᬸᬂᬮᬶᬗ᭄ᬲᬶᬃᬋᬓᭀ᭞ᬳᬶᬭᬦ᭄ᬢᬾᬳᬦ᭄ᬲᬫ᭄ᬧᬸᬦ᭄ᬗᬫ᭄ᬩᬶᬮ᭄᭞ᬫᬫᬶᬓᬸᬮ᭄ᬓᭂᬦᬶᬕ᭄ᬮᬶᬲ᭄᭞ᬲᬓᬶᬂᬧᬓᬬᬸᬦᬦ᭄ᬦᬸᬤᬸᬄ᭞ᬳᬶᬢ᭄ᬯᬦ᭄ᬋᬲᬶᬤᬾᬦ᭄ᬚᬾᬦ᭄ᬤ᭄ᬭᬮ᭄᭞ᬫ᭄ᬩᬓ᭄ᬢᬳᬦᬓ᭄ᬳᬕᬸᬂᬫᬗ᭄ᬓᬶ
ᬦ᭄᭞ᬓᬳᬫ᭄ᬧᭂᬦᬦ᭄ᬲᬯᬾᬦ᭄ᬢᭂᬦ᭄ᬲᬦᬾᬳᬶᬭᬶᬓ᭟ᬗᬶᬭᬶᬂᬳᬦᬓ᭄ᬳᬕᬸᬂᬗᬸᬭᬄ᭞ᬤᬤᬶᬩ᭄ᬗᭀᬂᬲᬋᬂᬲᬫᬶ᭞ᬢ᭄ᬯᬭᬳᬤᬗ᭄ᬕᭂᬮᬭᬾᬯᭀᬲ᭄᭞ᬓᬲᭂᬄᬲᭂᬄᬧᬤᬫᬫᬃᬕ᭄ᬕᬶ᭞ᬓᬮᬶᬲᬢ᭄ᬧᬤᬚᭂᬗᬶᬲ᭄᭞ᬳ
ᬤᬗᭂᬫ᭄ᬩᭂᬂᬢᭀᬬᬦ᭄ᬦ᭄ᬤᬸᬮᬸ᭞ᬓᬗᭂᬦ᭄ᬭᬶᬂᬧᬦᬓ᭄ᬲᭀᬫᬄ᭞ᬳᬤᬗ᭄ᬭᬸᬫᬸᬦ᭄ᬚ᭄ᬭᭀᬦᬶᬂᬳᬢᬶ᭞ᬩᬬᬓᬾᬦᬾᬓᭀᬭᬲᬦᬶᬂᬩᬩᭀᬬᭀᬗᬦ᭄᭟ᬢᬦ᭄ᬘᬭᬶᬢᬦᬾᬤᬶᬚᬮᬦ᭄᭞ᬳᬶᬢ᭄ᬯᬦ᭄ᬫᬮᬶᬄ
Kaca:Bali-lontar-gaguritan-rusak-sasak-02-300ppi.pdf/69
Kaca puniki sampun kauji-wacén
