[ ᭖᭔ 64B]
᭖᭔᭞
ᬢᬶᬂ᭞ᬳᬲᬶᬂᬓ᭄ᬤᭂᬗᬂ᭞ᬲᬶᬓᭂᬧᬾᬗᬮᬶᬯᭂᬲᬶᬦ᭄᭟ᬧ᭄ᬭᬬᬫᬧᬕ᭄ᬓᬸᬫ᭄ᬧᭂᬦᬶᬦᬾᬲᬶᬂᬫᬗᬸᬮᬄ᭞ᬳᭀᬭᭀᬗᬦᬾᬓᬓᬮᬶᬄ᭞ᬩᬜ᭄ᬚᬃᬧᬦ᭄ᬤᬾᬫᬶᬯᬄ᭞ᬢᬸᬗ᭄ᬕᬓ᭄ᬩᬾᬮᬦᬾᬩᬾᬩᬲ᭄᭞ᬦᬸᬗ᭄ᬓᭂᬤ᭄ᬓᬫᬦ᭄ᬢ᭄ᬭᬶᬫᬗᭂᬜ᭄ᬚᬶᬂ᭞ᬤᬶᬚ᭄ᬭᭀᬦᬶᬂᬓ
ᬭᬂ᭞ᬫᬗ᭄ᬓᬶᬦ᭄ᬳᬘᬧᬂᬶᬄ᭞ᬧᬬᬸᬤᬦᬾᬓᬮᬾᬃᬓᬳᬸᬄᬫᬳᬶᬸᬲᬶᬸᬗᬶᬸᬦ᭄ᬳᭀᬲᭀᬕᬦ᭄᭞ᬫ᭄ᬩᭂᬤᬶᬮ᭄ᬓᬩ᭄ᬤᬶᬮ᭄ᬓᬮᬶᬄ᭞ᬫᬳᬮᭀᬂᬳᬮᭀᬗᬦ᭄᭞ᬗ᭄ᬕᭂᬮᬄᬓᬸᬘᬶᬯᬢᬥᬄ᭞ᬳᬶᬲᬸᬭᬤᬤᬸᬗᬋᬧᬶᬦ᭄᭞ᬓᬮᬶᬄᬳᭀᬭᭀᬗᬦ᭄᭞ᬲᬶ
ᬦ᭄ᬤᬸᬦᬾᬫᬫ᭄ᬩᭂᬤᬶᬮᬶᬦ᭄᭞ᬢ᭄ᬯᬶᬳᬤᬩ᭄ᬭᬳ᭄ᬫᬦᬧᬸᬗ᭄ᬕᬯᬯᬶᬭ᭞ᬳᬶᬭᬶᬓᬫᬗᬸᬓᬸᬳᬶᬦ᭄᭞ᬕ᭄ᬭᬶᬲ᭄ᬓᬮᬶᬮᬶᬭᬦ᭄᭞ᬢᬢᬗ᭄ᬕᬮ᭄ᬢᬦ᭄ᬓᬼᬲᬦ᭄᭞ᬕ᭄ᬬᬾᬲ᭄ᬢᬳᬾᬦᬓ᭄ᬬᬦ᭄ᬧᬧᬲᬶᬄ᭞ᬩᬸᬢᬤᬶᬕᬫ᭄ᬩᬃ᭞ᬲ᭄ᬬᬢᬾᬗᬋᬲᬺᬲᬶᬦ᭄᭞ᬫᬸ
ᬜᬶᬦ᭄ᬩᭂᬤᬶᬮ᭄ᬢ᭄ᬯᬭᬧ᭄ᬕᬢ᭄ᬫᬢᬶᬫ᭄ᬩᬮᬦ᭄᭞ᬩᬸᬓᬗᬸᬳᬸᬕᬂᬮᬗᬶᬢ᭄᭞ᬧᭂᬦ᭄ᬤᭂᬢ᭄ᬫᬮᬶᬫᬸᬦᬦ᭄᭞ᬗᭂᬩᭂᬓᬶᬦ᭄ᬩ᭄ᬬᭀᬫᬦ᭄ᬢᬭ᭞ᬫᬶᬭᬶᬩ᭄ᬕᬸᬍᬫ᭄ᬫᬦᬯᭂᬗᬶᬦ᭄᭞ᬢᬾᬚᬦᬶᬂᬲᬸᬃᬬ᭄ᬬ᭞ᬫᬳᬸᬚᬦ᭄ᬩᬳᬦ᭄ᬫᬶᬫᬶᬲ᭄᭞ᬢᬦ᭄ᬯᬶᬦᬶᬮᬂᬫᬸᬲᬸᬄᬭᭀ
[ ᭖᭕ 65A]
ᬯᬂᬓᬦᬶᬦ᭄ᬭᬲ᭄ᬓ᭄᭞ᬫᬗ᭄ᬓᬶᬦ᭄ᬳᬸᬘᬧᬂᬫᬮᬶᬄ᭞ᬓᬸᬫ᭄ᬧᭂᬦᬶᬫᬗᬸᬮᬄ᭞ᬦᬾᬲᬓᬶᬂᬢᬸᬗ᭄ᬕᬓ᭄ᬩᬾᬮ᭞ᬩᬳᬸᬦᬧᬓ᭄ᬤᬗᬶᬦ᭄ᬫᬦ᭄ᬢ᭄ᬭᬶ᭞ᬤᬶᬓᬭᬂᬲ᭄ᬯᬾᬘ᭞ᬤᬶᬢᬸᬲᬗ᭄ᬓᭂᬮ᭄ᬳᬓᬶᬤᬶᬓ᭄᭟ᬩᬦᬶᬗᬫᬸᬓ᭄ᬯᬾᬦ᭄ᬢᭂᬦ᭄ᬯᬦ᭄ᬢᬄᬓ
ᬮᬶᬤᬾᬰ᭞ᬳᬫ᭄ᬦᬶᬢ᭄ᬩᬾᬩᬲ᭄ᬲᬫᬶ᭞ᬫᬮᬶᬄᬗᬗᬸᬮᬳᬂ᭞ᬲᬸᬭᬤᬤᬸᬫᬗᬗᬶᬦᬂᬤᬶᬫᬃᬕ᭄ᬕᬶᬳᬕᬸᬂᬫᬗ᭄ᬭᬭᬶᬲ᭄᭞ᬬᬢ᭄ᬦᬫᬗᬫ᭄ᬩ᭄ᬬᬃ᭞ᬤᬶᬩᬸᬦᬸᬢ᭄ᬩᬳᬸᬓ᭄ᬭᬤᬶᬦ᭄᭟ᬫᬮᬶᬄᬳᬸᬘᬧ᭄ᬦᬾᬓᬳᬸᬄᬩᬾᬩ
ᬲ᭄ᬫᬚᬮᬦ᭄᭞ᬗ᭄ᬕᬸᬩᬕ᭄ᬭᬳᬸᬳᬾᬕ᭄ᬮᬶᬲ᭄᭞ᬫᬦᬶᬜ᭄ᬘᬧ᭄ᬤᬶᬓᬭᬂ᭞ᬲᬶᬗ᭄ᬳᬲᬭᬶᬳᬤᬜ᭞ᬤᬳᬸᬄᬧᬸᬭᬶᬓᬸᬮ᭄ᬯᬦ᭄ᬭᬤᬶᬦ᭄᭞ᬢ᭄ᬯᬭᬤᬳᬧ᭞ᬕᬸᬩᬸᬕᬾᬲᬫ᭄ᬧᬸᬦ᭄ᬲᭂᬧᬶ᭟ᬲᬸᬭᬤᬤᬸᬧᬘᬂᬗᬸᬮᬄᬫᬗᬗᬶᬦᬂ᭞
ᬧ᭄ᬭᬾᬭᬾᬢ᭄ᬜᬦᬾᬗᭂᬫ᭄ᬩᬸᬢᬶᬦ᭄᭞ᬤᬤᬶᬓᬲᬾᬗᭂᬳᬂ᭞ᬩᬦ᭄ᬲᬶᬓᭂᬧᬾᬗᬶᬭᬶᬗᬂ᭞ᬳᬦᬓ᭄ᬳᬕᬸᬂᬗᬸᬭᬄᬫ᭄ᬮᬶᬗ᭄ᬕᬶᬄ᭞ᬤᬶᬧᬓᬭᬗᬦ᭄᭞ᬩᬮᬾᬃᬤᬳᬸᬳᬶᬂᬧᬸᬭᬶ᭟ᬓᬜ᭄ᬘᬶᬢ᭄ᬗᭂᬦᬄᬳᬶᬲᬸᬭᬤᬤᬸᬫᬗᬫ᭄ᬩ᭄ᬬᬃ᭞ᬤᬶᬩᬸ
Kaca:Bali-lontar-gaguritan-rusak-sasak-02-300ppi.pdf/65
Kaca puniki sampun kauji-wacén
