[ ᭑ 1B]
᭚ᬅᬯᬶᬖ᭄ᬦᬫᬲ᭄ᬢᬸ᭚ᬧᬸᬧᬸᬄᬤᬸᬃᬫ᭄ᬫ᭟ᬤᬸᬃᬫ᭄ᬫᬗ᭄ᬕᬮᬦ᭄ᬚᬕᬢᬾᬳᬮᬄᬲᬧᬸᬳᬂ᭞ᬳᬦ᭄ᬢᬸᬓ᭄ᬓᬺᬢᬲᬸᬲᬦ᭄ᬥᬶ᭞ᬳᬤᬶᬧᬧ᭄ᬭᬾᬦ᭄ᬢᬳᬦ᭄᭞ᬳᬶᬤᬲᬂᬫᬗ᭄ᬯᬶᬲᬾᬱ᭞ᬰ᭄ᬭᬶᬩᬕᬾᬦ᭄ᬤᬭᬚᬧᬸᬢ᭄ᬭᬶ᭞ᬲᬢ᭄ᬲᬸᬃᬬ᭄ᬬ
ᬘᬦ᭄ᬤ᭄ᬭ᭞ᬗᬮᬗᬶᬦ᭄ᬫᬓᬩᬸᬫᬶ᭟ᬲᬯᬫᬶᬸᬯᭂᬗ᭄ᬓᬦ᭄ᬭᬶᬂᬢᬦᬄᬳᬶᬦ᭄ᬥ᭄ᬬᬦᬾᬥᭂᬃᬮᬦ᭄᭞ᬓᬯᬱᬜᬓ᭄ᬭᬯᬃᬣᬶ᭞ᬧᬜᬸᬗ᭄ᬲᬸᬗᬦ᭄ᬚᬕᬢ᭄᭞ᬭᬚᬵᬤᬶᬭᬚᭀᬢ᭄ᬢᬫ᭞ᬢᬦ᭄ᬓᬕᬶᬗ᭄ᬕᬂᬢᬦ᭄ᬕᬕᬶᬗ᭄ᬲᬶᬃ᭞ᬩᬩᬯᭀ
ᬲ᭄ᬳᬶᬤ᭞ᬲᬶᬧᬢ᭄ᬍᬫᬕ᭄ᬕᬶ᭞ᬫᬗᬃᬤ᭄ᬥ᭄ᬬᬂᬗᬫᬾᬢ᭄ᬭᬳᬬᬸᬦᬶᬂᬚᬕᬢ᭄᭞ᬧᬶᬢᬸᬮᬸᬂᬭᬶᬂᬦᬾᬲᬓᬶᬢ᭄᭞ᬧᬢᬸᬢᬂᬦᬾᬥᬃᬫ᭄ᬫ᭞ᬗᬬᬸᬩᬶᬦ᭄ᬲᬦᬾᬧᬦᭂᬲ᭄᭞ᬫᬫᬶᬮᬦ᭄ᬤᬦᬾᬦᬾᬲᬶᬲᬶᬧ᭄᭞ᬫᬦᬸᬢ᭄ᬩᬩ᭄ᬯ
ᬢᬦ᭄᭞ᬗᬶᬭᬶᬂᬳᬸᬘᬧᬦ᭄ᬳᬚᬶ᭟ᬩ᭄ᬯᬢ᭄ᬳᬕᬫᬰᬲ᭄ᬢ᭄ᬭᬓᬸᬢᬭᬫᬦᬯ᭞ᬲᬲᬦᬲᬭᭀᬤᬺᬢᬶ᭞ᬚᭂᬚᭂᬃᬓᬫᬗ᭄ᬕᭂᬳᬂ᭞ᬤᬾᬦᬶᬂᬳ᭄ᬬᬂᬫᬲᬭᬶᬭ᭞ᬳᬱ᭄ᬝᬩ᭄ᬭᬢᬦᬾᬢᬦ᭄ᬫᬭᬶᬧ᭄ᬭᬢᬫᬩ᭄ᬭᬢᬦ᭄᭞ᬳ᭄ᬬᬂ
[ ᭒ 2A]
ᬳᬶᬦ᭄ᬤ᭄ᬭᬓᬫᬃᬕ᭄ᬕᬶᬦᬶᬦ᭄᭟ᬲᬸᬓᬾᬃᬢ᭄ᬢᬶᬦᬾ ᬧᬸᬦᬶᬓᬧ᭄ᬭᬲᬶᬤ᭄ᬥᬳᬸᬚᬦ᭄᭞ᬗ᭄ᬮᬶᬫ᭄ᬩᬳᬶᬦ᭄ᬚᬕᬢ᭄ᬲᬫᬶ᭞ᬳᭂᬢᬶᬲ᭄ᬢᬺᬧ᭄ᬢᬶᬲᬸᬓ᭞ᬓᬧᬶᬂᬭᭀᬬᬫᬩ᭄ᬭᬢ᭞ᬦᬶᬕ᭄ᬢᬶᬕ᭄ᬫᬶᬤᬦ᭄ᬤᬦᬾᬲᬶᬲᬶᬧ᭄᭞ᬲᭀᬭᬄ
ᬲᬢᬢ᭞ᬗᬭᬸᬳᬭᬬᬂᬕᬸᬫᬶ᭟ᬓᬧᬶᬂᬢᬶᬕᬲᬸᬃᬬ᭄ᬬᬩ᭄ᬭᬢᬓᬚᭂᬚᭂᬭᬂ᭞ᬫᬗᬶᬲᭂᬧ᭄ᬯᬾᬢᬦ᭄ᬫᬭᬶ᭞ᬢᬦ᭄ᬓᬢᭂᬗᭂᬃᬩᬗ᭄ᬩᬂ᭞ᬩᬩᬯᭀᬲ᭄ᬧᬸᬓᬸᬮ᭄ᬭᬭ᭞ᬳᬲᬢ᭄ᬢᬸᬃᬲᬭᬶᬂᬳᬭᬶᬲ᭄᭞ᬍᬯᬶᬄᬯᬶ
ᬲᬾᬱ᭞ᬕᬸᬩᭀᬢ᭄ᬢᬫᬗ᭄ᬕᬮᬗᬶᬦ᭄᭟ᬓᬧᬶᬂᬳᭂᬫ᭄ᬧᬢ᭄ᬰᬶᬰᬶᬩ᭄ᬭᬢᬗ᭄ᬕᬯᬾᬲᬸᬓ᭞ᬗ᭄ᬮᬶᬬᬗᬶᬦ᭄ᬚᬕᬢ᭄ᬲᬫᬶ᭞ᬮ᭄ᬯᬶᬃᬳᬫᬺᬢ᭞ᬲᬲ᭄ᬫᬶᬢᬳᬸᬮᬢ᭄ᬳᬸᬮᬢ᭄᭞ᬳᬚᬸᬃᬳᬚᭂᬃᬓᬤᬸᬓ᭄ᬫᬦᬶᬲ᭄᭞ᬳᬲᬶᬂᬧᬡ᭄ᬥᬶᬢ᭞
ᬦᬧᬢᬸᬢ᭄ᬓᬳᭀᬃᬫᬢᬶᬦ᭄᭞ᬓᬧᬶᬂᬮᬶᬫᬩᬬᬸᬩ᭄ᬭᬢᬜᬶᬤ᭄ᬭᬲᭀᬮᬄ᭞ᬫᬦᬄᬚᬕᬢᬾᬲᬫᬶ᭞ᬭᬲᬕᬸᬡᬤᬶᬓ᭞ᬗᬦ᭄ᬢᭂᬢᬶᬸᬭᬂᬦᬾᬦᬾᬲᬸᬓ᭄ᬱ᭄ᬫ᭞ᬦᬾᬓᬭᬶᬚ᭄ᬭᭀᬦᬶᬂᬳᬢᬶ᭞ᬓᬯᬲ᭄ᬧᬤ
Kaca:Bali-lontar-gaguritan-rusak-sasak-02-300ppi.pdf/2
Kaca puniki sampun kauji-wacén
