[᭗7B]
᭗
ᬢᬦ᭄ᬓᭀᬘᬧ᭄ᬭᬶᬂᬯᭂᬗᬶ᭞ᬩᬸᬢᬢᬲ᭄ᬍᬫᬄ᭞ᬢᬫ᭄ᬩᬸᬭᬾᬗᬯᬗ᭄ᬲᬶᬢᬶᬦ᭄᭟ᬧᬺᬧᬸᬗ᭄ᬕᬯᬲᬫ᭄ᬧᬸᬦ᭄ᬦᬧᬓ᭄ᬫᬗᬫ᭄ᬩ᭄ᬬᬭᬂᬫᬧᭀᬳᭀᬲ᭄ᬩᭂᬘᬶᬓ᭄᭞ᬫᬸᬭᬸᬩ᭄ᬬᬦ᭄ᬳᬶᬭᬶᬩᬂ᭞ᬩᬓᬤᬶᬕᭂᬦᬶᬲᬳᬮᬲ᭄᭞ᬧᬘᬂ
ᬗ᭄ᬕᭂᬲᭂᬂᬧ᭄ᬭᬬᬤᬾᬰᬶ᭞ᬰᬹᬭᬵᬫ᭄ᬮᬧᬸᬭᬵ᭞ᬕᬦ᭄ᬢᬲ᭄ᬓᭀᬤᬮᬾᬕᭂᬮᬶᬲ᭄᭞ᬧᬫᬃᬕ᭄ᬕᬶᬦᬾᬕᬕᬗ᭄ᬲᬭᬦ᭄ᬭᬭᬶᬲ᭄ᬗᬸᬦ᭄ᬢᬲ᭄᭞ᬭᬶᬂᬤᬾᬰᬧᬸᬬᬸᬂᬭᬭᬶᬲ᭄᭞ᬧᬫᬢᬶᬂᬦᬕᬭ᭞ᬗᬸᬦ᭄ᬢᬲᬂᬫᬗᬭᬶᬲ᭄ᬢ᭞ᬤᬸᬲᬸᬦ᭄ᬲᬸᬦ᭄ᬧ᭄ᬭᬬ᭠
ᬲᬫᬶ᭞ᬲᬄᬮᭀᬃᬓᬸᬮ᭄ᬯᬦ᭄᭞ᬢᭂᬮᬲ᭄ᬓᬕᭂᬲᭂᬂᬭᬤᬶᬦ᭄᭟ᬯᬶᬭᬾᬄᬲᬶᬤᬧᬗ᭄ᬭᬶᬲ᭄ᬢᬦᬾᬲᬶᬦᬋᬗᬦ᭄᭞ᬭᬶᬂᬲᬦᬾᬗᬫᬃᬕ᭄ᬕᬶᬦᬶᬦ᭄᭞ᬤᬾᬰᬧ᭄ᬭᬶᬗ᭄ᬕᬯᬲᬲᭂᬮᬶᬭᬦ᭄᭞ᬢᬢᬶᬳᬫᬜᬾᬤᬧᬢᬶ᭞ᬲᬫᬶ᭠
ᬮᬕᬯ᭞ᬢᬸᬳᬭᬫᬗᬾᬢᬂᬭᬶᬫ᭄ᬩᬶᬢ᭄᭟ᬲᬳᬶᬲᬶᬦᬶᬂᬤᬸᬲᬸᬦ᭄ᬧ᭄ᬭᬬᬓᬢᬸᬦᬸᬳᬦ᭄᭞ᬯᬾᬦ᭄ᬢᭂᬦ᭄ᬫᬮᬓᬸᬳᬸᬭᬶᬧ᭄᭞ᬯᬾᬦᬵᬢᭂᬦ᭄ᬦᬩ᭄ᬭᬗᬵᬮᬲ᭄᭞ᬜᬸᬳᬸᬤ᭄ᬫᬫᬶᬓᬸᬮ᭄ᬩᬭᬂ᭞ᬜᬶᬗᬮ᭄ᬧᬦᬓ᭄ᬧᬓᬭᬸᬯᬶᬓ᭄᭞ᬳᬶᬧᬧᬸ᭠
[᭘8A]
ᬓᬸᬢᬂ᭞ᬗᭂᬮᬶᬂᬫᬦᬕᬶᬄ᭟ᬚᭂᬫ᭄ᬧᬶᬬᬄᬧᬚᬮᬦᬾᬫᬢ᭄ᬭᬸᬬᬸᬤᬦ᭄᭞ᬫᬜᬸᬳᬸᬦ᭄ᬩᬭᬶᬩᬭᬶ᭞ᬳᭂᬩᬄᬫᬜᬸᬕᬾᬕᬾᬕ᭄᭞ᬢᬗ᭄ᬓᭂᬚᬸᬢ᭄ᬓᬲᬸᬭᬓᬦ᭄᭞ᬧᬗ᭄ᬮᭀᬓᬦᬾᬫᬼᬗ᭄ᬓᭂᬢᬶᬓ᭄᭞ᬫ᭠
ᬲᬲᬫ᭄ᬩᬢᬦ᭄᭞ᬩᬺᬫ᭄ᬩᬾᬩᬳᬾᬳᭂᬦ᭄ᬤᬳᬶᬦ᭄᭟ᬓᬧᭀᬕᭂᬮᬶᬲ᭄ᬲᬗ᭄ᬳ᭄ᬬᬂᬲᬹᬃᬬ᭄ᬬᬲᬫ᭄ᬧᬸᬦ᭄ᬗᬦ᭄ᬤᬧ᭄᭞ᬫᬾᬄᬧᬘᬂᬦᬫ᭄ᬧᬶᬯᭂᬗᬶ᭞ᬕᭂᬮᬶᬲ᭄ᬫᬗᭂᬍᬲᬂ᭞ᬲᬶᬓᭂᬧᬾᬗᬸᬗ᭄ᬲᬶᬤᬾᬰ᭞ᬧᬸᬬᬸᬂᬓᬧᬶᬘᬕᭂᬃᬪᬓ᭄ᬢᬶ᭞ᬧᬧᬵᬮᬦ᭄ᬤᬾᬰ᭞
ᬳᬶᬭᬤᬾᬦ᭄ᬯᬶᬭᬪᬓ᭄ᬢᬶ᭟ᬰᬹᬭᬅᬫ᭄ᬮᬧᬸᬭᬵᬲᬫ᭄ᬧᬸᬦ᭄ᬫᬲᬗ᭄ᬕ᭄ᬭᬳᬦ᭄᭞ᬩᬾᬜ᭄ᬚᬂᬳᬸᬘᬧᭂᬦ᭄ᬫᬮᬶᬄ᭞ᬩᬳᬸ᭠ᬫᬸᬧᬸᬓᭂᬫ᭄ᬩᬂ᭞ᬢᬫ᭄ᬩᬸᬭᬾᬫᬗ᭄ᬕᬕᬶᬭᬲ᭄᭞ᬗᬢᬕ᭄ᬧᬫᬢᬶᬗᬾᬫᬶᬚᬶᬮ᭄᭞ᬧᬸᬧᬸᬢ᭄ᬫᬗᬫ᭄ᬩᬶᬳᬃ᭞ᬭᬶᬂᬓᬸᬝᬵᬧᬸᬬᬸᬂᬓᬗᬶᬦ᭄᭟
ᬭᬤᬾᬦ᭄ᬯᬶᬭᬵᬪᬓ᭄ᬢᬶᬫᬗ᭄ᬓᬶᬦ᭄ᬫᬜᬶᬳ᭄ᬦᬬᬂ᭞ᬪᬓ᭄ᬢᬶᬦᬾᬓᬦᬕᬭᬶ᭞ᬳᬧᬦ᭄ᬲᬫ᭄ᬧᬸᬦ᭄ᬩᬾᬩᬲ᭄ᬓᬮᬸᬕᬺᬧᬸᬘᬸᬓᬂ᭞ᬫᬗ᭄ᬭᬶᬲ᭄ᬢᬧ᭄ᬭᬬᬤᬾᬰ᭞ᬢᬹᬃᬲᬫ᭄ᬧᬸᬦ᭄ᬦᬧᬓ᭄᭞ᬭᬾᬜ᭄ᬘᬗᬾᬧᬥᬕᬶᬦ᭄ᬢᬶᬂ᭟ᬅᬩ᭄ᬭᬶᬬᬸᬓᬦ᭄
Kaca:Bali-lontar-gaguritan-rusak-sasak-01-300ppi.pdf/8
Kaca puniki sampun kauji-wacén
