[᭖᭗67B]
᭖᭗
ᬗᭂᬦ᭄ᬭᬶᬂᬧᬦᬓ᭄ᬲᭀᬫᬄ᭞ᬳᬤᬗ᭄ᬭᬸᬫᬸᬦ᭄ᬚ᭄ᬭᭀᬦᬶᬂᬳᬢᬶ᭞ᬩᬬᬓᬾᬦᬾᬓᭀᬭᬱᬦᬶᬂᬩᬩᭀᬬᭀᬗᬦ᭄᭟ᬢᬜ᭄ᬘᬭᬶᬢᬦᬾᬤᬶᬚᬮᬦ᭄᭞ᬳᬶᬢᬸᬯᬦ᭄ᬫᬮᬶᬄᬫᬮᬶᬗ᭄ᬕᬶᬄ᭞ᬤᬶᬘᬓᬺᬤᬶᬢᬸᬳᭂᬦᭂᬗᬂ᭞ᬯᬶᬭᬾᬄ᭠
ᬲᬫ᭄ᬧᬸᬦ᭄ᬦᬫ᭄ᬧᬶᬯᭂᬗᬶ᭞ᬦᬾᬫᬵᬳᬗ᭄ᬓᬶᬦ᭄ᬳᬸᬘᬧ᭄ᬫᬮᬶᬄ᭞ᬭᬵᬚᬵᬧᬸᬢ᭄ᬭᬶᬧᬸᬢᬸᬲᬫ᭄ᬧᬸᬦ᭄᭞ᬦᬾᬓᬦ᭄ᬢᬸᬦ᭄ᬭᬶᬂᬲᭂᬓ᭄ᬲᭂᬓᬃ᭞ᬧᭀᬮᬶᬄᬧᬓᬩᬭᬦ᭄ᬚᬢᬶ᭞ᬅᬦᬓ᭄ᬅᬕᬸᬂᬗᬸᬭᬄᬲᬫ᭄ᬧᬸᬦ᭄ᬓᬩᬾᬩᬲᬂ᭟ᬓᬢᬤᬸᬦᬂᬓᬅᬫ᭄ᬧᭂᬦᬦ᭄᭞ᬲ᭠
ᬋᬂᬧᬸᬢᬺᬧᬸᬢᬸᬲᬫᬶ᭞ᬦᬾᬫᬗᬶᬭᬶᬂᬓᭀᬤᬮ᭄ᬗᬬᬢ᭄᭞ᬫᬫᬸᬧᬸᬢᬂᬭᬯᭀᬲ᭄ᬩᭂᬘᬶᬓ᭄᭞ᬫᬮᬶᬄᬫ᭠ᬢᭂᬫᬸᬳᬲᬶᬄ᭞ᬭᬶᬧᬲᭂᬕᬦ᭄ᬓᬤᬶᬤᬗᬹ᭞ᬫᬯᬲ᭄ᬢᬸᬓᭂᬦᬶᬤᬬ᭞ᬲᬫᬶᬗᬤᬸᬳᬸᬶᬢᬦ᭄ᬲᬶᬧᬶ᭞ᬫᬢᬶᬫ᭄ᬩᬮᬦ᭄ᬢ
ᬗᬶᬲᬾᬢᬸᬳᬭᬤᬧᭂᬕᬢ᭄᭟ᬓᬤᬶᬘᬫᬭᬦᬾᬳᭀᬲᬄ᭞ᬲᬶᬬᬓ᭄ᬲᬶᬬᬸᬓ᭄ᬢᭂᬫ᭄ᬧᬄᬳᬗᬶᬦ᭄᭞ᬭᬵᬚᬧᬸᬢ᭄ᬭᬶᬧᬭᬭᬗ᭄ᬤ᭞ᬧᬶᬦᬘᬂᬧᬘᬗᬦ᭄ᬫᬮᬶᬄ᭞ᬧᬧᬶᬗᬶᬢᬦ᭄ᬫᬓᬤᬶ᭞ᬭᬩᬶᬲᬫᬶᬫ᭄ᬭᬱᬓᬦ᭄ᬢᬸ᭞ᬫᬕᬸᬬᬂᬕᬸᬬᬂᬳᬢᬧ᭄
[᭖᭘68A]
ᬳᬤᬤᬶᬦᬢᬄᬗᬸᬮᬶᬦ᭄ᬢᬶᬓ᭄᭞ᬦᬾᬦᬾᬢᬸᬯ᭞ᬗᬾᬗᬾᬲᬾᬢᬸᬳᬭᬮᬶᬗᬸᬳᬂ᭟ᬦᬗ᭄ᬳᬶᬂᬳᬤᬓᬭᬶᬤᬤᬸᬯ᭞ᬅᬦᬓ᭄ᬅᬕᬸᬂᬗᬮᬦᬗᬶᬦ᭄᭞ᬦᬾᬳᬲᬶᬓᬶᬳᬶᬤᬳᭂᬦ᭄ᬢᭀ᭞ᬦᬦ᭄ᬤᬂᬲᬸᬗ᭄ᬓᬦ᭄ᬲᬓᬶᬂᬮᬯᬶ᭞ᬢᬸᬳᬭᬤ᭠
ᬤᭀᬲ᭄ᬫᬫᬃᬕ᭄ᬕᬶ᭞ᬲᬸᬗ᭄ᬓᬦ᭄ᬭᬸᬫ᭄ᬧᬸᬄᬯᬲ᭄ᬢᬦ᭄ᬳᬶᬧᬸᬦ᭄᭞ᬳᬶᬤᬲᬦᬾᬫᬧᬭᬩ᭄᭞ᬦᭂᬗᬄᬓᬭᬂᬯᬶᬚᬶ᭠ᬮ᭄ᬲᬓᬶᬂ᭞ᬧᬸᬭᬶᬧᬸᬃᬯ᭄ᬯᬫᬢᬭᬫ᭄᭞ᬚᬢᬶᬓᬧᬸᬢᬺ᭞ᬅᬦ᭄ᬢᬸᬓ᭄ᬤᬾᬯᬢᬫᬧᬭᬩ᭄᭞ᬓᭂᬢᬸᬢ᭄ᬓᬭᬗ᭄ᬳᬲᭂᬫ᭄
ᬭᬶᬳᬶᬦ᭄᭞ᬧᬺᬦᬄᬭᬓᬳᬦ᭄ᬢᬸᬓ᭄ᬳᬶᬤ᭞ᬅᬦᬓ᭄ᬅᬕᬸᬂᬗᬸᬭᬄᬫᬗ᭄ᬓᬶᬦ᭄᭞ᬫᬮᬶᬄᬲᬦᬾᬳᬲᬶᬓᬶ᭞ᬧᬸ᭠ᬢ᭄ᬭᬦ᭄ᬳᬶᬤᬅᬦᬓ᭄ᬅᬕᬸᬂ᭞ᬫᬤᬾᬓᬭᬂᬲᬂᬮᬶᬦ᭞ᬲᬶᬲᬶᬧ᭄ᬕᬫᬶᬬᬦᬶᬫ᭄ᬧᬮᬶᬦ᭄᭞ᬧᬺᬦᬄᬯᭂᬓ᭞ᬦᬾᬯᬳᬸ
ᬳᬸᬕᬶᬓᬭᬸᬲᬓ᭄᭟ᬕᭂᬦ᭄ᬢᭀᬳᬶᬤᬫᬓᬤᬤᬸᬯ᭞ᬫᬫᬸᬗᬸᬭᬓᬭᬶᬂᬩᬶᬩᬶ᭞ᬓᭂᬦᬶᬲᬫ᭄ᬧᬸᬦ᭄ᬫᬜᬸᬗ᭄ᬲᬸᬢᬂ᭞ᬮᬶᬗ᭄ᬕᬶᬄᬅᬦᬓ᭄ᬅᬕᬸᬂᬮᬶᬗ᭄ᬲᬶᬃ᭞ᬭᬳᬶᬳᬦᬓ᭄ᬫᬓᬤᬶ᭞ᬦᬾᬲᬫ᭄ᬧᬸᬦ᭄ᬤᬾᬯᬢᬯᬳᬸ᭞ᬲᬶᬓᬶᬫᬗ᭄ᬓᬶᬦ᭄ᬲᬤ᭄ᬬ
Kaca:Bali-lontar-gaguritan-rusak-sasak-01-300ppi.pdf/68
Kaca puniki sampun kauji-wacén
