[᭕ 5B]
᭕
ᬢᬶᬩᬾᬦ᭄ᬧᬦᬸᬗ᭄ᬓᬦ᭄᭞ᬭᬳᬢ᭄ᬢᬸᬃᬓᬮᬸᬦ᭄ᬢᬸᬭᬶᬦ᭄᭞ᬩᬳᬦ᭄ᬫᬦ᭄ᬢ᭄ᬭᬧᬗ᭄ᬯᬲ᭞ᬰᬓ᭄ᬢᬶᬦᬶᬂᬢᬭᬜ᭄ᬚᬦ᭞ᬕᬸᬲ᭄ᬢᬶᬫᬸᬗ᭄ᬓ᭄ᬭᬂᬲᬶᬤ᭄ᬥᬦ᭄ᬤᬾᬱ᭄ᬝᬶ᭞ᬯᬮᬸᬬᬧᬶᬲᬦ᭄᭞ᬭᬗ᭄ᬥᬾ
ᬤᬶᬭᬄᬫᬫᬸᬃᬣᬶ᭟ᬢᬶᬲ᭄ᬢᬶᬲ᭄ᬲᬫᬸᬦ᭄ᬲᬧᬸᬮᬶᬦᬾᬂᬧᬕ᭄ᬲᬗᬦ᭄᭞ᬦᬶᬣᬶᬲᬢᬸᬗ᭄ᬕᬶᬮ᭄ᬯᭂᬗᬶ᭞ᬮᬾᬬᬓᬾᬕᬫ᭄ᬩᬸᬭ᭞ᬩᬸᬓᬳᬮᬄᬲᬗ᭄ᬓᭂᬧᬂ᭞ᬧᬢᬶᬩ᭄ᬭᬾᬗᬓ᭄ᬧᬢᬶ
ᬩ᭄ᬭᬾᬗᬶᬓ᭄᭞ᬲᬕᬾᬢ᭄ᬦ᭄ᬤᬾᬯᬢ᭞ᬓᬂᬫᬓᬲᬸᬫᬦ᭄ᬤᬶᬳᬶ᭟ᬯᬾᬦ᭄ᬢᭂᬦ᭄ᬧ᭄ᬭᬦᬄᬦᬶᬦᬶᬲᬓᬶᬂᬓᬧᬸᬭᬸᬲ᭞ᬢᬍᬃᬯᬶᬚᬶᬮᬶᬂᬧ᭄ᬭᬫᬶ᭞ᬧᬸᬦᬶᬓᬓᬧᬶᬦ᭄ᬢ
᭞ᬓᬧᬜ᭄ᬘᬮ᭄ᬓᬚ᭄ᬦᭂᬗᬂ᭞ᬚᬕᬢᬾᬳᬢ᭄ᬯᬂᬲᬸᬪᬓ᭄ᬢᬶ᭞ᬳᬶᬕᬸᬲ᭄ᬢᬶᬳᬬ᭄ᬯᬦ᭄᭞ᬓ᭄ᬢᬸᬢ᭄ᬧᬸᬢᬸᬧᬧᬲᬶᬄ᭟ᬲᬸᬩᬓᬢᬸᬃᬚᬦᬶᬓᬳᬫ᭄ᬮᬦᬵᬕᬭ᭞ᬲᬧᬶᬦᬸᬦ
[᭖ 6A]
ᬲᬾᬲᬫᬶ᭞ᬧᬸᬗ᭄ᬕᬯᬧ᭄ᬭᬫᬜ᭄ᬘ᭞ᬮᬸᬮᬸᬭᬄᬧᬕ᭄ᬲᬗᬦ᭄᭞ᬪᬝᬵᬭᬓᬭᬶᬫᬶᬦᭂᬳᬶᬦ᭄᭞ᬳᬶᬕᬸᬲ᭄ᬢᬶᬜᭀᬫᬦ᭄᭞ᬓᬭᬂᬲᬋᬂᬫ᭄ᬗᬣᭀᬲᬶᬦ᭄᭟ᬲᬫ᭄ᬧᬸᬦ᭄ᬧᬸᬧᬸᬢ᭄ᬧᬗ᭄ᬭ
ᬯᭀᬲᬾᬓᬤᬯᬸᬳᬂ᭞ᬢᬦ᭄ᬯᬾᬦ᭄ᬢᭂᬦ᭄ᬓᬤᬕᬶᬗᬶᬦ᭄᭞ᬮ᭄ᬯᬶᬭᬶᬂᬭᬚᬩ᭄ᬭᬡ᭞ᬫᬶᬦᬓᬤᬶᬚᬚᬳᬦ᭄᭞ᬧ᭄ᬭᬤᬾᬰᬗᬤᬮᭀᬦ᭄ᬲᬫᬶ᭞ᬳᬮᬄᬧᬦ᭄ᬢᭂᬕᬂ᭞ᬕ᭄ᬥᬾᬲᬶᬥ᭄ᬫᭂᬦ᭄ᬚ
ᬦᬶ᭟ᬧᬤᬲ᭄ᬥᬶᬄᬳᬶᬗᭂᬢ᭄ᬗᬤᬸᬳᬸᬗᬂᬳᬯᬓ᭄᭞ᬲᬧ᭄ᬭᬫᬜ᭄ᬘᬦᬾᬲᬫᬶ᭞ᬲᬂᬕ᭄ᬥᬾᬩᭀᬦᬳ᭞ᬫᬶᬯᬄᬩᬕᬸᬲ᭄ᬳᬶᬦ᭄ᬢᬸᬭᬦ᭄᭞ᬲᬂᬓ᭄ᬢᬸᬢ᭄ᬩᬸᬓᬶᬢ᭄ᬜᬋᬗᬶᬦ᭄᭞ᬓᬗᭂᬦ᭄ᬢᭂ
ᬓᬾᬦᬶᬂ᭞ᬫᬢᬗᬶᬲᬦ᭄ᬭᬶᬂᬕᬸᬲ᭄ᬢᬶ᭟ᬲᬂᬩᭀᬦᬳᬦᭂᬗ᭄ᬓᬶᬓ᭄ᬫᬗᭂᬜᬗᬂᬮᬶᬫ᭞ᬮᬦ᭄ᬢᬲ᭄ᬫᬶᬮᬶᬗᬂᬓᬸᬫᬶᬲ᭄᭞ᬫᬸᬜᬶᬦᬾᬫᬗᬧᬓ᭄᭞ᬜᬫᬦᬾᬚᬮᬦ᭄ᬘᭀᬗᬄ
Kaca:Bali-lontar-gaguritan-rusak-pagesangan-350ppi.pdf/6
Kaca puniki sampun kauji-wacén
