[᭑᭖ 16B]
ᬓᬘᬄᬘᬄ᭞ᬲᬸᬫᬗ᭄ᬓᬶᬦ᭄ᬓᬩᬶᬦᬯ᭞ᬓᭂᬮᬸᬲᬾᬓᭀᬓᭀᬢ᭄ᬧ᭄ᬭᬚᬸᬭᬶᬢ᭄᭞ᬳᬮᬄᬧᬶᬮ᭄ᬧᬶᬮᬂ᭞ᬩᬗ᭄ᬓᬾᬦᬾᬧᬚᬸᬗ᭄ᬓᬶᬮᬶᬂ᭟ᬲᬸᬩᬳᭀᬜᬲᬶᬓᭂᬧ᭄ᬧᬗᬶᬢᭂᬭᬾᬩᬸᬦ᭄ᬢᬲ᭄
᭞ᬓᬧᬶᬮᬬᬸᬫ᭄ᬭᬶᬄᬳᬸᬭᬶᬧ᭄᭞ᬢᭀᬂᬤᬤᬶᬩᬮᬶᬓᬂ᭞ᬦᬾᬚᬦᬶᬲᬂᬩᭀᬦᬳ᭞ᬚᬗ᭄ᬕᭂᬮ᭄ᬢ᭄ᬯᬭᬗᭂᬢᬸᬢ᭄ᬗᬸᬭᬶ᭞ᬳᬧᬦ᭄ᬓᬮᬗ᭄ᬤᬦ᭄᭞ᬲᬹᬃᬬ᭄ᬬᬦᬾᬦᬸᬗ᭄ᬕᬂᬕᬶᬭᬶ᭟ᬓ᭄ᬭ
ᬡᬢᬸᬮᬓ᭄ᬩ᭄ᬯᬶᬦ᭄ᬗᬸᬗ᭄ᬲᬶᬧᬧᭀᬦ᭄ᬤᭀᬓᬦ᭄᭟ᬲᬸᬭᬓ᭄ᬲᬸᬭᬓ᭄ᬗᬾᬯᬾᬭᬶᬦ᭄᭞ᬫᬳᬶᬫ᭄ᬬᬦ᭄ᬳᬶᬫ᭄ᬬᬦ᭄᭞ᬤᬾᬦᬶᬂᬫᬍᬕᬦᬼᬕᬦ᭄᭞ᬫᬸᬂᬧᬸᬂᬳᬶᬤᬸᬧ᭄ᬩᬸᬓᬚ
ᬦᬶ᭞ᬗᬸᬮᬸᬭᬶᬦ᭄ᬩᬶᬓᬲ᭄᭞ᬲᬸᬓᬦᬾᬚᬬᬾᬂᬚᬸᬭᬶᬢ᭄᭟ᬫᬗ᭄ᬓᬶᬦ᭄ᬯᬗᬸᬦ᭄ᬳᬾᬕᬃᬪᬝᬵᬭᬭᬾᬂᬫᬢᬭᬫ᭄᭞ᬲᬧ᭄ᬭᬫᬜ᭄ᬘᬦᬾᬲᬫᬶ᭞ᬕᬶᬭᬬᬲᭂᬦ᭄ᬕᬶᬭᬂ᭞ᬜᬸᬫ᭄ᬩᬸᬗᬂ
[᭑᭗ 17A]
ᬲᬂᬩᭀᬦᬳ᭞ᬢᬸᬳᬸᬯᬶᬘ᭄ᬦᬶᬂᬳᭂᬫ᭄ᬩᬸᬂᬚᬢᬶ᭞ᬲᬂᬓᬭᬸᬂᬤᬗ᭄ᬓᬮ᭄᭞ᬢᬦ᭄ᬧᬶᬮᬶᬄᬓᬦ᭄ᬤᬶᬂ᭟ᬓᬘᬭᬶᬢᬓᭀᬘᬧ᭄ᬫᬦᬶᬧᬲ᭄ᬫᭂᬗᬦ᭄᭞ᬤᬶᬓᬭᬗ᭄ᬳᬲᭂᬫ᭄ᬚᬦᬶ᭞ᬳ᭄ᬦᬸᬫᬢᭂᬩᭂᬗᬦ᭄
᭞ᬬᬢ᭄ᬦᬧᬳᬕᬕᬫᬦ᭄᭞ᬧ᭄ᬭᬫᬾᬦᬓ᭄ᬧᬋᬓᬦ᭄ᬩᬶᬸᬦ᭄ᬢᬶᬢᬶᬩ᭄᭞ᬩᭂᬢᬾᬦ᭄ᬩᬜ᭄ᬘᬶᬗᬄ᭞ᬚᭂᬚᭂᬮ᭄ᬫᬧᬶᬧᬶᬢ᭄ᬧᬶᬧᬶᬢ᭄᭟ᬢᬸᬫᬸᬮᬶᬫ᭄ᬤᬮ᭄ᬳᬦᬓᬾᬳᬕᬸᬂᬗᬸᬭᬄ᭞ᬳᬶᬳᬭᬶ
ᬓᬮᬶᬄᬗᬶᬭᬶᬂ᭞ᬧᬦᬗ᭄ᬓᬶᬮᬦ᭄ᬳᬢᬧ᭄᭞ᬫᬸᬓ᭄ᬬᬧᬭᬧᬸᬗ᭄ᬕᬯ᭞ᬧᬶᬳᬦ᭄ᬤᭂᬮ᭄ᬯᬾᬱ᭄ᬬᬫᬸᬗ᭄ᬓᬸᬭᬶᬦ᭄᭞ᬫᬓᬦ᭄ᬤᬓᬦ᭄ᬤ᭞ᬲᬚ᭄ᬭᭀᬦᬶᬂᬳᬜ᭄ᬘᬓ᭄ᬱᬚᬶ᭟ᬚᬦᬶᬓᬢᬸᬃᬢᬶᬗ᭄ᬓᬄᬲ᭄ᬬ
ᬢᬾᬓᬧᭂᬲᬦ᭄᭞ᬧᬕᭂᬩᬸᬕᬾᬓᬧᬶᬮᬶᬲ᭄᭞ᬓᬮᬸᬦ᭄ᬢ᭄ᬯᬭᬲᬶᬤ᭄ᬥ᭞ᬲᬂᬩᭀᬦᬳᬓᬭᬸᬭᬓ᭄᭞ᬫᬢᬭᬫᬾᬜᬳᬬᬳᬶᬦ᭄᭞ᬲᬬᬦ᭄ᬓᭀᬲᭂᬓᬦ᭄᭞ᬪᬦᬵ
Kaca:Bali-lontar-gaguritan-rusak-pagesangan-350ppi.pdf/17
Kaca puniki sampun kauji-wacén
