[᭑᭑ 11B]
᭑᭑
ᬧᬾᬢ᭄ᬓᬜᬕ᭄ᬚᬕ᭄᭞ᬧᬸᬗ᭄ᬕᬯᬧ᭄ᬭᬫᬜ᭄ᬘᬫᬦ᭄ᬢ᭄ᬭᬶ᭞ᬢᬶᬢᬶᬩ᭄ᬫᬤᬩ᭄ᬤᬩ᭄᭞ᬤᬶᬦᬃᬕ᭄ᬕᬦᬾᬫᬗᬭᬶᬲ᭄᭟ᬧᬤᬕᬶᬭᬂᬢᬶᬗ᭄ᬓᬳᬾᬫᬗᬚᬧ᭄ᬬᬸᬤ᭞ᬬᬾᬦᬶᬂᬳᬓᬸᬤᬂᬢᬮᬶ
᭞ᬚᬦ᭄ᬫᬦᬾᬫᬩᬜ᭄ᬚᬄ᭞ᬩ᭄ᬤᬶᬮ᭄ᬫᬓᬦ᭄ᬤᬓᬦ᭄ᬤ᭞ᬲᬳᬢᬸᬗ᭄ᬕᬮ᭄ᬫᬗ᭄ᬩᬋᬗᬶᬦ᭄᭞ᬫᬕ᭄ᬭᬸᬕ᭄ᬕᬸᬃᬡ᭄ᬦᬶᬢ᭞ᬫᬭᬶᬬᭂᬫᬾᬫᬫᬸᬜᬶ᭟ᬧᬶᬂᬢ᭄ᬮᬸᬢᬶᬢᬶᬃᬳᭂᬦ᭄ᬢᭀᬘᬶᬭᬶᬦ᭄ᬧᬘᬂᬫᬗ᭄ᬓᬢ᭄᭞
ᬩᬸᬓᬗᬸᬳᬸᬕᬂᬕᬸᬫᬶ᭞ᬲᬶᬓᭂᬧᬾᬫᬚᬮᬦ᭄᭞ᬫᬚᭂᬮ᭄ᬚᭂᬮ᭄ᬫᬤᬸᬧᬮ᭞ᬕᬸᬲ᭄ᬢᬶᬜᭀᬫᬦ᭄ᬜᬾᬦᬧᬢᬶ᭞ᬳᬸᬬᬳᬾᬂᬤᬃᬧ᭄ᬧ᭞ᬧᬚᭂᬂᬓᭂᬫ᭄ᬩᬂᬫᬗᬧᬶᬢ᭄᭟ᬲᬺᬕᭂᬧ᭄ᬳᬸᬧᬘᬭ
ᬢᬶᬗ᭄ᬓᬄᬭᬚᬧᬸᬢ᭄ᬭ᭞ᬲ᭄ᬢ᭄ᬭᬶᬬᬗ᭄ᬲᬗᬺᬫ᭄ᬧᭂᬕᬶᬦ᭄᭞ᬦᬾᬗᬫᭀᬗᬶᬦ᭄ᬫᬫᬲ᭄᭞ᬧᬶᬦᬓᬤᬶᬦ᭄ᬤᬶᬂᬤᬤ᭞ᬯᬾᬱ᭄ᬬᬢᬸᬲ᭄ᬦᬶᬂᬲᬶᬗ᭄ᬳᬲᬭᬶ᭞ᬩᭂᬦ᭄ᬩᭂᬦ᭄ᬫᬧᭀᬮᬶᬄ᭞ᬧᬚᬮᬦᬾ
[᭑᭒ 12A]
ᬗᬺᬲᬺᬲᬶᬦ᭄᭟ᬓᬩᬶᬦᬯᬧᬗᬗ᭄ᬕᭀᬦᬾᬧᬤᬩᬸᬗᬄ᭞ᬫᬲᬯᬂᬕᬸᬦᬸᬂᬳᬧᬶ᭞ᬫᬋᬩᬸᬢ᭄ᬓᭂᬲᬸᬳᬦ᭄᭞ᬢ᭄ᬓᬾᬦ᭄ᬢᬾᬚᬦ᭄ᬲᬜ᭄ᬚᬢ᭞ᬦᬾᬲᬸᬦ᭄ᬤᬭᬶᬦ᭄ᬫᬢᬦᬳᬶ᭞ᬋ
ᬫ᭄ᬋᬫ᭄ᬳᬚᬳᬦ᭄᭞ᬮᬗᬶᬢᬾᬗᭂᬫᬸᬭᬶᬭᬶᬲ᭄᭟ᬲᬸᬭᬓ᭄ᬲᬸᬭᬓ᭄ᬕᬸᬫᬸᬭᬸᬄᬲᬩᬶᬮᬂᬚᬮᬦ᭄᭞ᬳᭂᬗ᭄ᬕᭂᬃᬗᭂᬫ᭄ᬧᭂᬗᬶᬦ᭄ᬓᬸᬧᬶᬂ᭞ᬩᭀᬓᬾᬳᬮᬄᬳᬗ᭄ᬓᬩᬂ᭞ᬲᬬᬦ᭄ᬗᭂᬦ᭄ᬢᬶ
ᬓᬂᬓ᭄ᬭᬸᬭ᭞ᬢᬫ᭄ᬩᬸᬭᬾᬗᬺᬤᭂᬕ᭄ᬫᬫᬸᬜᬶ᭞ᬩᬸᬓᬕᬶᬮᬓᬂ᭞ᬲᬧᬗ᭄ᬓᬢᬄᬦᬲᬫᬶ᭟ᬧᬤᬍᬤᭂᬕ᭄ᬧᭂᬲᬸᬳᬸᬮᬶᬚ᭄ᬭᭀᬦᬶᬂᬚ᭄ᬩᬕ᭄᭞ᬲᬯᬂᬜᬯᬦ᭄ᬗᬩᬩᬶᬦ᭄
᭞ᬢ᭄ᬯᬭᬩᬶᬲᬧ᭄ᬕᬢ᭄᭞ᬲᬶᬓᭂᬧᬾᬮᬸᬫᬓ᭄ᬭᬦ᭞ᬲᬸᬭᬓᬾᬲᬬᬦ᭄ᬫᬓᬶᬮᬶᬢ᭄᭞ᬢᬗ᭄ᬓᭂᬚᬸᬢ᭄ᬩᬩᬂ᭞ᬲᬫᭂᬢᭀᬦᬦᬾᬲᬫᬶ᭟ᬲᬮᬄᬲᭂᬗ᭄ᬕᬸᬄᬜᭂᬗ᭄ᬕᬸᬳᬂᬧᬘᬂᬓᬭᬶ
Kaca:Bali-lontar-gaguritan-rusak-pagesangan-350ppi.pdf/12
Kaca puniki sampun kauji-wacén
