Kaca:Bali-lontar-gaguritan-rusak-gianyar-03-350ppi.pdf/41

[᭔᭐40B]
᭔᭐
ᬧᬗᬶᬦ᭄᭞ᬫᬭᬾᬭᭀᬤ᭄ᬩᬸᬓᬧᬸᬢ᭄ᬭᬶ᭞ᬤᬶᬤᭀᬭᬶᬲᬕᬾᬢ᭄ᬫᬓᬸᬯᬸᬕ᭄᭞ᬩ᭄ᬤᬶᬮ᭄ᬫᬧᬦ᭄ᬢ᭠ᬧᬦ᭄ᬢ᭞ᬫᬫᬲ᭄ᬫᬃᬗ᭄ᬩᭂᬓᬶᬦ᭄ᬫᬃᬕ᭄ᬕᬶ᭞ᬢ᭄ᬤᬸᬂᬳᬕᬸᬂ᭞ᬫᬓᭂᬫ᭄ᬩᬃᬓᭂᬫ᭄ᬩᬃᬫᬧᬭᬾᬦ᭄ᬤᬄ᭟ᬧᬗᬶᬭᬶᬗᬾᬫᬕᭂ᭠
ᬚᭂᬭᬦ᭄᭞ᬤᬶᬫᬃᬕ᭄ᬕᬶᬦᬾᬓᬤᬶᬧᬲᬶᬄ᭞ᬲᬵᬫ᭄ᬧᬸᬦ᭄ᬭᬯᬸᬄᬤᬶᬩᬜ᭄ᬘᬶᬗᬄ᭞ᬲᬵᬫ᭄ᬧᬸᬦ᭄ᬧᬥᬢ᭄ᬥᬸᬦ᭄ᬲᬫᬶ᭞ᬧᬫᭂᬦ᭄ᬤᬓᬾᬫᬦ᭄ᬧᭂᬓᬶᬦ᭄᭞ᬧᬥᬗᬫᭀᬗᬶᬦ᭄ᬫᬢᬸᬦ᭄ᬢᬸᬦ᭄᭞ᬗ᭄ᬭᬭᬶᬲ᭄ᬓᬧ
ᬓᭀᬍᬫᬦ᭄᭞ᬤᬾᬦᬶᬂᬲᬵᬫ᭄ᬧᬸᬦ᭄ᬦᬫ᭄ᬧᬶᬯ᭄ᬗᬶ᭞ᬤᬤᬶᬲᬸᬭᬸᬧ᭄᭞ᬧᬗᬶᬭᬶᬗᬾᬫᬳᬶᬜ᭄ᬚᭂᬗᬦ᭄᭟ᬕᬸᬫᬶᬦᬾᬲᬬᬦ᭄ᬫᭂᬢᭂᬗᬂ᭞ᬲᬸᬩᬜᬦ᭄ᬤᬂᬗᭂᬜᬶᬢ᭄ᬲᬸᬦ᭄ᬤᬶᬄ᭞ᬲᬲᬶᬄᬢ᭄ᬯᬭᬩᬶᬲᬧ᭄ᬕᬢ᭄
᭞ᬦ᭄ᬓᬬᬂᬫᬢᬶᬦ᭄ᬤᬶᬄᬢᬶᬦ᭄ᬤᬶᬄ᭞ᬦᬾᬦᬾᬢ᭄ᬓᬤᬶᬤᭀᬭᬶ᭞ᬓᬾᬯᭂᬄᬢ᭄ᬯᬭᬳᬤᬮᬓᬸ᭞ᬮᬾᬦ᭄ᬦᬾᬫᬗᬩᬕᬬᭀᬢ᭄᭞ᬫᬲᭂᬓ᭄ᬲᭂᬓ᭄ᬢᭀᬗᬤᬜᬫ᭄ᬧᬶᬂ᭞ᬗᬩᬢ᭄ᬤᬸᬂ᭞ᬳ᭄ᬦᬸᬓ
[᭔᭑41A]
ᬮᬶᬧᬸᬢ᭄ᬤᬶᬢ᭄ᬗᬄ᭟ᬧᬜ᭄ᬚᬓᬾᬫᬲᬮᬶᬯᬶᬭᬦ᭄᭞ᬩᬸᬓᬜᬯᬦᬾᬗᬩᬩᬶᬦ᭄᭞ᬳᬤᬧᬮᬶᬂᬗᬮᬶᬄᬢᭀᬗᭀᬲ᭄᭞ᬳᬾᬜ᭄ᬘᭀᬂᬫ᭄ᬦᬾᬓᬶᬦ᭄ᬓᬲᬫ᭄ᬩᬶ᭞ᬳᬤᬫᬗ᭄ᬭᬾᬂᬗᬯᬸᬓᬶᬦ᭄᭞ᬫᬳᬶ᭠
ᬮᬓᬸᬩ᭄ᬦᭂᬄᬓᬯᬸᬄ᭞ᬗᬯᬕ᭄ᬢ᭄ᬯᬭᬫᬢᬓᭀᬦ᭄᭞ᬫᬓᭀᬭᭀᬯᬦ᭄ᬧᬥᬧᬮᬶᬂ᭞ᬧᬢᬶᬢᬸᬯᬸᬓ᭄᭞ᬫᬓᬸᬯᬸᬓ᭄ᬲᬮᬶᬂᬢᬓᭀᬦᬂ᭟ᬜᬫᬳᭂᬗ᭄ᬓᬾᬦ᭄ᬦᭂᬦ᭄ᬤᬓ᭄ᬚᬭᬦ᭄᭞ᬳᬤᬫᬲᬯᬸᬢ᭄ᬫᬗ᭄ᬯᬶ᭞ᬜ
ᬫᬳᭂᬗ᭄ᬓᬾᬦ᭄ᬦᬾᬫᬢᬓᭀᬦ᭄᭞ᬳᬤᬫᬗᬯᬕ᭄ᬜᬯᬸᬢᬶᬦ᭄᭞ᬕ᭄ᬬᬜᬃᬫᬳᬶᬤᬶᬦᬶ᭞ᬳᭂᬗ᭄ᬓᬾ᭠ᬦ᭄ᬳᬤᬜᬫᬩᬥᬸᬂ᭞ᬢᬦᬶᬓᬃᬯ᭄ᬯᬜ᭄ᬚᬚᬮᬗᬦ᭄᭞ᬲᭀᬭᭀᬳᬾᬧᬥᬕᬶᬗᭂᬢᬶᬦ᭄᭞ᬲᬶᬮᬶᬄᬲᬸ
ᬲᬸᬧ᭄᭞ᬧᬥᬧᬮᬶᬂᬗᬮᬶᬄᬢᬶᬫ᭄ᬧᬮ᭄᭟ᬫᬓᬍᬫᬄᬓᬸᬬᭂᬗᬦ᭄᭞ᬩᬯᬸᬫᬭᬲ᭄ᬓᭂᬜ᭄ᬚᬢᬶ᭞ᬮᬯᬸᬢ᭄ᬫᬫᬸᬦ᭄ᬤᬸᬳᬂᬳᬯᬓ᭄᭞ᬩᬋᬂᬗᬚᬓ᭄ᬗᬮᬶᬄᬕᬸᬲ᭄ᬢᬶ᭞ᬳᬤᬩᬓᬢ᭄ᬩᬸᬤᬗᬶᬦ᭄᭞ᬮᬾᬦ᭄ᬳᬤ᭠