[᭓᭘38B]
᭓᭘᭞
ᬓ᭄ᬮᬸᬗ᭄ᬓᬸᬂᬓᭀᬘᬧᬂ᭞ᬲᬵᬳᬧᬸᬦ᭄ᬓᬥᬯᬸᬳᬦ᭄ᬲᬫᬶ᭞ᬩᬶᬮᬶᬫᬃᬕ᭄ᬕᬫᬭᬢ᭞ᬳ᭠ᬲᬶᬂᬯᬾᬦ᭄ᬢᭂᬦ᭄ᬳᬸᬫᬄᬩ᭄ᬘᬶᬓ᭄᭞ᬫᬗ᭄ᬤᬾᬦ᭄ᬧᬥᬦ᭄ᬮᬳᬶᬦ᭄᭞ᬚᬕᬧᬓᭀᬍᬫᬦ᭄ᬢᬫ᭄ᬬᬸ᭞ᬮᬳᬧ
ᬦ᭄ᬩᬶᬮᬂᬤᬗ᭄ᬓ᭞ᬫᬲᬘᬤᬂᬢᭀᬬᬲ᭄ᬕᬦᬶᬂ᭞ᬯᬤᬄᬳ᭄ᬚᬸᬦ᭄᭞ᬜᬦ᭄ᬤᬶᬂᬘᬭᬢᬦ᭄ᬓᬮᬸᬗᬄ᭟ᬩᬜ᭄ᬚᬭᬦ᭄ᬗᬫᭀᬂᬳᭀᬮᬳᬦ᭄᭞ᬧᬘᬮᬂᬧᬘᬂᬗᬬᬳᬶᬦ᭄᭞ᬦᬫ᭄ᬧᬶᬢᬫ᭄ᬬᬸᬫᬳᭀᬭᭀ
ᬗᬦ᭄᭞ᬧᬭᬫᬜ᭄ᬘᬦᬾᬗᬫᭀᬗᬶᬦ᭄᭞ᬫᬗ᭄ᬯᬶᬢᬶᬩᬓᬗᬶᬦ᭄᭞ᬕ᭄ᬬᬜᬭᬾᬓᬢᬶᬩᬓᬯᬸᬄ᭞ᬩᬥᬸᬂᬫᬸᬗ᭄ᬕᬄᬭᬶᬂᬢ᭄ᬗᬄ᭞ᬲᬵᬫ᭄ᬧᬸᬦ᭄ᬫᬘᬘᬂᬓᭀᬓ᭄ᬲᬫᬶ᭞ᬫᬜ᭄ᬘᬳᬕᬸᬂ᭞ᬜ᭠
ᬗ᭄ᬕ᭄ᬭᬳᬦᬾᬫᬮᬮᬜ᭄ᬘᬂ᭟ᬓᭀᬘᬧ᭄ᬢᭂᬓᬦᬶᬂᬤᬾᬰ᭞ᬳᬦᬓᬾᬢ᭄ᬓᬫᬩᬮᬶᬓ᭄᭞ᬘ᭄ᬦᬶᬓ᭄ᬓᭂᬮᬶᬄᬩᬚᬂᬢᬸᬯ᭞ᬫᬓᭀᬭᭀᬯᬦ᭄ᬮᬸᬄᬫ᭄ᬯᬦᬶ᭞ᬲᭂᬓ᭄ᬲᭂᬓ᭄ᬗᭂᬩᭂᬓᬶᬦ᭄ᬫᬃᬕ᭄ᬕᬶ᭞ᬲᭀᬭᭀᬄ
[᭓᭙39A]
ᬤᬕᬶᬂᬧᬥᬭᬯᬸᬄ᭞ᬳᬾᬜ᭄ᬘᭀᬂᬫᬗᬸᬗ᭄ᬲᬶᬧᭀᬦ᭄ᬤᭀᬓ᭄᭞ᬫᬭᬾᬭᭀᬤ᭄ᬲᬮᬶᬂᬳᬢᭂᬧᬶᬦ᭄᭞ᬮᬾᬦ᭄ᬫᬢᬸᬯᬸᬓ᭄᭞ᬤᬕᬗᬾᬢᬦ᭄ᬧᬲᬦ᭄ᬤᬗᬦ᭄᭟ᬤᬕᬂᬕᬦ᭄ᬢᬮ᭄ᬫᬜᬮᬯᬃ᭞ᬤᬶᬧᭀ᭠
ᬦ᭄ᬤᭀᬓ᭄ᬫᬤᬕᬂᬓᭀᬧᬶ᭞ᬲᬲᬗᬦᬦ᭄ᬩᬵᬮᬶᬚᬯ᭞ᬫᬶᬲ᭄ᬯᬕᬶᬧᬂᬓᬸᬧᬭᭀᬢᬶ᭞ᬍᬫᬸᬄᬫᬕᬸᬮᬧᬲᬶᬃ᭞ᬭᬓᬭᬓᬧᬥᬮ᭄ᬬᬸ᭞ᬳᬓᬸᬤᬦ᭄ᬩᬩᬸᬗ᭄ᬓᬶᬮᬦ᭄᭞ᬤᬕᬂᬫᬗ᭄ᬩᭂᬓᬶᬦ᭄ᬫᬃᬕ᭄ᬕᬶ᭞ᬤᬕᬂ
ᬚᬕᬸᬂ᭞ᬧ᭄ᬢᬶᬲ᭄ᬲᬩ᭄ᬭᬂᬚᭂᬫ᭄ᬧᬶᬭᬗᬦ᭄᭟ᬳᭀᬋᬕ᭄ᬓᬢᬸᬦ᭄ᬤᬕᬧᬶᬦ᭄ᬤᬂ᭞ᬤᬶᬳᬋᬧ᭄ᬦ᭄ᬕᬓ᭄ᬫᬗᭂ᭠ᬜ᭄ᬚᬶᬓ᭄᭞ᬮ᭄ᬬᬸᬤᬕᬗᬾᬫᬦᬫ᭄ᬧᬢ᭄᭞ᬢᭀᬗᬸᬤᬫᬢᬸᬯᬸᬓ᭄ᬫᬳᬶ᭞ᬫᬓ᭄ᬤᬸᬲ᭄ᬳᭂᬩᭀᬦᬾᬳᬦ᭄ᬤᬶᬄ᭞
ᬮᬯᬸᬩᬗᬸᬦ᭄ᬧᬢᬶᬢᬸᬯᬸᬓ᭄᭞ᬋᬗᬲ᭄ᬫᬩᬃᬧᬧᭂᬗ᭄ᬕᬓ᭄᭞ᬩᬸᬓᬢᬸᬮᬸᬤᬂᬫᬜᬸᬫ᭄ᬧ᭄ᬭᬶᬢ᭄᭞ᬢ᭄ᬧᬾᬦ᭄ᬧᬬᬸᬓ᭄᭞ᬫᬦ᭄ᬤᬸᬲ᭄ᬩᬳᬦ᭄ᬓᬸᬯᬄᬧᬶᬦ᭄ᬤᬂ᭟ᬓ᭄ᬤᬾᬓ᭄ᬫᬸᬯᬸᬕ᭄ᬫᬢᬸᬮᬸᬯᬦ᭄᭞ᬚ᭄ᬗᬄᬳᬯ᭠
Kaca:Bali-lontar-gaguritan-rusak-gianyar-03-350ppi.pdf/39
Kaca puniki sampun kauji-wacén
