[᭘᭔ 84B]
᭘᭔
ᬭ᭟ᬪᬝᬭᬤᬍᬫ᭄ᬢᬦ᭄ᬧᬜ᭄ᬚᬂᬮᬾᬤᬂᬓᬬᬸᬦᬾᬦᬫ᭄ᬧᬾᬦᬶᬦ᭄᭞ᬗᭂᬲᬾᬗᬶᬦ᭄ᬘᭀᬓᭀᬃᬤᬧ᭄ᬮᭀᬦᭀᬢ᭄᭞ᬓᬧᬶᬦᬂᬫᬗ᭄ᬤᬫᬫᬃᬕ᭄ᬕᬶ᭞ᬓᬦᬵᬕᬭᬗᬸᬓᬸᬳᬶᬦ᭄᭞ᬩᬶᬗᬃᬓᬬᬸᬦ᭄ᬲᬂᬓᬳᬸᬢᬸᬲ᭄᭞ᬢᬸᬃᬓᬶᬘᬾᬦ᭄ᬧᬜᭂᬦᭂᬗᬦ᭄᭞
ᬲᬶᬓᭂᬧ᭄ᬯᬾᬦ᭄ᬢᭂᬦ᭄ᬧᬶᬢᬸᬂᬩᬗ᭄ᬯᬶᬢ᭄᭞ᬲᬶᬓᭂᬧ᭄ᬩᬢᬸᬄ᭞ᬫᭀᬗ᭄ᬓᭀᬮᬶᬦ᭄ᬲ᭄ᬭᭀᬗ᭄ᬕᬮᬦ᭄ᬓ᭄ᬭᬫᬲ᭄᭟ᬘᭀᬓᭀᬃᬤ᭠ᬲᬵᬫ᭄ᬧᬸᬦ᭄ᬫᬫᬃᬕ᭄ᬕ᭞ᬳᬸᬮᬸᬦᬵᬃᬧᬗ᭄ᬢᬸᬕᬲ᭄ᬢᬶ᭞ᬤᬾᬯᬲᬦ᭄ᬟᬢ᭄ᬘᬾᬱ᭄ᬝᬓᬭ᭞ᬭᬢᬸᬬᬦ᭄ᬭᬳᬸᬄᬭᬶᬂᬧᬸᬭᬷ᭞ᬲᬫ᭄ᬧᬸᬦᬂ
ᬗᬸᬩ᭄ᬤᬫᬮᬶᬄ᭞ᬳᬳᬭᬶᬕᬸᬫᬦ᭄ᬢᬶᬓᬶᬫᬸᬤ᭄᭞ᬭᬭᬶᬲ᭄ᬤᬦ᭄ᬤᬦ᭄ᬓᬕ᭄ᬟᭀᬂ᭞ᬳᬶᬭᬶᬓᬭᬸᬫ᭄ᬭᬸᬫ᭄ᬢᭂᬫ᭄ᬩᬾᬦᬶᬦ᭄᭞ᬦᬗ᭄ᬳᬶᬂᬭ᭠ᬢᬸ᭞ᬩᭀᬘᭀᬓ᭄ᬢᬫ᭄ᬩᭂᬢ᭄ᬳᬫ᭄ᬧᬸᬭᬬᬂ᭟ᬘᭀᬓᭀᬃᬤᬓ᭄ᬜᭂᬫ᭄ᬗᬦ᭄ᬤᬶᬓ᭞ᬫᬾᬄᬩᭂᬦ᭄ᬤᬸᬳᬶᬤᬳᬶᬳᬤᬶ᭞ᬭᬾᬄᬢ᭄ᬬᬂᬫ᭠
ᬗᭀᬤᬄᬩᭀᬘᭀᬓ᭄᭞ᬢ᭄ᬯᬭᬳᬳᬾᬦ᭄ᬗᬭᬋᬫᬶᬄ᭞ᬬᬦ᭄ᬢᬦ᭄ᬧ᭄ᬓᬓ᭄ᬦᬸᬢᬸᬭᬶᬦ᭄᭞ᬫᬾᬄᬫᬯᬦᬦ᭄ᬗᬯᬾᬲᬸ᭠ᬗ᭄ᬲᬸᬢ᭄᭞ᬓᬾᬦ᭄ᬓᬾᬤ᭄ᬩᬳᬦ᭄ᬦᬬᬦᬂ᭞ᬳᬶᬤᬾᬯᬲᬦ᭄ᬟᬢ᭄ᬜᬯᬸᬭᬶᬦ᭄᭞ᬚᬕ᭄ᬜᬭᬸᬲᬸᬓ᭄᭞ᬳᬧᬶᬓᬶᬦ᭄ᬢᬍᬃᬢ᭄ᬮᬦᬂ᭞
[᭘᭕ 85A]
᭟ᬳᬦᬹᬢᬂᬓᬤᬶᬘᬭᬶᬢ᭞ᬧᬫᬃᬕ᭄ᬕᬦ᭄ᬲᬂᬲᬫ᭄ᬪᬗᬹᬦᬶ᭞ᬓᬧᬶᬦᬂᬗ᭄ᬫᬶᬢ᭄ᬧᬲ᭄ᬭᬫᬦ᭄᭞ᬤᬸᬓ᭄ᬫᬫᬮᬶᬂᬓᬧ᭄ᬭᬚᭀ᭠ᬢᬶ᭞ᬗᬫᬶᬸᬭᬸᬫ᭄ᬭᬸᬫ᭄ᬳᬚ᭄ᬜᬯᬢᬷ᭞ᬧᬸᬦᬶᬓᬓᬦᬾᬜᬦ᭄ᬤᬶᬢᬭᬸ᭞ᬓᬓᬾᬓᬤᬶᬘᭀᬓᭀᬃᬤ᭞ᬫᬲᬓᬶᬭᬗᬦ᭄ᬧᬗᬺᬗᬶᬄ
ᬤᬯᬲᬦ᭄ᬟᬢ᭄ᬯ᭄ᬭᬸᬳᬶᬂᬕᬶᬢ᭞ᬦᬢᬭᬳᭀᬲᬂᬭᬶᬂᬫᬃᬕ᭄ᬕᬶ᭞ᬗᬶᬭᬶᬕ᭄ᬮᬶᬲᬂᬫᬫᬃᬕ᭄ᬕᬶ᭞ᬫᬸᬂᬫᬸᬂᬓᬭᬶᬯ᭄ᬗᬶᬭᬓᬸ᭞ᬭᬭᬶᬲ᭄ᬫᬫᬃᬕ᭄ᬕᬳᬾ
ᬜ᭄ᬘᭀᬂ᭞ᬭᬯᬸᬄᬭᬶᬦᬵᬕᬭᬫᬗ᭄ᬓᬶᬦ᭄᭞ᬲᬗᬢᬬᬸ᭞ᬓᬕ᭄ᬬᬢ᭄ᬲᬃᬯ᭄ᬯᬢᬸᬫᬸᬗ᭄ᬓᬸᬮ᭟ᬲ᭄ᬫᬸᬦᬶᬂᬓᬧᬢᬶᬩ᭄ᬭᬢ᭞ᬤᬾ᭠ᬯᬲᬦ᭄ᬟᬢ᭄ᬗᬯᬗ᭄ᬲᬶᬢᬶᬦ᭄᭞ᬓᬾ᭞ᬘᭀᬓᭀᬃᬤᬲᬤᬦᭂᬢᭂᬲᬂ᭞ᬯᬘᬦᬗᬦᬶᬦᬶᬦᬰᬶ᭞ᬫᬵᬲ᭄ᬫᬶᬭᬄᬳᬤᬶᬳᬧ᭠
ᬓ᭄ᬭᬡᬤᬤᬶᬩᭂᬦ᭄ᬤᬸ᭞ᬢ᭄ᬯᬭᬲᬾᬦ᭄ᬤᭂᬫ᭄ᬫᬜᬧ᭞ᬳᬸᬧᬳᬶᬦ᭄ᬓᭂᬜᬸᬗᬾᬫᬦᬶᬲ᭄᭞ᬳᬤᬶᬳᬕᬸᬂ᭞ᬧᬜ᭄ᬚᬓᬂᬩ᭄ᬮᬶᬧᬜ᭄ᬚᬓᬂ᭟ᬕᬕ᭄ᬮᬶᬢᬶᬦᬦ᭄ᬗᬭᬲᬭᬲ᭄᭞ᬢᬦ᭄ᬧᬲᬫᭀᬤᬦᬫᬮᬶᬄ᭞ᬤᬾᬯᬬᬸᬢᬦ᭄ᬫᬭᬶᬦᬸᬮᬓ᭄᭞ᬍᬓ᭄ᬚᭂᬗᬄᬳᬤ
Kaca:Bali-lontar-gaguritan-rusak-gianyar-02-300ppi.pdf/85
Kaca puniki sampun kauji-wacén
