[᭘᭒ 82B]
᭘᭒
ᬭᬶᬢ᭟ᬓᬸᬤᬂᬤᬶᬦᬯᬸᬲᬶᬂᬓᬵᬃᬬ᭄ᬬ᭞ᬭᬶᬲ᭄ᬭᭀᬗ᭄ᬕᬳᬸᬘᬧᬂᬫᬮᬶᬄ᭞ᬘᭀᬓᭀᬃᬤᬫᬥᬾᬯᬮᬸᬬ᭞ᬲᬓᬤᬶᬧ᭄ᬭᬪᬸᬫᬗᬮᬶᬄ᭞ᬓᬯᬶᬪᬯᬦᬾᬩᬲ᭄ᬮᬶᬄ᭞ᬢᬦ᭄ᬲᬶᬧᬶᬯᬶᬃᬬ᭄ᬬᬦᬶᬂᬓᬬᬸᬦ᭄᭞ᬗᬾᬫᬦ᭄ᬧ᭄ᬭᬓᬗ᭄ᬕᬾᬓᬭᭀ᭞ᬤ᭄ᬭ
ᬧᭀᬤᭀᬮ᭄ᬲᬶᬓ᭄ᬩᭀᬦ᭄ᬫᬮᬶᬄ᭞ᬫᬗᬸᬦ᭄ᬭᬶᬩᬸᬄ᭞ᬢᬦ᭄ᬧᬗᬶᬢᬸᬂᬳᬸᬚᬃᬧᬭ᭟ᬯ᭄ᬓᬲᬦᬶᬤᬘᭀᬓᭀᬃᬤ᭞ᬓᬢᬶᬩᬦᬦ᭄ᬮᬭᬕᭂᬭᬶᬂ᭞ᬢ᭄ᬮᬲ᭄ᬲᬧᬭᬉᬱᬥ᭞ᬗᬢᬸᬭᬂᬢᬫ᭄ᬩᬓᬧᬸᬭᬷ᭞ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬫᬶᬦ᭄ᬢᬸᬮᬶᬦ᭄᭞ᬳᭀᬕᬦ᭄ᬫ
ᬕᬶᬗ᭄ᬲᬶᬃᬓᬩᬢᬸᬄ᭞ᬤᬾᬦᬶᬂᬧᬗ᭄ᬤᬦ᭄ᬢᬶᬢᬄ᭞ᬢᬯᬾᬦ᭄ᬢᭂᬦ᭄ᬤᬤᭀᬲ᭄ᬓᭂᬮᬶᬤᬶᬦ᭄᭞ᬤᬸᬭᬸᬲ᭄ᬮᬫ᭄ᬧᬸᬮ᭄᭞ᬭᬶᬂᬩ᭄ᬮᬄᬩᬢᬸᬄᬓᬧ᭄ᬮᭂᬩᭀᬦᬂ᭟ᬢᬦᬸᬘᬧ᭄ᬢᬶᬗ᭄ᬓᬳᬶᬂᬓᬵᬃᬬ᭄ᬬ᭞ᬧᬯᬶᬓᬦ᭄ᬘᭀᬓᭀᬃᬤᬮᬶᬗ᭄ᬲᬶᬭ᭄᭞ᬲᬲᬾᬤᬦᬾᬤᬘᭀᬓᭀᬃᬤ
᭞ᬤᬾᬯᬩᬜ᭄ᬚᬃᬧᭀᬤᭀᬮ᭄ᬲᬶᬲᬶᬧ᭄᭞ᬓᬩᬯᭀᬲ᭄ᬩᬶᬲᬦ᭄ᬤᬾᬱ᭄ᬝᬶ᭞ᬲᬓᬾᬂᬧᬶᬲᬸᬦᬦᬾᬗᬶᬫᬸᬭ᭄᭞ᬗ᭄ᬳᬶᬂᬢᭀᬂᬲ᭄ᬟᭂᬂᬧᬗᭂᬦᬂ᭞ᬨᬮᬦ᭄ᬧᬓᬵᬃᬤ᭄ᬟᬶᬦᬾᬗᬹᬦᬶ᭞ᬳ᭄ᬬᬗᬶᬂᬢᬸᬕᬸ᭞ᬫᬶᬤᬦ᭄ᬤᬫᬗᬸᬩᬂᬧᬸᬭ᭟ᬲᬯᬶᬭᬾᬄᬩᬲ᭄ᬓᬩᭂᬩᭂ᭠
[᭘᭓ 83A]
ᬳᬦ᭄᭞ᬦᬕᭂᬳᬕᬸᬂᬧᭂᬋᬚᬦᬶ᭞ᬓᬤᬾᬦ᭄ᬝᬭᬗᬭᬸᬪᬾᬤ᭞ᬦᬶᬲ᭄ᬓᬮᬦᬾᬗᬶᬘ᭄ᬙᬾᬦ᭄ᬲᬶᬲᬶᬧ᭄᭞ᬓᭀᬘᬧ᭄ᬭᬶᬂᬲ᭄ᬭᭀᬗ᭄ᬕᬫᬮᬶᬄ᭞ᬧᬗᭂᬦ᭄ᬢᭀᬲ᭄ᬲᬂᬲᬶᬤᬮᬫ᭄ᬧᬸᬲ᭄᭞ᬧᬭᬜ᭄ᬓᭀᬃᬤᬩᬦ᭄ᬤ᭄ᬭᬗᬦ᭄᭞ᬧᬸᬢ᭄ᬭᬧᬗᬚᭂᬂᬢᬸᬃᬭᬶᬭᬶᬄ᭞ᬓᬾᬄ
ᬬᬦ᭄ᬯᬸᬯᬸᬲ᭄᭞ᬳᬶᬦ᭄ᬤᬶᬓᬾᬭᬶᬂᬚᬕᬢ᭄ᬲ᭄ᬭᭀᬗᬦ᭄᭟ᬕᬸᬫᬦ᭄ᬢᬶᬢᬢ᭄ᬯᬘᬭᬶᬢ᭞ᬭᬶᬂᬦᬵᬕᬭᬳᬸᬘᬧ᭄ᬫᬗ᭄ᬓᬶᬦ᭄᭞ᬤᬾᬯᬬᬸᬢᬦ᭄ᬲᬄᬯᬶᬭᬂᬭᭀᬂ᭞ᬳᬾᬭᬂᬓᬬᬸᬦᬾᬢᬦ᭄ᬲᬶᬧᬶ᭞ᬓᬗᭂᬦ᭄ᬫᬯ᭄ᬢᬸᬲ᭄ᬤᬶᬄ᭞ᬳᭀᬲᬄᬢᬦ᭄ᬫᬗᬦᬢᬸᬭᬸ᭞ᬓᬜ᭄ᬘᬶᬢ᭄ᬤᬾᬯ
ᬓ᭄ᬢᬸᬢ᭄ᬲᬦ᭄ᬤᬢ᭄᭞ᬭᬯᬸᬄᬫᬤᬸᬮᬸᬭᬦ᭄ᬢᬗᬶᬲ᭄᭞ᬲ᭄ᬮᭂᬕᬸᬓ᭄ᬧ᭄ᬮᬕᬸᬓ᭄᭞ᬳᬢᬸᬭᬾᬫᬗ᭄ᬮᬤ᭄ᬧ᭄ᬭᬡ᭟ᬘ᭄ᬦᬶᬗᬕᬸᬂᬘᬸᬘᬸᬦ᭄ᬧᭂ᭠ᬓᬓ᭄᭞ᬲᬵᬫ᭄ᬧᬸᬦᬸᬕᬶᬤᬳᬢ᭄ᬓᬶᬂᬓᬶᬂ᭞ᬧᬹᬃᬡ᭄ᬦᬬᬂᬓᬬᬸᬦᬶᬤᬾᬯ᭞ᬳᬧᬦ᭄ᬧᬦᬶᬢᬄᬳ᭄ᬬᬂᬯᬷᬥᬶ᭞ᬲᬶᬧᬢᬶᬂᬲᬂᬦᬸᬫᬤᬶ᭞᭠
ᬢᬦ᭄ᬮᬸᬧᬸᬢ᭄ᬭᬶᬗᬮᬳᬬᬸ᭞ᬫᬗ᭄ᬓᬶᬦ᭄ᬓᬤᬶᬳᬶᬤᬾᬯ᭞ᬢᬍᬃᬳᬶᬤᬤᬾᬯᬶᬰᬘᬷ᭞ᬢ᭄ᬯᬭᬮᬸᬧᬸᬢ᭄᭞ᬫᬗ᭄ᬕᬸᬳᬂᬲᬸᬓ᭠ᬮᬦ᭄ᬤᬸᬄᬓ᭟ᬫᬗ᭄ᬓᬶᬦ᭄ᬧ᭄ᬓᬓ᭄ᬫᬦᬯ᭄ᬕᬂ᭞ᬲᬢᬢᬢ᭄ᬓᬗᭂᬩᬸᬓᬶᬦ᭄᭞ᬯ᭄ᬦᬂᬢᬶᬦᬧᬵᬓᭂᬦ᭄ᬋᬓᭀ᭞ᬤᭀᬱᬦᬾᬢᬺᬱ᭄ᬡᬭᬶᬗᬸ
Kaca:Bali-lontar-gaguritan-rusak-gianyar-02-300ppi.pdf/83
Kaca puniki sampun kauji-wacén
