[᭕᭕ 55B]
᭕᭕
ᬲ᭄ᬮ᭄ᬯᬶᬃᬧᬲᬂᬚᬮᬤᬶ᭞ᬕᬸᬭᬸᬄᬓᬃᬣᬶᬓᬲᬸᬫᬶᬬᭀᬓ᭄᭞ᬫᬭᬶᬭᬶᬲ᭄ᬢᬶᬃᬣᬦᬶᬂᬮᬶᬭᬶᬂ᭞ᬫᬕᬸᬍᬫ᭄ᬲᭂᬤᬶᬄᬓᬶᬂᬓᬶᬂ᭞ᬮ᭄ᬯᬶᬃᬓᬓ᭄ᬮᬶᬓ᭄ᬗᬸᬫᬾᬚᬯᬸᬄ᭞ᬢᬗᬶᬲᬾᬗ᭄ᬮᬤ᭄ᬧ᭄ᬭᬡ᭞ᬧᬜ᭄ᬚᬂᬬᬦ᭄ᬢᬸᬢᬸᬭᬂᬫᬮᬶᬄ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬫᬤᬩ᭄ᬤᬩᬬᬢ᭄ᬫᬫᬃᬕ᭄᭞
᭟ᬦᬸᬮᬶᬫ᭄ᬤᬮ᭄ᬓᬩᬜ᭄ᬘᬶᬗᬄ᭞ᬫᬳᬶᬭᬶᬗᬦ᭄ᬧᬭᬳᬶᬲ᭄ᬢ᭄ᬭᬷ᭞ᬲᬃᬯ᭄ᬯᬦᬸᬦ᭄ᬢᬸᬦ᭄ᬧᬸᬢᬸᬳᭀᬓ᭞ᬢᬦ᭄ᬲᬄᬦᬗᬶᬲ᭄ᬧᬶᬢᬸᬢᬸ᭠ᬭᬶᬦ᭄᭞ᬭᬶᬂᬚ᭄ᬭᭀᬦᬶᬗᬜ᭄ᬘᬓ᭄ᬱᬚᬶ᭞ᬳᬾᬩᭂᬓ᭄ᬧᬗᬶᬭᬶᬗᬾᬲᬵᬫ᭄ᬧᬸᬦ᭄᭞ᬳᬮᭀᬦ᭄ᬤᬦᬾᬗᬦ᭄ᬤᬶᬓ᭞ᬭᬶᬗᭀᬓ
ᬦᬾᬢᬶᬕᬂᬲᬶᬓᬶ᭞ᬦᬾᬓᬯᬸᬯᬸᬲ᭄᭞ᬗᬸᬭᬄᬫᬥᬾᬗᬸᬭᬳᭀᬓ᭟ᬳᬮᬶᬢ᭄ᬗᬸᬭᬄᬧᬶᬦᬶᬄᬯ᭄ᬓᬲ᭄᭞ᬦᬄᬚᬮᬦ᭄ᬘᭂᬦᬶᬂᬫᬫᬃᬕ᭄ᬕᬶ᭞ᬲᬂᬢᬶᬕᬳᬢᬸᬭᬾᬳᬮᭀᬦ᭄᭞ᬫᬲᬤᬾᬯᬾᬓ᭄ᬢᬶᬢ᭄ᬬᬂᬗᬶᬭᬶᬂ᭞ᬓᬚᬮᬦ᭄ᬯᬶᬓ᭄ᬫᬗᬸᬗ᭄ᬲᬶ᭞᭠
ᬓᬮᬶᬮᬶᬭᬦ᭄ᬲᬓᬾᬂᬤᬗᬸ᭞ᬫᬗᭂᬦᬄᬭᬶᬂᬢᬩᬦᬦ᭄᭞ᬳᬶᬭᬶᬓᬫᬮᬶᬄᬫᬶᬦᭂᬳᬶᬦ᭄᭞ᬯᬸᬲ᭄ᬓᬧᬢᬸᬢ᭄᭞ᬧᬗ᭄ᬭᬯᭀᬲᬾᬦᬸᬮᬶᬩᬸᬤᬮ᭄᭟ᬫᬫᬃᬕ᭄ᬕᬶᬤᬸᬭᬸᬲ᭄ᬗᬮᬾᬭᬂ᭞ᬧᬳᬶᬗᬦᬦ᭄ᬯᬯᬸᬲᬶᬗᬶᬢ᭄᭞ᬢᭀᬮᬄ
[᭕᭖ 56A]
ᬢᭀᬮᬶᬄᬚᬤᭀᬚᬤᭀᬤᬾᬰᬩᬸᬭ᭄ᬯᬦᬾᬓᬳᬸᬗ᭄ᬲᬶ᭞ᬢ᭄ᬤᬸᬦ᭄ᬭᬶᬂᬩᬢᬸᬕᬳᬶᬂ᭞ᬗᬬᬶᬦ᭄ᬢᬂᬢᬸᬓᬤ᭄ᬧᬤ᭠ᬦᬸ᭞ᬗᭀᬚᭀᬕ᭄ᬓᬤᬾᬰᬳ᭄ᬫᬵᬲ᭄᭞ᬭᬭᬶᬲ᭄ᬳᬮᬾᬭᬂᬫᬫᬃᬕ᭄ᬕᬶ᭞ᬩᬦ᭄ᬩᬦᬮᬸᬲ᭄᭞ᬫᬗᬸᬗ᭄ᬲᬶᬚᬕᬢ᭄ᬧ᭄ᬮᬶᬬᬢ᭠
ᬦ᭄᭟ᬢᬦ᭄ᬓᭀᬘᬧᬦ᭄ᬲᬂᬫᬃᬕ᭄ᬕ᭞ᬭᬶᬂᬩᬢᬸᬄᬫᬮᬶᬄᬯᬦ᭄ᬢᬸᬦᬶᬦ᭄᭞ᬲᬂᬓᬭᬶᬭᬶᬗᬸᬫᬄᬕ᭄ᬠᭀᬂ᭞ᬫᬶᬢᬳᭂᬦ᭄ᬤᬾᬯᬾᬓ᭄ᬜᬫᬵᬢᬶ᭞ᬯᬾᬦ᭄ᬢᭂᬦ᭄ᬫᬕᬶᬗ᭄ᬲᬶᬃᬜᬗᬶᬤ᭄᭞ᬮᬾᬦ᭄ᬯᬾᬦ᭄ᬢᭂᬦ᭄ᬫᭂᬤᬮ᭄ᬫᬧᬸᬦ᭄ᬤᬸᬄ᭞ᬯᬾᬦ᭄ᬢᭂᬦ᭄ᬗᭂᬩᬂᬓᬲᬸᬕ᭄ᬬᬦ᭄᭞᭠
ᬲᬕᬾᬢᬦ᭄ᬩᭂᬤᬶᬮ᭄ᬫᬫᬸᬜᬶ᭞ᬓᬸᬫᬭᬸᬢᬸᬕ᭄᭞ᬲᬯᬂᬕᬮᬕᬄᬓᬢᬸᬦ᭄ᬯᬦ᭄᭟ᬳᬯᭀᬃᬲ᭄ᬯᬭᬦ᭄ᬕᬕᬫᭂᬮᬦ᭄᭞ᬲᬸᬃᬬ᭄ᬬᬓᬾᬫᬯᬦ᭄ᬢᬶᬯᬦ᭄ᬢᬶ᭞ᬲᬶᬓᭂᬧ᭄ᬓᬸᬭᬫᬲᬾᬦᬾᬏᬤᭀᬲ᭄᭞ᬲᬶᬓᭂᬧ᭄ᬓ᭄ᬮᬸᬗ᭄ᬓᬸᬂᬫᬫᭀᬗ᭄ᬓᭀᬮᬶᬦ᭄᭞ᬕᬸᬲ᭄ᬢ᭄ᬬ
ᬕᬸᬂᬫᭀᬦᬶᬂᬦᬭᬶᬓ᭄᭞ᬲᬶᬓᭂᬧᬾᬗᬯᬸᬓ᭄ᬩ᭄ᬮᬄᬩᬢᬸᬄ᭞ᬢᬦ᭄ᬤᬗᬾᬕᬶᬮᬓ᭄ᬕᬶᬮᬓ᭄᭞ᬲᬚᬕᬢ᭄ᬩᬢᬸᬄᬓ᭠ᬕᬶᬭᬶᬂ᭞ᬓᬾᬄᬬᬦ᭄ᬯᬸᬯᬸᬲ᭄᭞ᬲᬂᬫᬾᬗ᭄ᬕᬢ᭄ᬫᬮᬶᬄᬢᬸᬢᬸᬭᬂ᭟ᬬᬦ᭄ᬲᬯᬗᬂᬫᬶᬭᬶᬩ᭄ᬮᬸᬗ᭄ᬳᬵ᭞ᬫᬲᬗ᭄ᬓ᭄ᬭᬫᬧᬘᬂᬗᬸ
Kaca:Bali-lontar-gaguritan-rusak-gianyar-02-300ppi.pdf/56
Kaca puniki sampun kauji-wacén
