[᭔᭖ 46B]
᭔᭖
ᬗᬚᬓᬶᬦ᭄ᬫᬩᬮᬶᬓ᭄᭞ᬭᬶᬂᬮᬶᬗ᭄ᬕᬦᬶᬤ᭞ᬲᬂᬓᬲᬸᬂᬲᬸᬂᬗᬾᬂᬩᬮᬶ᭟ᬯᬲ᭄ᬢᬸᬓᬫ᭄ᬩᭂᬂᬧᬗ᭄ᬭᬯᭀᬲ᭄ᬩᬢᬸᬄᬢ᭄ᬕᬮ᭄ᬮᬮᬶ᭞ᬧ᭄ᬭᬬᬗᬚᬓᬶᬦ᭄ᬫᬩᬮᬶᬓ᭄᭞ᬭᬶᬂᬮᬶᬗ᭄ᬕᬦᬶᬤ᭞ᬧᬮ᭄ᬬᬢᬦ᭄ᬲᬓᬯᬢᬶ᭞ᬭᬯᬸᬄᬓᬩ᭄ᬬᬦ᭄ᬲᭂᬤᬄ᭞ᬩᬩᬶᬢ᭄ᬭᬲ᭄ᬬ᭠
ᬗᬦ᭄ᬕ᭄ᬬᬜᬭ᭄᭞ᬤ᭄ᬯᬂᬓᬢᭂᬗᭂᬃᬧ᭄ᬭᬫᬗ᭄ᬓᬶᬦ᭄᭞ᬳᬦ᭄ᬢᬸᬓ᭄ᬤᬾᬯᬩᬜ᭄ᬚᬭ᭄᭞ᬩᭀᬤᭀᬮ᭄ᬲᬶᬓ᭄ᬩᭀᬦ᭄ᬫᬮᬶᬄ᭟ᬧ᭄ᬭ᭠ᬦᬕᬢᬲᬂᬓᬮᬶᬄᬲᬄᬲᬓᬾᬂᬕ᭄ᬬᬜᬭ᭄᭞ᬕᭂᬲᬄᬓᬓ᭄ᬮᬸᬗ᭄ᬓᬸᬂᬦᬗ᭄ᬓᬶᬮ᭄᭞ᬧ᭄ᬭᬬᬗᬸᬦᬶᬗᬬᬂ᭞ᬳᬶᬦ᭄ᬤᬶᬓ᭄ᬧ᭄ᬭᬕᬸᬗᬾᬲ
ᬫ᭄ᬬᬦ᭄᭞ᬫᬚᬦ᭄ᬢᭂᬦ᭄ᬧᬘᬂᬫᬩᬮᬶᬓ᭄᭞ᬭᬯᬸᬳᬶᬭᬶᬓ᭞ᬭᬭᬶᬲ᭄ᬗ᭄ᬭᬜ᭄ᬚᬶᬂᬓᬧᬸᬭᬷ᭟ᬤᬳᬲ᭄ᬤᬶᬳᬶᬲ᭄ᬳᬢᬸᬭᬾᬫᬫ᭄ᬕᬢ᭄ᬫᭂᬕᬢ᭄᭞ᬭᬢᬸᬪᬝᬭᬫᬗ᭄ᬓᬶᬦ᭄᭞ᬧ᭄ᬭᬕᬸᬗᬾᬭᬶᬂᬕ᭄ᬬᬜᬭ᭄᭞ᬚᬦ᭄ᬢᭂᬦ᭄ᬧᬘᬂᬫᬢᬸᬗ᭄ᬓᬲ᭄᭞ᬩ᭄ᬮᬄᬩ᭠
ᬢᬸᬄᬲᬦᬾᬫᬶᬩᬶᬢᬶᬦ᭄᭞ᬫᬚᬚᭂᬭᬸᬓᬦ᭄᭞ᬲ᭄ᬚᭂᬓ᭄ᬭᬶᬂᬕ᭄ᬬᬜᬃᬫᬗ᭄ᬓᬶᬦ᭄᭟ᬗ᭄ᬳᬶᬂᬦᬵᬕᬭᬢᬫ᭄ᬧᬓ᭄ᬲᬶᬭᬶᬂ᭠ᬮᬦ᭄ᬧᬬᬗᬦ᭄᭞ᬦᬾᬢᬢᬶᬕᬢᬦᬸᬦᬶᬂ᭞ᬲᬚᬩᬧᬸᬦᬶᬓ᭞ᬲᬫᬶᬲᬵᬫ᭄ᬧᬸᬦ᭄ᬫᬲᬶᬓ᭄ᬬᬦ᭄᭞ᬳᬗ᭄ᬓᭂᬧ᭄ᬭᬯᬸᬄᬓ
[᭔᭗ 47A]
ᬫᬩᬸᬯᬶ᭞ᬧ᭄ᬭᬬᬫᬢᬸᬗ᭄ᬓᬲ᭄᭞ᬭᬶᬂᬪᬝᬭᬢᬦ᭄ᬪᬓ᭄ᬢᬶ᭟ᬤᬸᬄᬕᭂᬮᬶᬲᬂᬪᬝᬭᬫᬗ᭄ᬓᬦ᭄ᬫᬯᭀᬲᬂ᭞ᬧᬫᬸᬂᬧᬸᬂᬤᬸᬭᬸᬂᬲᬫᬶ᭞ᬲᭂᬋᬕ᭄ᬲᬧᬶᬲᬦᬦ᭄᭞ᬫᬗ᭄ᬤᭀᬄᬦᭀᬭᬓᬲᬶᬤᬦ᭄᭞ᬪᬝᬭᬕᭂᬮᬶᬲ᭄ᬫᬢᬗᬶ᭞ᬲᬓᬾᬂᬧᬫᬺᬫᬦ᭄᭞
ᬗᭂᬚᬂᬘᬂᬓ᭄ᬮᭀᬂᬫᬮᬶᬗ᭄ᬕᬶᬄ᭟ᬢᬦ᭄ᬧᬲᬯᬸᬃᬫ᭄ᬦᭂᬂᬓᬭᬶᬓᬩᭂᬮ᭄ᬩᭂᬮᬦ᭄᭞ᬫᬮᬢᬸᬮᬢᬸᬭᬶᬗᬓ᭄ᬱᬶ᭞ᬫᬢ᭄ᬭᬰᬭᬶᬭᬩᬂ᭞ᬦᬸᬮᬶᬯᬶᬚᬶᬮ᭄ᬯᬘᬦ᭞ᬜᬾᬦ᭄ᬢᭀᬳᬶᬩᬚᭂᬭᬶᬢ᭄ᬚᭂᬭᬶᬢ᭄᭞ᬓ᭄ᬫᬳᬾᬗ᭄ᬕᬮᬂ᭞ᬳᬢᬸᬭᬶᬦ᭄ᬕᭂᬥᬾᬭᬳᬶ᭟ᬜᬫᬜ
ᬫᬘ᭄ᬦᬶᬗᬢᬸᬭᬶᬦ᭄ᬫᬓᭂᬚᬂ᭞ᬢᭂᬧᬓ᭄ᬓᬸᬮ᭄ᬓᬸᬮᬾᬚᬦᬶ᭞ᬲᬂᬓᬶᬘ᭄ᬙᬾᬦ᭄ᬯᬘᬦ᭞ᬫᬧᬫᬶᬢ᭄ᬯᬸᬲ᭄ᬓᬚᬩ᭞ᬲᬯᬢ᭄ᬭᬲᬵᬫ᭄ᬧᬸᬦ᭄ᬳᬢᬸᬭᬶᬦ᭄᭞ᬲᬂᬓᬤᬳᬸᬳᬦ᭄᭞ᬤᬧᬓ᭄ᬲᬵᬫ᭄ᬧᬤᬦ᭄ᬤᬶᬧᬸᬭᬷ᭟ᬢᭂᬕ᭄ᬢᭂᬕᬕᬸᬂᬗᭂᬫ᭄ᬗᬢᬶᬦ᭄ᬫᬲ᭄ᬯᬭᬗᭀᬫ᭄ᬧᬂ᭞ᬕᬾ
ᬕᬾᬃᬧᬜ᭄ᬚᬓᬾᬲᬫᬶ᭞ᬭᬯᬸᬄᬓᬩᬜ᭄ᬘᬶᬗᬄ᭞ᬲᬺᬕᭂᬧ᭄ᬫᬓ᭄ᬢᬕᬕᬫᬦ᭄᭞ᬬᬦ᭄ᬲᬯᬗᬂᬓᬸᬓᬸᬲ᭄ᬫᬶᬚᬶᬮ᭄᭞ᬢᬦ᭄ᬧᬧ᭄ᬕᬢᬦ᭄᭞ᬚᭂᬚᭂᬮ᭄ᬭᬶᬂᬳᬜ᭄ᬘᬓ᭄ᬱᬚᬶ᭟ᬧᬯᬘᬦᬦ᭄ᬤᬍᬫ᭄ᬦᬄᬚᬦᬶᬩᬢᭂᬓᬂ᭞ᬳᬶᬤᭂᬧᬾᬕ᭄ᬠᬾᬭᬳᬶ᭞ᬕᬢᬶ᭠
Kaca:Bali-lontar-gaguritan-rusak-gianyar-02-300ppi.pdf/47
Kaca puniki sampun kauji-wacén
