[᭖ 6B]
᭖
ᬓᬾᬗᬸᬭᬗ᭄ᬓ᭞ᬦᬾᬫᬸᬮᬦ᭄ᬧᬹᬃᬡ᭄ᬦᬫ᭞ᬜᭀᬜᭀᬜᬗ᭄ᬓᬶᬄᬗ᭄ᬜᬸᬄᬕᬥᬶᬂ᭞ᬳᬮᬶᬲ᭄ᬫᬩ᭄ᬗᬤ᭄᭞ᬧᬧᬭᬲᬦ᭄ᬫᬳᬶᬗᬶᬤ᭄᭟ᬳ᭄ᬩᭀᬓ᭄ᬲᬫᬄᬤᭂᬫ᭄ᬤᭂᬫ᭄ᬮᬶᬫᬦᬾᬫᬤᬧ᭞ᬚᬭᬶᬚᬶᬭᬸᬭᬸᬲ᭄ᬧ᭠
ᬱ᭄ᬝᬶ᭞ᬓᬸᬓᬸᬦ᭄ᬜᬦᬾᬮᬦ᭄ᬢᬂ᭞ᬢᬦ᭄ᬧᬾᬦ᭄ᬤᬄᬫᬡᬶᬓ᭄ᬢᭀᬬ᭞ᬩᬜ᭄ᬘᬗᬾᬳᬫᬺᬭᭀᬲᬂᬭᬫ᭄ᬧᬶᬂ᭞ᬳᬘ᭄ᬓᭂᬮ᭄ᬳᭀᬦ᭄ᬥ᭞ᬮᬫᬫᬢᬸᬄᬧᬳ᭄ᬬᬲ᭄ᬭᬶᬭᬶᬄ᭟ᬓ᭄ᬜᭂᬫᬦᬶᬲ᭄ᬓᭂᬫᬶᬓᬦᬾᬳᬚᬶᬪᬭ᭞᭠
ᬬᬾᬦ᭄ᬜᬫᬓ᭄ᬭᬸᬡ᭞ᬫᬷᬭᬶᬩ᭄ᬫᬳᬶᬫ᭄ᬩᬸᬄᬓᬶᬮᬂ᭞ᬲᭀᬭᭀᬄᬮᬾᬕᭀᬂᬓᭀᬘᬧ᭄ᬲᬫᬶ᭞ᬬᬾᬦ᭄ᬜᬫᬲᭀᬮᬄ᭞ᬕᬯᭀᬓ᭄ᬲᬦᬾᬫᬩᬮᬶᬄ᭟ᬯᬾᬦ᭄ᬢᭂᬦ᭄ᬭᭀᬭᬲ᭄ᬲᬦᬾᬫᬗᬺᬩ᭄ᬕᬶᬦ᭄ᬳᬶᬤ᭞ᬦᬸᬩ᭠
ᬚᬂᬩᬚᬂᬘ᭄ᬦᬶᬓ᭄᭞ᬲᬾᬍᬩ᭄ᬘᬩᬩᬶᬓᬲ᭄᭞ᬢ᭄ᬯᬄᬜᬦ᭄ᬤᬂᬕᬸᬦ᭄ᬤᬶᬓ᭄ᬕ᭄ᬬᬜᬃ᭞ᬓᬕᬯᭀᬓ᭠ᬦ᭄ᬲᬦᬾᬦᬗ᭄ᬓᬶᬮ᭄᭞ᬫᬫᬗ᭄ᬕᬶᬄᬢᬶᬗ᭄ᬓᬄ᭞ᬳᬦᬓᬾᬳᬕᬸᬂᬫᬗ᭄ᬕᬶᬲ᭄᭟ᬤᬤᬶᬮᬸᬫ᭄ᬩ᭄ᬭᬄᬳᭀᬃᬢ᭄ᬣ᭠
[᭗ 7A]
ᬦᬾᬓᬚᬩᬓᬹᬣ᭞ᬢᬶᬗ᭄ᬓᬄᬳᬶᬤᬾᬯᬫᬗ᭄ᬕᬶᬲ᭄᭞ᬢ᭄ᬯᬭᬫᬵᬦᬹᬢ᭄ᬧ᭄ᬭᬄ᭞ᬲᬫᬶᬧᬭᬪᬹᬧ᭠ᬢ᭄ᬬ᭞ᬗᬶᬲᭂᬧᬂᬳᬲᬶᬂᬳᬗᬧᬶᬦ᭄᭞ᬦᬓᭂᬄᬢ᭄ᬯᬄᬭᬸᬲᬓ᭄᭞ᬚᬕᬳᬶᬤᬾᬯᬫᬗ᭄ᬕᬶᬲ᭄᭟ᬓᬮᬶᬄᬧ᭄ᬭᬫ᭠
ᬜ᭄ᬘᬲᬫᬶᬗᬤᬸᬯᬸᬗᬂ᭞ᬓᬳ᭄ᬬᬸᬦ᭄ᬧᬥᬫᬮᬶᬓᬶᬦ᭄᭞ᬓᬭᬶᬗᬮᬶᬄᬳᬫ᭄ᬩᬄ᭞ᬫᬗᬢᭂᬧᬂᬧ᭠ᬯᬶᬮᬗᬦ᭄᭞ᬦᬵᬗ᭄ᬳᬶᬂᬤᬸᬭᬸᬂᬧᬢᬶᬦᬶᬮᬶᬲ᭄᭞ᬳᬯᬦᬦ᭄ᬲ᭄ᬭᬦ᭄ᬢ᭞ᬤᬾᬭᬾᬂᬓᬦ᭄ᬢᭂᬦ᭄ᬫᬗᬶᬲᬶ᭟ᬤᬾᬦᬶᬂᬫᬸ᭠
ᬮᬉᬧᬬᬦᬾᬭᬶᬂᬕ᭄ᬬᬜᬃ᭞ᬳᬦᬓᬾᬳᬕᬸᬂᬫᬗ᭄ᬕᬶᬲ᭄᭞ᬩᬵᬲ᭄ᬮᬶᬦ᭄ᬢᬗᬶᬂᬯᬓᬦ᭄᭞ᬧᬸᬦᬶᬓᬓᬓᭀᬩᭂᬢᬂ᭞ᬳᬦ᭄ᬢᬸᬓ᭄ᬧᬺᬫᬜ᭄ᬘᬦᬾᬲᬫᬶ᭞ᬫᬗ᭄ᬓᬶᬦ᭄ᬓᬓᬸᬩ᭄ᬤᬬᬂ᭞ᬕ᭄ᬤᭂᬕᬾᬚ᭄ᬭᭀᬦᬶᬂᬳᬢᬶ᭟ᬫᬗ᭄ᬓᬶ᭠
ᬦ᭄ᬯᬾᬦ᭄ᬢᭂᬦ᭄ᬤᬬᬤᬳᬢᬶᬂᬲᬹᬓ᭄ᬱ᭄ᬫ᭞ᬳᬧᬦ᭄ᬫᬸᬮᬳᬦᬓ᭄ᬭᬶᬭᬶᬄ᭞ᬢ᭄ᬯᬭᬢᬳᬾᬦ᭄ᬓᬦ᭄ᬤᬧ᭄᭞ᬩᬳᬦ᭄ᬫᬲᬗᬂᬤᬬ᭞ᬫᬗᬫ᭄ᬩᬄᬓᬩᬢᬦ᭄ᬕᬸᬫᬶ᭞ᬢ᭄ᬯᬄᬤᬾᬦ᭄ᬧᬲᬃ᭞ᬤᬶᬩᬥᬸᬂᬦᬾᬓᬧᬸᬚᬶ᭟ᬢ᭄ᬯᬭᬮᬾᬦ᭄ᬕᬸ᭠
