[᭓᭗ 37B]
᭓᭗
ᬫᬧᬸᬧᬸᬮ᭄᭞ᬫᬓᬵᬃᬬ᭄ᬬᬚᬕᬤ᭄ᬥᬶᬢ᭞ᬳᬶᬤᬲᬂᬫᬫᬸᬢᭂᬃᬩᬵᬮᬶ᭞ᬲᬯᬸᬃᬓ᭄ᬜᬸᬂ᭞ᬦᬗ᭄ᬓᭂᬦ᭄ᬳᬶᬤᬫᬜᬧ᭟ᬲᬫᬶᬫᬲᬯᬸᬭᬦ᭄ᬲᭂᬫ᭄ᬩᬄ᭞ᬳᬍᬧ᭄ᬧᬥᬫᬵᬢᬹᬭᬭᬶᬲ᭄᭞ᬗᬸᬭᬶᬂᬦᬸᬦᬲ᭄ᬧᬗᬦ᭄ᬤᬶ᭠
ᬓ᭞ᬳᬚ᭄ᬭᬶᬄᬧᬘᬂᬗᬭᬶᬳᬶᬦᬶᬦ᭄᭞ᬘᬾᬱ᭄ᬝᬓᬵᬭᬡᬾᬲᬫᬶ᭞ᬫᬶᬲᬥ᭄ᬬᬗ᭄ᬕᬯᬾᬭᬳᬬᬸ᭞ᬢᬶᬗ᭄ᬓᬳᬶᬂᬲᬸᬫᬯᬶᬢ᭞ᬗᬶᬭᬶᬂᬲᬓᬶᬂᬫᬚᬧᬳᬶᬢ᭄᭞ᬢ᭄ᬯᬭᬲᬸᬭᬸᬤ᭄᭞ᬦᬢᬓᬶᬦ᭄ᬲᬪᬬᬵᬦ᭄ᬢᬓ᭟
ᬧᬭᬫᬾᬦᬓ᭄ᬫᬗ᭄ᬓᬶᬦ᭄ᬫ᭄ᬤᬮ᭄᭞ᬧᬧᬢᬸᬳᬦ᭄ᬩᬚᬂᬘ᭄ᬦᬶᬓ᭄᭞ᬗᬵᬢᬹᬭᬂᬘᬦᬂᬫᬜᬧ᭞ᬢᬦᬸᬘᬧᬦ᭄ᬲᬵᬫ᭄ᬧᬸᬦ᭄ᬲᬶᬗᬶᬢ᭄᭞ᬭᬭᬶᬲ᭄ᬧᬥᬫᬧᬫᬶᬢ᭄᭞ᬲᬶᬦᬋᬗᬦ᭄ᬧᬥᬢ᭄ᬤᬸᬦ᭄᭞ᬗᬾᬮᬶᬗᬶ᭠
ᬦ᭄ᬧᬓᬸᬍᬫᬦ᭄᭞ᬲ᭄ᬫᬵᬫ᭄ᬧᬸᬦ᭄ᬫᬮᬸᬯᬭᬦ᭄ᬲᬫᬶ᭞ᬫᬧᬫᬸᬯᬸᬲ᭄᭞ᬦᬾᬩᬾᬜ᭄ᬚᬂᬫᬮᬶᬄ᭠ᬲᬧᬶᬲᬦ᭄᭟ᬉᬘᬧᬂᬫᬭᬶᬂᬧᬓᬸᬍᬫᬦ᭄᭞ᬯᬢᭂᬓ᭄ᬩ᭄ᬭᬵᬳ᭄ᬫᬡᬲᬸᬮᬶᬗ᭄ᬕᬶᬄ᭞ᬦ᭄ᬭᬯᭀᬲ᭄ᬫᬲ᭄ᬬᬓ᭠
[᭓᭘ 38A]
ᬭᬡ᭞ᬲᬂᬕ᭄ᬥᬾᬭᬶᬓᬶᬳᬶᬭᬶᬓᬶ᭞ᬳᬶᬲᭂᬂᬫᬧ᭄ᬮᬓᭂᬦ᭄ᬢᬶᬂ᭞ᬤᬸᬤᬸᬓᬂᬩ᭄ᬮᬳᬦ᭄ᬯᬮᬸᬄ᭞ᬜᬓ᭠ᬓᬾᬦᬾᬜᬓᬓᬾᬢᭀ᭞ᬜᬾᬜ᭄ᬚᬳᬦᬓᬾᬗᬦ᭄ᬫᬶᬦ᭄᭞ᬳᬯᬓ᭄ᬯᬶᬓᬸ᭞ᬢ᭄ᬯᬭᬫᬶᬮᬸᬗᭂᬫ᭄ᬩ᭠
ᬜ᭄ᬚᬕᬢ᭄᭟ᬦᬾᬳᬤᬰᬵᬲ᭄ᬢ᭄ᬭᬓᭂᬜ᭄ᬘᬦᬂ᭞ᬓᬾᬦ᭄ᬓᬾᬦ᭄ᬳᬩᭂᬢᬾᬦᬾᬚᬦᬶ᭞ᬬᬾᬦ᭄ᬩᬧᬲᬸᬩᬗ᭄ᬮᬳᬂ᭞ᬲᬶᬂᬲᬕᬾᬢ᭄ᬲᬳ᭄ᬬᬂᬦ᭄ᬧᬸᬓᬶᬦ᭄᭞ᬰᬵᬲ᭄ᬢ᭄ᬭᬢᬢ᭄ᬮᬸᬢᭀᬳᬶᬢᬸᬗᬶᬦ᭄᭞ᬋᬘᬳᬂᬳ᭠
ᬧᬗᬮ᭄ᬬᬸ᭞ᬤᬶᬚᬳᬧᭂᬗ᭄ᬓᭂᬩᬦ᭄ᬜ᭞ᬬᬤᬶᬓᬶᬥᬸᬂᬤᬶᬓᬓᬯᬶᬦ᭄᭞ᬬᬾᬦ᭄ᬤᬶᬢᬸᬢᬸᬃ᭞ᬓᬶᬚᬳᬮᬓᬸᬜᬺᬧᬂ᭟ᬬᬦ᭄ᬢᬶᬢ᭄ᬬᬂᬲᬶᬗ᭄ᬕᬶᬄᬧᬥᬡ᭄ᬥ᭞ᬓᬧ᭄ᬢᭂᬗᬦ᭄ᬩᭀᬬᬓ᭄ᬦᬶ᭞ᬫᬦᬯᬶᬬᭂᬳᬶᬂᬳᬶᬦ᭄ᬤᬶ
ᬓ᭄ᬯᬾᬤ᭄ᬥ᭞ᬧᬥᬡ᭄ᬥᬫᬮᬶᬄᬜᬯᬸᬭᬶᬦ᭄᭞ᬢᭀᬗᬸᬤᬤ᭄ᬤᬶᬢᬸᬳᬮᬶᬄ᭞ᬳᬶᬦ᭄ᬤᬬᬂᬰᬵᬲ᭄ᬢ᭄ᬭᬦᬾᬳ᭄ᬮᬸᬲ᭄᭞ᬳᬓᬸᬤᬢᭀᬮ᭄ᬬᬸᬦ᭄ᬜ᭞ᬦ᭄ᬢᭀᬢᬾᬚᬮᬦ᭄ᬳᬶᬢᬸᬗᬶᬦ᭄᭞ᬬᬳᬓᬸ᭠
