Kaca:Bali-lontar-gaguritan-rereg-gianyar-300ppi.pdf/61

[᭖᭐60B]
᭖᭐
ᬘᭂᬳᭂᬕ᭄ᬗᬫᬂᬗᬫᬂ᭟ᬮ᭄ᬬᬸᬩᬦ᭄ᬳᬶᬤᬫᬕ᭄ᬩᬕᬂ᭞ᬲᬶᬂᬫᬫᬤᬢ᭄ᬳᬸᬮᬶᬤᬶᬩᬶ᭞ᬳᬢᬕ᭄ᬯᭀᬂᬕᬾᬮ᭄ᬕᬾᬮ᭄ᬫᬓ᭄ᬚᬂ᭞ᬫᬂᬋᬩᬸᬢ᭄ᬳᬶᬘᭂᬳᭂᬕ᭄ᬚᬦᬶ᭞ᬢ᭄ᬯᬭᬓᭀᬫᬗᬾᬲᭂᬫᬶᬦ᭄᭞ᬗᬸᬭᬄᬫᬥᬾᬫ᭄ᬮᬢ᭄ᬲᬳᬸᬭ᭄᭞ᬘᭂᬳᭂᬕ᭄ᬫᬗᬫᬂᬗᬫᬂ᭞ᬤᬶᬕᬸᬫᬶᬦ᭄ᬳᬦᬓᬾ
ᬤᬶᬦᬶ᭞ᬤᬫᬗᬫᬸᬄ᭞ᬢᬳᬸᬦᬂᬳᬯᬓ᭄ᬩᬩᬦ᭄ᬤᬦ᭄᭟ᬧᬶᬦᬄᬲᬵᬫ᭄ᬧᬸᬦ᭄ᬢᬢᬲ᭄ᬕᬮᬂ᭞ᬢᭀᬬᬦᬸᬦ᭄ᬤᬲᬵᬫ᭄ᬧᬸᬦ᭄ᬳᬮᬶᬢ᭄᭞ᬫᬗ᭄ᬭᬭᬶᬲ᭄ᬧᬥᬫᬫᬃᬵᬕ᭄ᬕ᭞ᬲᬶᬓᭂᬧ᭄ᬓᬭᬗ᭄ᬳᬲᭂᬫ᭄ᬜᬋᬗᬶᬦ᭄᭞ᬲᬵᬫ᭄ᬧᬸᬦ᭄ᬫᬗ᭄ᬮᬶᬦ᭄ᬢᬂᬓᬗᬶᬦ᭄᭞ᬭᬶᬂᬲᬫ᭄ᬧᬮᬦ᭄ᬲᬵᬫ᭄ᬧᬸᬦ᭄ᬭᬯᬸᬄ
᭞ᬗ᭄ᬮᬶᬦ᭄ᬢᬂᬤᬾᬰᬲᬢ᭄ᬭᬶᬬ᭞ᬢᬦ᭄ᬓᭀᬘᬧᬦᬾᬭᬶᬂᬫᬃᬵᬕ᭄ᬕᬶ᭞ᬲᬕᬾᬢ᭄ᬭᬯᬸᬄ᭞ᬫᬗᬸᬗ᭄ᬲᬶᬚᬕᬢ᭄ᬲᬶᬤ᭄ᬫᭂᬦ᭄᭟ᬳᬶᬤᬾᬯᬕ᭄ᬥᬾᬳᬩ᭄ᬬᬦ᭄ᬘᬦᬂ᭞ᬲᬋᬂᬭᬶᬂᬳᬶᬤᬯᬲᬸᬓᬵᬯᬢᬶ᭞ᬫᬓᭀᬍᬫ᭄ᬫᬭᬶᬂᬲᬶᬤ᭄ᬫᭂᬦ᭄᭞ᬕᬸᬲ᭄ᬢᬶᬳᬮᬶᬢ᭄ᬗᬸᬭᬄᬫᬮᬶᬄ᭞ᬭᬶᬂᬦᭀ
ᬗᬦ᭄ᬫᬮᬶᬗ᭄ᬕᬶᬄ᭞ᬗᬸᬭᬄᬫᬥᬾᬲ᭄ᬮᬢ᭄ᬧᬸᬦᬶᬓᬸ᭞ᬳᬶᬕᬸᬲ᭄ᬢᬶᬗᬸᬭᬄᬳᭀᬓ᭞ᬫᬲᬋᬗᬦ᭄ᬭᬶᬂᬳᬶᬳᬚᬶ᭞ᬗᬸᬭᬄᬓ᭄ᬢᬸᬢ᭄᭞ᬭᬶᬂᬢᬮᬶᬩᭂᬂᬫᬓᭀᬍᬫᬦ᭄᭟ᬲᬕᬺᬳᬦ᭄ᬧᬸᬢ᭄ᬭᬧᭀᬢ᭄ᬭᬓ᭞ᬭᬳᬸᬳᬶᬂᬲᬧᬭᬳᬶᬲ᭄ᬢ᭄ᬭᬶ᭞ᬳᬦᬓᬾᬫᬸᬮᬫ
[᭖᭑61A]
ᬕ᭞ᬫᬶᬯᬄᬧᬗᬶᬭᬶᬗᬾᬲᬫᬶ᭞ᬧᬥᬗᬾᬮᬶᬗᬶᬦ᭄ᬕᬸᬲ᭄ᬢᬶ᭞ᬢᬦ᭄ᬓᬸᬭᬗᬦ᭄ᬧᬗᬦ᭄ᬓᬶᬫᬸᬦ᭄᭞ᬯᬾᬢ᭄ᬦᬶᬂᬲᬶᬄᬲᬂᬳᬶᬦᬸᬗ᭄ᬲ᭄ᬬᬦ᭄᭞ᬯᬢᬭᬯᬾᬦ᭄ᬢᭂᬦ᭄ᬳᬰᬰᬶᬄ᭞ᬭᬭᬶᬲ᭄ᬮᬸᬗ᭄ᬳ᭞ᬓᬓᬭᬗ᭄ᬳᬲᭂᬫ᭄ᬫᬢᬗ᭄ᬓᬶᬮᬦ᭄᭟ᬢᬦ᭄ᬲᬧᬶᬭᬮᬾᬤᬂᬳᬶᬤ᭞ᬳᬦᬓᬾᬳᬕᬸᬂ
ᬕ᭄ᬥᬾᬚ᭄ᬮᬡ᭄ᬝᬶᬓ᭄᭞ᬮ᭄ᬯᬶᬃᬓᬤᬶᬓᬯᬳᬦᬫᬺᬢ᭄ᬣ᭞ᬚ᭄ᬭᭀᬯᬬᬦ᭄ᬢᬸᬫ᭄ᬩᭂᬦ᭄ᬫᬓᬵᬤᬶ᭞ᬲᬂᬯᬭᬭᬸᬤᬦ᭄ᬲᬫᬶ᭞ᬫᬓᬧᬶᬦᬹ᭠ᬚᬦᬶᬂᬓᬬᬸᬦ᭄᭞ᬯᬕᭂᬢ᭄ᬫᬲᬲᭀᬮᬳᬦ᭄᭞ᬧᬜ᭄ᬚᬂᬬᬦ᭄ᬘᬭᬶᬢᬫᬮᬶᬄ᭞ᬢ᭄ᬯᬭᬓᬾᬯᬸᬄ᭞ᬩ᭄ᬯᬢ᭄ᬤᬹᬃᬫᬗ᭄ᬕᬮᬦᬶᬂᬘᬶᬢ᭄ᬢ᭟᭜᭟
ᬧᬸᬧᬸᬄᬤᬹᬃᬫ᭄ᬫ᭟᭜᭟ᬯᬮᬸᬬᬓ᭄ᬦᬓᬢᬢ᭄ᬯᬘᬭᬶᬢ᭞ᬭᬶᬂᬕ᭄ᬬᬜᬃᬓᬳᬸᬘᬧ᭄ᬫᬮᬶᬄ᭞ᬲᬂᬫᬗᬫ᭄ᬩᭂᬮ᭄ᬚᬕᬢ᭄᭞ᬧ᭄ᬭᬲᬶᬤ᭄ᬥᬓᬧᬘᭂᬓᬂ᭞ᬭᬶᬂᬩᬢᬸᬄᬘᭀᬓᭀᬃᬤᬮᬶᬗ᭄ᬲᬶᬃ᭞ᬫᬶᬯᬄᬭᬶᬂᬲ᭄ᬭᭀᬗ᭄ᬕ᭞ᬘᭀᬓᭀᬃᬤᬫᬥᬾᬫᬮᬶᬗ᭄ᬕᬶᬄ᭟ᬢᬸᬮᬶᬓᬸᬧ᭄
ᬘᭀᬓᭀᬃᬤᬩᬢᬦ᭄ᬩᬸᬦᬸᬢᬦ᭄᭞ᬫᬮᬶᬄᬭᬶᬂᬲᬸᬓᬵᬯᬢᬶ᭞ᬘᭀᬓᭀᬃᬤᬦᬵᬕᬭ᭞ᬫᬮᬶᬄᬭᬶᬂᬳᬩ᭄ᬬᬦ᭄ᬩᬲᬾ᭞ᬲᬶᬓ᭄ᬩᭀᬦ᭄ᬫᬳᬸᬕ᭄ᬓᬧᬸᬭᬶ᭞ᬓᬤᬶᬮᬮᬶᬦ᭄ᬢᬄᬫᬸᬮᬕ᭄ᬥᭂᬕᬶᬦ᭄ᬕᬸᬫᬶ᭞ᬘᭀᬓᭀᬃᬤᬕ᭄ᬥᬾᬳᭀᬓᬳᬾᬭᬂᬓᬬᬸᬦᬾᬓᬮᬶᬦ᭄ᬢᬂ