[᭗᭖ 76 B]
᭗᭖
ᬫᬩᬭᬗᬦ᭄᭞ᬦᬺᬚᬓ᭄ᬢᭂᬓᬗᭂᬧᬸᬗᬶᬦ᭄᭞ᬗᬸᬤᭂᬓ᭄ᬫᬚᬚᬭᬄ᭞ᬲᬳᬫᬢᬢᬸᬜ᭄ᬚᬮᬦ᭄᭞ᬳᬶᬯᭀᬂᬤᬾᬰᬲᬾᬳᬢᬗ᭄ᬓᬶᬲ᭄᭞ᬤᬶᬢᬸᬓᬳᬜ᭄ᬚᬸᬃ᭞ᬢᬦ᭄ᬧᬦ᭄ᬢᬭᬫᬫ᭄ᬥᬶᬮ᭄᭟ᬳᬶ
ᬯᭀᬂᬓᬭᬗᬲ᭄ᬢᬶᬢᬗ᭄ᬕᬸᬄᬫᬧᬸᬮᬶᬳᬂ᭞ᬭᬫᬾᬲᬮᬶᬂᬲᬸᬭᬓᬶᬦ᭄᭞ᬩ᭄ᬥᬶᬮᬾᬫᬢᬶᬫ᭄ᬩᬮ᭄᭞ᬭᬫᬾᬫᬳᬸᬤᭂᬓᬸᬤᭂᬓᬦ᭄᭞ᬮᬶᬮᬶᬄᬯᭀᬂᬗᬾᬂᬓᬭᬗᬲ᭄ᬢᬶ᭞ᬓᬓ᭄ᬯᬾᬳᬦ᭄ᬮᬯᬦ᭄
᭞ᬧᬦ᭄ᬲᭀᬢᬦᬶᬂᬳᬓ᭄ᬤᬶᬓ᭄᭟ᬳᬶᬯᭀᬂᬳᬡ᭄ᬥᬪᬸᬫᬶᬍᬕᬦᬾᬓᬮᬶᬦ᭄ᬢᬂ᭞ᬗᭀᬓᭀᬓ᭄ᬧ᭄ᬕᬢ᭄ᬫᭂᬥᬶᬮ᭄᭞ᬦᬸᬫ᭄ᬩᬓᬶᬦ᭄ᬜᬸᬭᬓᬂ᭞ᬩᬾᬘᬾᬓ᭄ᬯᭀᬂᬓᬭᬗᬲ᭄ᬢ᭄ᬬᬵ᭞ᬮ᭄ᬬᬸᬫᬢᬢᬸ
ᬮᬾᬦ᭄ᬫᬢᬶ᭞ᬳᬶᬜ᭄ᬘᬪᬸᬢ᭞ᬕᭂᬤᭂᬕᬾᬢᬦ᭄ᬲᬶᬦᬶᬧᬶ᭟ᬩᬸᬫᬗᭂᬦᭀᬓ᭄ᬳᬶᬓᬭᬗᬱ᭄ᬝᬶᬓᬧᭂᬲᬦ᭄᭞ᬓᬳᬸᬤᭂᬓ᭄ᬓᬓᭂᬧᬸᬗᬶᬦ᭄᭞ᬮᬾᬦ᭄ᬳᬤᬜᬸᬭᬓᬂ᭞ᬗᭀ
[᭗᭗ 77 A]
ᬓᭀᬓ᭄ᬧᬲᬮᬶᬂᬢᬶᬫ᭄ᬩᬮ᭄᭞ᬍᬕᬓ᭄ᬦᭂᬄᬜᬦᬾᬲᬫᬶ᭞ᬫᬗᬫᬄᬳᬫᬄ᭞ᬲᬸᬫᬶᬗ᭄ᬓᬦ᭄ᬗᬢᬸᬢ᭄ᬤᬸᬭᬶ᭟ᬳᬶᬘᬫ᭄ᬩ᭄ᬬᭀᬮᬶᬦ᭄ᬢᬂᬩ᭄ᬭᬳ᭄ᬫᬦ᭄ᬢ᭄ᬬᬦᬶᬂᬘᬶᬢ᭄ᬢ᭞ᬫᬦ᭄ᬭᬚᬂᬓᬋᬧ᭄ᬕᭂᬮᬶᬲ᭄᭞ᬩ᭄ᬭᬶ
ᬬᬸᬓ᭄ᬱᬦᬾᬧᬢ᭄ᬧᬢ᭄᭞ᬢᬦ᭄ᬤᬂᬧᬥᬦᬶᬃᬪᬬ᭞ᬮ᭄ᬯᬶᬃᬪᬸᬢᬵᬗᬸᬦ᭄ᬢᬮ᭄ᬤᬕᬶᬂ᭞ᬜᬕᬺᬧᬫ᭄ᬥᬂ᭞ᬓᭂᬲ᭄ᬬᬩ᭄ᬯᭀᬂᬳᬡ᭄ᬥᬪᬸᬫᬶ᭟ᬦᬾᬤᬶᬫᬮᬸᬫᬗᬸᬤᭂᬕ᭄ᬢᭀᬂᬩᬓᬢ᭄ᬮᬯᬦ᭄᭞
ᬲᬢ᭄ᬫᬓᬦᬸᬫ᭄ᬩᬓᬶᬓ᭄᭞ᬘᭂᬧᭂᬢ᭄ᬫᬓᬸᬬᭂᬗᬦ᭄᭞ᬲᬓ᭄ᬱᬡᬗᭂᬦᬄᬳᬶᬮᬂ᭞ᬩᬾᬘᬾᬓ᭄ᬳᬶᬯᭀᬂᬳᬡ᭄ᬥᬪᬹᬫᬶ᭞ᬫᬢᬶᬜᬍᬫ᭄ᬧᬂ᭞ᬢ᭄ᬯᬭᬩᬓᬢ᭄ᬳᬶᬢᬸᬗᬶᬦ᭄᭟ᬧᬩᭂᬍᬲ
ᬢ᭄ᬧᬥᬢ᭄ᬯᬭᬦᬯᬂᬧᬬᬂ᭞ᬳᬤᬫᬗᬸᬗ᭄ᬲᬶᬳᬶᬤᬶᬂ᭞ᬫ᭄ᬮᬳᬶᬩ᭄ᬦᭂᬧᬾᬦ᭄ᬚᬸᬭᬂ᭞ᬳᬵᬩ᭄ᬬᬭᬦᬵᬲᬲᬭᬦ᭄᭞ᬳᬤᬧ᭄ᬭᬫᬜ᭄ᬘᬗᬗ᭄ᬤᭂᬳᬶ᭞ᬕᬗ᭄ᬲᬃᬗᬋᬧᬂ᭞ᬳᬶᬓᭀ
Kaca:Bali-lontar-gaguritan-ratmaja-300ppi.pdf/77
Kaca puniki sampun kauji-wacén
