[᭕᭙ 59 B]
᭕᭙
ᬦ᭄᭞ᬯᬶᬭᬾᬄᬚᬕᬫᬗᬫ᭄ᬩᬭ᭞ᬚᬗ᭄ᬳᭂᬮ᭄ᬲᬓᬜ᭄ᬘᬦ᭄ᬯᬢᭂᬓ᭄ᬚᬶᬫ᭄᭞ᬲᬶᬓ᭄ᬤᬤ᭄ᬯᬵᬲᬦᬾᬫᬗᬶᬭᬶᬂ᭞ᬤᬾᬦᬶᬂᬳᬸᬦᬶᬂᬧᬬᬃᬤᬶᬢᬸ᭞ᬭᬤᬾᬦ᭄ᬯᬶᬭᬵᬢ᭄ᬫᬚ᭞ᬯᬶᬭᬯᬶᬚᬬᬢᬦ᭄ᬓᬭᬶ
᭞ᬫᬩᬭᬗᬦ᭄᭞ᬫᬗ᭄ᬭᬶᬳᬶᬦᬦ᭄ᬳᬸᬧᬵᬓᬭ᭟ᬓᭀᬭᬢᬸᬢᬸᬗᬸᬭᬄᬓᭀᬥᬾᬮ᭄᭞ᬤᬶᬫᬃᬕ᭄ᬕᬦᬾᬚᭂᬚᭂᬮ᭄ᬢᬶᬢᬶᬩ᭄᭞ᬚᭀᬮᬶᬚᬭᬦᬾᬗᬫ᭄ᬩ᭄ᬬᬃ᭞ᬓᭀᬭᬢᬸᬗᬦ᭄ᬤᬶᬓᬳᬭᬶ
ᬲ᭄᭞ᬩᬾᬄᬚᬭᬦ᭄ᬳᬩᬵᬫᬳᬶ᭞ᬢᬸᬫᬸᬮᬶᬲᬸᬩᬓᬳᬢᬸᬃ᭞ᬧ᭄ᬭᬧᬸᬢ᭄ᬭᬦᬾᬫᬓ᭄ᬚᬂ᭞ᬓᬤᬯᬸᬄᬫᬦᬸᬗ᭄ᬕᬂᬯᬚᬶ᭞ᬫᬩ᭄ᬭᬶᬬᬸᬓ᭄᭞ᬲᬫ᭄ᬧᬸᬦ᭄ᬲᬫᬶᬫᬸᬗ᭄ᬕᬄᬚᬭᬦ᭄᭟ᬗᬋᬤᭂᬕ᭄ᬫ
ᬕᬕᬗ᭄ᬲᬭᬦ᭄᭞ᬚᭀᬄᬲᬯᬢ᭄ᬤᬶᬳᬮᬲ᭄ᬕᬦ᭄ᬤ᭄ᬭᬶᬂ᭞ᬰᬵᬲ᭄ᬭᬩᬦᬸᬲᬩᬳᬶᬮᬂ᭞ᬕᬶᬦᬦ᭄ᬢ᭄ᬬᬦᬶᬂᬧᬚᬂᬰᬰᬶᬄ᭞ᬫᬾᬄᬦᬸᬗ᭄ᬓᬧ᭄ᬧ᭄ᬭᬶᬗ᭄ᬕᬵᬯᬶᬱ᭄ᬝᬶ᭞ᬫᬭᬃᬬ᭄ᬬᬦ᭄ᬚᬗ᭄ᬕᭂᬮ᭄ᬢᭀ
[᭖᭐ 60 A]
ᬤᬶᬢᬸ᭞ᬭᬤᬾᬦ᭄ᬯᬶᬭᬵᬭᬢ᭄ᬫᬚ᭞ᬓᬲᬾᬗᬦ᭄ᬲᬋᬂᬓᬓᬮᬶᬄ᭞ᬗᬧᬸᬗ᭄ᬓᬸᬭᬂ᭞ᬓᭀᬭᬢᬸᬫᬧᬕᬶᬂᬘᬶᬗᬓ᭄᭟ᬓ᭄ᬜᭂᬫ᭄ᬭᬭᬶᬲ᭄ᬫᬗᬦ᭄ᬤᬶᬓ᭞ᬩᬸᬓᬫᭂᬫ᭄ᬩᬄᬫᬥᬸᬕᭂᬡ᭄ᬥᬶᬲ᭄᭞ᬩ᭄ᬮᬶ
ᬗ᭄ᬕᬶᬄᬓᬾᬫᬢᬸᬢᬸᬭᬦ᭄᭞ᬳᬫ᭄ᬩᬸᬮ᭄ᬦᬧᬶᬚᭀᬄᬦᬕᬭᬶ᭞ᬫᬳᬢᬸᬃᬭᬤᬾᬦ᭄ᬓᬮᬶᬄ᭞ᬭᬢᬸᬫᬮᬶᬄᬓᬮᬶᬄᬤᬯᬸᬄ᭞ᬭᬯᬸᬄᬭᬶᬂᬰ᭄ᬭᬗ᭄ᬕᬧᬸᬭ᭞ᬓᬂᬗᬕᬾᬡ᭄ᬥᬫᬗ᭄ᬓᬶᬦᬸᬗ᭄ᬲᬶ
᭞ᬧᬶᬮᬶᬄᬲᬫ᭄ᬧᬸᬦ᭄᭞ᬳᬚᬶᬦ᭄ᬓᭀᬭᬢᬸᬳᬶᬭᬶᬓ᭟ᬦᬾᬫᬗ᭄ᬓᬶᬦ᭄ᬗᬶᬭᬶᬂᬫᬫᬃᬕ᭄ᬕ᭞ᬫᬸᬂᬧᬸᬂᬤᬯᬸᬄᬕᬮᬂᬰᬰᬶᬄ᭞ᬫᬗ᭄ᬭᬶᬬᬸᬓ᭄ᬫᬗᬩ᭄ᬤᬮᬦ᭄᭞ᬦ᭄ᬤᬢᬦ᭄ᬓᬯᬃᬡ᭄ᬦᬵᬤᬶᬫᬃᬕ᭄ᬕᬶᬫᬾᬄᬦᬸ
ᬗ᭄ᬓᬧ᭄ᬰ᭄ᬭᬗ᭄ᬕᬧᬸᬭᬶ᭞ᬗ᭄ᬮᬶᬦ᭄ᬢᬂᬚ᭄ᬩᬕ᭄ᬳᬰ᭄ᬭᬶᬮᬗᬸ᭞ᬤᬫᬭᬾᬩᬶᬮᬂᬤᬗ᭄ᬓᬵ᭞ᬫᬗᬧᬶᬢ᭄ᬮᬯᬗᬦ᭄ᬲᬫᬶ᭞ᬚᬫ᭄ᬩᬸᬃᬓᬸᬦᬶᬂ᭞ᬫᬭᬧ᭄ᬢᬗ᭄ᬕᬲᬃᬯ᭄ᬯᬩᬸᬗ᭄ᬕᬵ᭟ᬕᬮᬗᬾᬢᬦ᭄ᬧᬾᬦ᭄ᬤᬄᬍ
Kaca:Bali-lontar-gaguritan-ratmaja-300ppi.pdf/60
Kaca puniki sampun kauji-wacén
