[᭔᭙ 49 B]
᭔᭙
ᬳᬶᬫᬃᬬ᭄ᬬᬦ᭄ᬓᭂᬜᭂᬫ᭄ᬫᬫᬸᬜᬶ᭞ᬚᬮᬄᬓᬾᬓᬦᬓ᭄᭞ᬳᬕᬸᬗᬾᬧᬭᬦᬶᬦ᭄᭟ᬲᬸᬩᬧᬳᭂᬓ᭄ᬳᬶᬓᬤ᭄ᬕᬵᬘᬓ᭄ᬭᬳᬶᬲᬗ᭄ᬓᬵ᭞ᬳᬶᬤᬸᬧᬵᬫᬗ᭄ᬮᬶᬬᬢᬶᬦ᭄᭞ᬦᬓᭂᬄᬢ᭄ᬯᬄᬳᬸᬢᬸᬲ
ᬦ᭄᭞ᬦᬾᬧᬢ᭄ᬧᬢ᭄ᬫᭂᬧᭂᬲᬵᬗ᭄ᬕᬵ᭞ᬕ᭄ᬢᬃᬳᬢᬸᬭᬾᬳᬫᬦᬶᬲ᭄᭞ᬲ᭄ᬩᭂᬂᬦᬶᬃᬩᬬ᭞ᬢᬗ᭄ᬓᭂᬧᬾᬳᬚᬶᬓ᭄ᬢᬶ᭟ᬳᬶᬗ᭄ᬕᬶᬄᬭᬢᬸᬢᬶᬢ᭄ᬬᬂᬓᬤᬯᬸᬄᬦᬸᬦᬲᬂ᭞ᬳᬦ᭄ᬢᬸᬓ᭄ᬢᭂᬫ᭄ᬩᬾᬗ᭄ᬭᬯᬸᬳᬶᬦ᭄᭞
ᬦᬵᬕᬭᬫᬥᬸᬭ᭞ᬬᬦ᭄ᬦᬧᬶᬲ᭄ᬯᬓᬃᬬ᭄ᬬ᭞ᬳᬶᬓᬤ᭄ᬕᬵᬕ᭄ᬢᬃᬜᬳᬸᬢᬶᬦ᭄᭞ᬘᬭᬫᬦᬶᬫ᭄ᬩᬮ᭄᭞ᬧᬥᬫᬢ᭄ᬭᬸᬄᬕᭂᬡ᭄ᬥᬶᬲ᭄᭟ᬧᬫᭂᬲᭀᬦᬾᬕ᭄ᬢᬃᬳᬮᬸᬲ᭄ᬭᬸᬫ᭄ᬫᬃᬤ᭄ᬥᬯ᭞ᬢ᭄ᬬᬂᬓᬳᬸ
ᬢᬸᬲ᭄ᬦᬶᬓᬶ᭞ᬫᬗᬢᬸᬭᬂᬲᬸᬭᬢ᭄᭞ᬳᬦ᭄ᬢᬸᬓ᭄ᬳᬶᬤᬾᬯᬕᬸᬂᬧᬸᬢ᭄ᬭ᭞ᬓᬮᬶᬄᬓᬤᬯᬸᬳᬦ᭄ᬗᬶᬭᬶᬂ᭞ᬓᭀᬭᬢᬸᬮᬸᬗ᭄ᬳᬵ᭞ᬚᬕᬓᬰ᭄ᬭᬗ᭄ᬕᬵᬧᬸᬭᬶ᭟ᬳᬶᬲᬸᬫᬦ᭄ᬢ᭄ᬭᬶᬳᬶᬫᬃᬬ᭄ᬬᬦ᭄ᬫᬢᬸᬃᬜᭂ
[᭕᭐ 50 A]
ᬩᬾᬭᬂ᭞ᬦᬸᬦᬲ᭄ᬭᬢᬸᬫᬗ᭄ᬭᬭᬶᬲ᭄᭞ᬫᬗ᭄ᬓᬶᬦ᭄ᬓᬦᬵᬕᬭ᭞ᬳᬶᬫᬦ᭄ᬲᬸᬯᭀᬗ᭄ᬕᬵᬩᭂᬘᬢ᭄᭞ᬦ᭄ᬤᬯᬸᬳᬶᬦᬶᬯᭀᬂᬧᬲᬶᬲᬶ᭞ᬫᬗᬮᬶᬄᬧ᭄ᬭᬓ᭄ᬧᬓ᭄᭞ᬭᬾᬄᬧ᭄ᬢᭂᬂᬧᬸᬦ᭄ᬓᬸᬮ᭄ᬓᬮᬶᬄ᭟ᬫ
ᬕᬺᬤᭂᬕᬦ᭄ᬫᬗ᭄ᬭᬶᬬᬸᬓ᭄ᬫᬕᬗ᭄ᬲᬭᬦ᭄᭞ᬲᬓ᭄ᬱᬡᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬤᬶᬩᬢᬦ᭄ᬩᬜ᭄ᬘᬶᬗᬄ᭞ᬭᬚᬾᬂᬫᬥᬸᬭᬓᭀᬤᬮ᭄᭞ᬫᬓᬤᬶᬭᬓᬦ᭄ᬤᬓᬮᬶᬄ᭞ᬳᬢᬸᬥᬾᬅ᭄ᬳᭀᬓ
᭞ᬩᬋᬂᬳᬢᬸᬥᬾᬅ᭄ᬭᬳᬶ᭟ᬓᬤᬯᬸᬳᬦ᭄ᬫᬫᭂᬦ᭄ᬤᬓ᭄ᬩᬢᬦ᭄ᬩᬜ᭄ᬘᬶᬗᬄ᭞ᬫᬕᬾᬩ᭄ᬭᬲ᭄ᬢᭂᬥᬸᬦ᭄ᬕᭂᬮᬶᬲ᭄᭞ᬜᬕ᭄ᬚᬕ᭄ᬫᬦᬫ᭄ᬧᭂᬓᬂ᭞ᬧᬥᬫᬧᬧᬰ᭄ᬘᬶᬗᬓ᭄᭞ᬤᬤᬶᬓᬧ᭄ᬭᬡᬦ᭄ᬤᬶᬳᬢᬶ
᭞ᬳ?ᬳᬢᬸᬥᬾᬅ᭄ᬳᭀᬓ᭞ᬓ᭄ᬜᭂᬫ᭄ᬫᬜᬧᬳᬭᬶᬲ᭄᭟ᬧᬥᬗᭂᬳᭂᬤ᭄ᬢᬸᬥᬾᬅ᭄ᬭᬳᬶᬫᬜᭂᬩᬾᬭᬂ᭞ᬦᬸᬦᬲ᭄ᬫᬸᬗ᭄ᬕᬳᬦ᭄ᬫᬗ᭄ᬭᬭᬶᬲ᭄᭞ᬜ᭄ᬫᬓ᭄ᬮᬳᬸᬢ᭄ᬦᬦ᭄ᬤᬦ᭄᭞ᬧᬦ᭄ᬳᬤᬧᬯᬶᬮ
Kaca:Bali-lontar-gaguritan-ratmaja-300ppi.pdf/50
Kaca puniki sampun kauji-wacén
