Kaca puniki sampun kauji-wacén
[ ᭖᭕ 65B]
ᬋᬂᬓᬮᬶᬄ᭞ᬬᬤ᭄ᬬᬲ᭄ᬢᬸᬦ᭄ᬢᬶᬩᬾᬂᬗᬯᬾᬘᬶ᭞ᬜᬥ᭄ᬬᬢᬶᬢ᭄ᬬᬂᬯᬦ᭄ᬢᬄᬦᬸᬢᬸᬕ᭄᭞ᬬᬦ᭄ᬯ᭄ᬬᬓ᭄ᬢᬶᬩ᭄ᬮᬶᬲᬾᬥ᭞ᬓᬋᬫ᭄ᬢ᭄ᬗᬳᬶᬂᬚᬮᬥᬶ᭞ᬤᬶᬕ᭄ᬮᬶᬲ᭄ᬩ
ᬜ᭄ᬘᬸᬢ᭄᭞ᬳᬸᬭᬶᬧ᭄ᬢᬶᬢ᭄ᬬᬂᬓᬲᬗ᭄ᬰᬭᬦ᭄᭟ᬓᬗᭂᬦ᭄ᬲᬂᬧ᭄ᬭᬪᬸᬫᬶᬳᬃᬱ᭞ᬧᬦᬸᬮᬫᬾᬦ᭄ᬭᬭᬚᭀᬦ᭄ᬢᬶ᭞ᬫᬘ᭄ᬩᬸᬃᬢ᭄ᬥᬸᬦ᭄ᬓᭂᬲᭂᬓᬂ᭞ᬲᬳᬫᬯᬘᬡᬵᬫᬦᬶ
ᬲ᭄᭞ᬤᭀᬂᬗᬸᬤᬜᬳᬶᬩ᭄ᬮᬶᬂ᭞ᬫᬫᭂᬲᬦ᭄ᬦᬕᬶᬄᬗ᭄ᬮᬮᬸ᭞ᬢ᭄ᬯᬭᬕᬶᬤᭂᬧᬂᬭᬯᭀᬲ᭄᭞ᬫᭂᬡ᭄ᬥᭂᬧ᭄ᬢ᭄ᬯᬭᬜᬦ᭄ᬤᬂᬲ᭄ᬤᬶᬄ᭞ᬳᬧᬂᬮᬶᬧᬸᬃ᭞ᬚᬮᬦ᭄ᬫᬓᬾᬦ᭄ᬢᭀ
ᬓᬾᬦ᭄ᬢᭀᬯᬦ᭄᭟ᬲᬺᬗᭂᬦ᭄ᬭᬭᬚᭀᬦ᭄ᬢᬶᬦᬶᬫ᭄ᬩᬮ᭄᭞ᬲ᭄ᬩᭂᬂᬗᭂᬃᬗᭂᬃᬫ᭄ᬘᬸᬓᬮᬶᬲ᭄᭞ᬤᭀᬂᬗᬸᬤᬩᬲ᭄ᬮᬶᬦ᭄ᬢᬂᬮᬗ᭄ᬲᭀᬢ᭄᭞ᬯᬘᬦᬦᬾᬢᬦ᭄ᬧᬰ᭄ᬭᬸ
[ ᭖᭖ 66A]
ᬢᬶ᭞ᬲᬓᬤᬶᬢᬦ᭄ᬧᬓᬶᬃᬢ᭄ᬢᬶ᭞ᬘᭀᬓᭀᬃᬳᬶᬤᬾᬯᬲᬮᬶᬲᬸᬄ᭞ᬗᬃᬱᬬᬂᬤᬾᬯᬾᬓ᭄ᬢᬶᬢ᭄ᬬᬂ᭞ᬫᬗ᭄ᬤᬫᬫᬜ᭄ᬚᬓ᭄ᬭᬶᬂᬧᬸᬭᬶ᭞ᬢᬦᬶᬧᬢᬸᬢ᭄᭞ᬢᬶ
ᬢ᭄ᬬᬂᬲᬫ᭄ᬧᬸᬦ᭄ᬫᬤ᭄ᬯᬾᬲᭀᬫᬄ᭟ᬧ᭄ᬭᬲᬶᬤ᭄ᬥᬲᬫ᭄ᬧᬸᬦ᭄ᬮᬭᬗᬦ᭄᭞ᬲᬓᬤᬶᬲ᭄ᬓᬃᬳᬸᬧᬫᬶ᭞ᬢᬦ᭄ᬲᬦ᭄ᬤᬂᬫᬮᬶᬄᬩᭀᬩᭀᬢᬂ᭞ᬭᬾᬄᬢᬦ᭄ᬓᬦ᭄ᬢᬸᬦ᭄ᬫᬫ᭄ᬩᬸᬯ
ᬗᬶ᭞ᬓᬾᬘᬮᬦ᭄ᬫᬥᬸᬕᭂᬡ᭄ᬥᬶᬲ᭄᭞ᬢᬦ᭄ᬧᬲᬭᬶᬫᬬᬂᬮᬬᬸ᭞ᬢᬶᬢ᭄ᬬᬂᬫᬤᬾᬯᬾᬓ᭄ᬭᭀᬫᭀᬦ᭄᭞ᬢᬦ᭄ᬬᭀᬕ᭄ᬬᬳᬾᬫᬦ᭄ᬭᬶᬂᬧᬸᬭᬶ᭞ᬓ᭄ᬦᬶᬲᭂᬫᬸᬂ᭞
ᬩᬸᬓ᭄ᬧᬤᬦ᭄ᬘᭀᬓᭀᬃᬳᬶᬤᬾᬯ᭟ᬩᭀᬬᬜᬦ᭄ᬤᬂᬭᬢᬸᬢᬶᬢ᭄ᬬᬂ᭞ᬧᬶᬓ᭄ᬥᭂᬳᬂᬤᬤᭀᬲ᭄ᬭᬩᬶ᭞ᬤᬸᬄᬲ᭄ᬯᬾᬘᬘᭀᬓᭀᬃᬳᬤᬾᬯ᭞ᬗ
