[ ᭕᭗ 57B]
᭕᭗᭞
ᬕᬶᬫᬲᬲᬗᬶ᭞ᬬᬦ᭄ᬯᬦ᭄ᬢᬄᬮᬱ᭄ᬬᬭᬳᬬᬸ᭞ᬗᬤ᭄ᬬᬦᬶᬦ᭄ᬫᬲ᭄ᬮᬫᭂᬢᬦ᭄᭞ᬦᬫ᭄ᬧᬄᬓᬫ᭄ᬩᬶᬂᬯᬾᬦ᭄ᬢᭂᬦ᭄ᬫᬫ᭄ᬕᭂᬂᬢᬧᭂᬓᬸᬃ᭞ᬗᬸᬘᬧᬂᬅᬮ᭄ᬮᬳᬸᬅᬓ᭄ᬩᬃ᭞ᬯᬾᬦ᭄ᬢᭂ
ᬦᬾᬲᬶᬕ᭄ᬲᬶᬕᬦ᭄ᬗᭂᬮᬶᬂ᭟ᬧᬚᬦ᭄ᬢᭀᬲᬦ᭄ᬫᬗ᭄ᬕᬸᬄᬲᬤ᭄ᬬ᭞ᬓᬤᬶᬲᭀᬕᭀᬓ᭄ᬚᬗ᭄ᬕᭀᬮᬦᬾᬓᬧᬶᬗ᭄ᬕᬶᬃ᭞ᬲᬓᬾᬂᬳᬭᬸᬗᬦᬾᬳᬜᬸᬤ᭄᭞ᬢᬸᬫᬶ
ᬩᬭᬶᬂᬮᬾᬫ᭄ᬩᭀᬗᬦ᭄᭞ᬮᬱ᭄ᬬᬦᬫ᭄ᬧᬶᬄ᭞ᬕᬾᬲᭀᬲᬋᬂᬲᬫᬶᬢ᭄ᬥᬸᬦ᭄᭞ᬲᬳᬫᭀᬡ᭄ᬥᭀᬂᬩᬩᬦ᭄ᬤᬭᬦ᭄᭞ᬭᬶᬂᬩ᭄ᬬᬲᬾᬜᬮᬾᬫ᭄ᬧᭀᬄᬗᬶᬮ᭄ᬕᬶ
ᬮ᭄᭟ᬤ᭄ᬓᬲ᭄ᬤᭂᬓᭂᬲ᭄ᬫᬧᬗᭂᬦᬦ᭄᭞ᬤᬲ᭄ᬲᬗ᭄ᬓᬮᬵᬳᬸᬬᬓ᭄ᬳᭀᬫ᭄ᬩᬓ᭄ᬦᬶᬤᬶᬧᬲᬶᬄ᭞ᬬᬾᬦ᭄ᬧᬬᬸᬫᬢᬶᬓᬍᬩᬸ᭞ᬤᬤᬶᬩᬭᬾᬦ᭄ᬩᬾᬓᬓ᭄ᬬᬵ᭞ᬓ᭄ᬫᬓ᭄ᬓᭂ
[ ᭕᭘ 58A]
ᬫᬶᬓ᭄᭞ᬤᬸᬫᬤᬓ᭄ᬦᬸᬢᬸᬕᬂᬢᬸᬯᬸᬄ᭞ᬚᬗ᭄ᬕᭀᬮᬦᬾᬪᭂᬓ᭄ᬤᭂᬓ᭄ᬗᭂᬜᬸᬄ᭞ᬢᬦ᭄ᬓᬾᬗᬶᬦ᭄ᬮᬬᬭᬂᬫᬮᬶᬄ᭟ᬳᬶᬭᬶᬓᬵᬤᬸᬭᬸᬲ᭄ᬫᬭᬵᬃᬬ᭄ᬬᬦ᭄᭞ᬭᬶᬂᬮᬾᬫ᭄ᬩᭀᬗ
ᬦ᭄᭞ᬫᬩᭂᬜ᭄ᬚᬄᬭᬶᬂᬧᬲᬶᬲᬶ᭞ᬲᬫ᭄ᬩᬶᬮᬂᬦᭂᬕ᭄ᬢᭂᬕᬂᬩᬬᬸ᭞ᬢᬦ᭄ᬫᬭᬶᬓᭂᬲ᭄ᬬᬩ᭄ᬓᭂᬲ᭄ᬬᬩ᭄᭞ᬗ᭄ᬩᬸᬲ᭄ᬤᬶᬗᬶᬦ᭄ᬫᬗᭂᬦᬂᬲᭀᬫᬄᬤᬲ᭄ᬩᬮᬸ᭞ᬬᬦ᭄ᬤᬸᬭᬸᬲ᭄ᬧᬥᭂᬫᬶᬭᬶᬓ
᭞ᬧᬭᬗᬦ᭄ᬩᬓᬢ᭄ᬚᬗ᭄ᬓᬸᬢᬶᬦ᭄᭟ᬓᬩ᭄ᬮᬢ᭄ᬯᭂᬗᬶᬗᬶᬮ᭄ᬕᬶᬮᬂ᭞ᬩ᭄ᬮᬸᬲ᭄ᬮᬾᬧᬾᬕ᭄᭞ᬲᬩᭂᬳᬾᬗᭂᬘᬾᬮ᭄ᬓᬭᬶ᭞ᬓᬤᬾᬰᬗᬺᬋᬄᬧᬤᬸᬦᬸᬂ᭞ᬫᬗ᭄ᬤᬲᬫ᭄ᬧᬸᬦ᭄ᬤ
ᬬᬸᬳᬦ᭄᭞ᬭᬶᬂᬧᬲᬶᬲᬶ᭞ᬜᬦ᭄ᬢᭀᬲᬂᬢᭀᬬᬦᬾᬢ᭄ᬥᬸᬄ᭞ᬲᬕᬭᬦᬾᬓᬦ᭄ᬢᬸᬦᭀᬘᬓ᭄᭞ᬭᬱᬗᬦ᭄ᬤᭂᬕ᭄ᬲᬂᬫᬯᬮᬶ᭟ᬭᬾᬄᬮᬫᬶᬧᬘᬂᬳᬶ
Kaca:Bali-lontar-gaguritan-rarajonti-350ppi.pdf/58
Kaca puniki sampun kauji-wacén
