[ ᭔᭑ 41B]
᭔᭑᭞᭟ᬳᬾᬮᬳᬦ᭄ᬗᬸᬋᬦ᭄ᬭᬶᬂᬚᬦ᭞ᬗᬬᬳᬶᬦ᭄ᬲᭀᬫᬄᬳᬲᬶᬓᬶ᭞ᬬᬦ᭄ᬭᬩᬶᬦ᭄ᬭᬶᬂᬳᬶᬤᬲᬂᬦᬵᬣ᭞ᬤᭀᬬᬦ᭄ᬓᬢᬄᬫᬤ᭄ᬯᬾᬫᬥᬸ᭞ᬯᬮᬸᬬᬗᬭᬗᬶᬦ᭄ᬢᬸᬮᬂ
ᬢᬦ᭄ᬧᬳᬶᬲᬶᬤᬸᬭᬸᬲ᭄ᬫᬲᭀᬕ᭄ᬲᬕ᭄ᬫᬸᬚᬮ᭄ᬚᬮ᭄᭟ᬩᭀᬬᬯᬾᬦ᭄ᬢᭂᬦᬾᬍᬕᬬᬂ᭞ᬬᬦ᭄ᬳᬤᭀᬲ᭄ᬭᬩᬶᬭᬶᬂᬧᬸᬭᬶ᭞ᬧᬸᬦᬧᬶᬫᬮᬶᬄᬲᬂᬓᬢᭀᬂ᭞ᬓᬤᬶᬭᬸᬗ᭄ᬲᭂ
ᬗᬶᬫᬸᬃᬳᬶᬫᬸ᭞ᬲᬩ᭄ᬭᬦ᭄ᬫᬫᬦ᭄ᬢᬶᬕᬂᬘᬗ᭄ᬓ᭄ᬮᭀᬂ᭞ᬲ᭄ᬥᭂᬓ᭄ᬗᬫ᭄ᬧ᭄ᬮᬶᬓ᭄᭞ᬬᬦ᭄ᬓᬲᬾᬧ᭄ᬗᬶᬮᬶᬢ᭄ᬮᬗ᭄ᬲᬶᬗᬦ᭄᭟ᬲᬂᬧ᭄ᬭᬪᬸᬯᬮᬸᬬᬳᬾᬤᬦ᭄᭞ᬬᬦᬾᬮᬶᬂᬭᬶᬂᬭᬭᬚᭀᬦ᭄ᬢᬶ᭞
ᬭᬶᬦᬱᬭᬯᬸᬄᬫᬓ᭄ᬮᬧ᭄᭞ᬘᭀᬓᭀᬭᬾᬤᭂᬗ᭄ᬓᬸᬮᬂᬳᬸᬭᬸᬢ᭄᭞ᬧᬶᬦ᭄ᬤᬬᬂᬳᬶᬤᬲᬂᬤ᭄ᬬᬄ᭞ᬭᬯᬸᬄᬦᬗ᭄ᬓᬶᬮ᭄᭞ᬗᭀᬤᬓᬶᬦ᭄ᬘᭀᬓᭀᬭᬾᬓ᭄ᬜᬢ᭄
[ ᭔᭒ 42A]
᭟ᬓᬤᬶᬧᬜ᭄ᬚᬂᬬᬦ᭄ᬢᬸᬢᬸᬭᬂ᭞ᬓᬧᬶᬮᬸᬕ᭄ᬓᬬᬸᬦ᭄ᬰ᭄ᬭᬶᬳᬚᬶ᭞ᬲᬩ᭄ᬭᬦ᭄ᬤᬶᬦᬦᬦᭂᬂᬩᭂᬗᭀᬂ᭞ᬳᭀᬲᬄᬢᬦ᭄ᬳᭂᬦᭂᬓ᭄ᬫᬮᬸᬗ᭄ᬕᬸᬄ᭞ᬓᬾᬦ᭄ᬓᬾᬦᬦ᭄ᬢᬸᬓ᭄ᬗᬶᬦ᭄ᬤ᭄ᬭᬚ
ᬮ᭞ᬗᬸᬮᬶᬄᬗᬸᬮᬶᬄ᭞ᬲᬦ᭄ᬤᬶᬦᬶᬂᬦᬬᬳᬸᬧᬬ᭟ᬭᬭᬶᬲ᭄ᬗᭂᬲᬾᬗᬶᬦ᭄ᬧᬋᬓᬦ᭄᭞ᬳᬶᬄᬜᬾᬦ᭄ᬤᬶᬢᬸᬘ᭄ᬭᬶᬓ᭄ᬘ᭄ᬭᬶᬓ᭄᭞ᬓ᭄ᬫᭀᬳᬾᬗ᭄ᬕᬮᬂᬓᬧ᭄ᬭᬬ᭞ᬫᬚᬭᬦᬦᬶ
ᬭᬗᬸᬢᬸᬲ᭄᭞ᬗᬮᬶᬄᬬᬤᬶᬧᬢᬶᬂᬮᬕ᭞ᬢᬸᬦ᭄ᬤᬾᬦ᭄ᬫᬳᬶ᭞ᬳᬧᬂᬦᬗ᭄ᬓᬶᬮ᭄ᬢ᭄ᬓᬾᬦᬶᬭ᭟ᬢ᭄ᬓᭂᬤᬂᬧᬩᭂᬲᭂᬦᬶᬭ᭞ᬳᬯᬦᬦᬶᬭᬗᭂᬲᬾᬗᬶᬦ᭄᭞ᬭᬾᬄᬳᬤᬩ᭄ᬯ
ᬢ᭄ᬭᬯᭀᬲᬂ᭞ᬗᬧᬾᬦᬶᬦ᭄ᬕᬸᬫᬶᬦᬾᬭᬳᬬᬸ᭞ᬳᬧᬂᬮᬗ᭄ᬕᭂᬂᬮᬶᬗ᭄ᬕᬄᬳᬶᬭ᭞ᬤᬶᬧᭀᬚᭂᬕ᭄ᬕᬶ᭞ᬲᬗ᭄ᬓᬦ᭄ᬲᬶᬂᬤᬤᬶᬲᬗ᭄ᬓᬬᬦ᭄᭞ᬲᬂᬓᬳᬸᬢᬸᬲ᭄ᬲᬳᬲᭂᬫ᭄ᬩᬄ
