[᭑᭔ 14B]
᭓
ᬧᬥᬳᬶᬗ᭄ᬕᬲ᭄᭞ᬬᬩ᭄ᬯᬶᬦ᭄ᬫᬮᬶᬧᭂᬢᬦ᭄ᬫᬸᬮᬶᬄ᭞ᬲᬫᬶᬗᭂᬫ᭄ᬧᬸ᭞ᬳᬯᬓ᭄ᬘᬳᬶᬦᬾᬲᬢᬢ᭟᭑᭐᭟ᬓᬾᬢᭀᬳᬸᬢᬗᬾᬢ᭄ᬓᬾᬦ᭄ᬜᬫ᭞ᬓ᭄ᬭᬡᬢ᭄ᬯᬭᬤᬤᬶᬳᭂᬗ᭄ᬲ
ᬧᬶᬦ᭄᭞ᬲᬳᬶᬩᬳᬂᬪᬹᬓ᭄ᬢᬶᬫᬺᬢ᭞ᬲᬧᬭᬦᬾᬬᬫᬗ᭄ᬫᬶᬢ᭞ᬬᬦ᭄ᬩᬜᬢ᭄ᬯᬭᬳᬸᬦᬶᬂ᭞ᬳᭂᬗ᭄ᬲᬧ᭄ᬢᭂᬓᬾᬦ᭄ᬜᬫᬗᭂᬫ᭄ᬧᬸ᭞ᬬᬤᬤᬶᬫᬗ᭄ᬭᬸᬪᬾᬤ᭞ᬗ᭄ᬕᬯᬾᬦᬂ
ᬮᬓ᭄ᬱᬡᬩᬘᬶᬦ᭄᭞ᬓᬲᬮᬶᬫᬸᬃ᭞ᬜᬓᬶᬢᬶᬦ᭄ᬜᬤᬗᬂᬓᬯᬄ᭟᭑᭑᭟ᬩᬶᬦ᭄ᬤᭂᬂᬤᬶᬲᬸᬩᬦ᭄ᬜᬧ᭄ᬭᬕᬢ᭄᭞ᬫᬾᬫᬾᬩᬧᬫᬢᬶᬦᬶᬗᬶᬦ᭄᭞ᬳᬲᬶᬄᬲᬳᬧ᭄ᬭ
ᬓᬵᬭᬦ᭄ᬬ᭞ᬓᬶᬢᬕᬶᬦᬦ᭄ᬬᬢᬦ᭄ᬫᬭᬶ᭞ᬫᬕᬤᬂᬤᬶᬦᬭᬢ᭄ᬭᬶ᭞ᬤᬳᬢ᭄ᬲᬗ᭄ᬰᬭᬲᬗᬶᬩᬸ᭞ᬫᬫ᭄ᬭᬢᬶᬦ᭄ᬳᬶᬧ᭄ᬬᬦᬓ᭄᭞ᬓ᭄ᬦᭂᬄᬜᬦᬾᬫ᭄ᬭᬶᬄᬳᬸᬭᬶᬧ᭄᭞ᬭᬸᬲᬓ᭄
[᭑᭕ 15A]
ᬓᬸᬲᬸᬢ᭄᭞ᬕ᭄ᬮᬵᬦᬫᬗ᭄ᬤᬾᬩᬸᬢᬢᬸᬯᬲ᭄᭟᭑᭒᭟ᬢᬦ᭄ᬫᬭᬶᬲᬗ᭄ᬲ᭠ᬬᬫᬦᬄ᭞ᬗ᭄ᬫᬶᬢ᭄ᬦᬗᬭᬶᬦ᭄ᬧᬘᬤᬶ᭞ᬤᬾᬦᬶᬂᬳᬲᬶᬄᬦ᭄ᬬᬧᬸᬢ᭄ᬭ᭞ᬫᬫᬺᬢᬦᬾ
ᬲᬸᬲ᭄ᬯᬫᬦ᭄ᬤᬶ᭞ᬤᬶᬃᬕ᭄ᬕᬳᬬᬸᬰᬦ᭄ᬢᬓᬳᬾᬱ᭄ᬝᬶ᭞ᬍᬯᭂᬲ᭄ᬓᬲᬃᬤᬾᬦ᭄ᬬᬗᬶᬗᬸ᭞ᬓᬾᬢᭀᬳᬸᬢᬗᬾᬳᬶᬧ᭄ᬬᬦᬓ᭄᭞ᬢ᭄ᬓᬾᬦ᭄ᬳᬶᬩᬧᬳᬶᬩᬶᬩᬶ᭞ᬢᬸᬃᬬᬲᬵᬫ᭄ᬧᬸ
ᬦ᭄᭞ᬓᬲᬓ᭄ᬱᬾᬦᬦ᭄ᬲᬹᬃᬬ᭄ᬬᬘᬦ᭄ᬤ᭄ᬭ᭟᭑᭓᭟ᬬᬦ᭄ᬩᬜᬢᬦ᭄ᬤ᭄ᬭᬸᬄᬫᬳᬸᬢᬂ᭞ᬢ᭄ᬓᬾᬦᬶᬂᬬᬬᬄᬩᬶᬩᬶ᭞ᬫᬶᬚᬶᬮ᭄ᬢᬂᬫᬸᬲᬸᬄᬭᬶᬂᬳᬯᬓ᭄᭞ᬦᭂᬫ᭄ᬦᭂᬫ᭄ᬮ᭄ᬬᬸ
ᬦ᭄ᬜᬫᬾᬤᬦᬶᬦ᭄᭞ᬲᬦᬓ᭄ᬭᬶᬂᬭᬕᬲᬫᬶ᭞ᬲᬜ᭄ᬚᬗ᭄ᬕᬲᬓ᭄ᬲᬧᬸᬦᬶᬓᬸ᭞ᬪᬝᬭᬤᬶᬤᬾᬯᬦ᭄ᬬ᭞ᬫᬸᬗ᭄ᬕ᭄ᬯᬶᬂᬰᬭᬷᬭᬓᬓᬶ᭞ᬭᬶᬲ᭄ᬟᭂᬂᬫᬸ᭞ᬦᬗ᭄ᬓᬩ᭄ᬬᬵᬫ᭄ᬩᭂᬓ᭄
Kaca:Bali-lontar-gaguritan-rama-rena-01-02-350ppi.pdf/15
Kaca puniki sampun kauji-wacén
