[᭑᭗17B]
᭑᭗
ᬬ᭄᭟ᬲᬂᬮᬶᬦᬶᬗᬦ᭄ᬳᬸᬫᬢᬸᬭᬶᬂᬳᬸᬢᬸᬲᬦ᭄᭞ᬳᬶᬗ᭄ᬲᬸᬦ᭄ᬢᬦ᭄ᬯ᭄ᬭᬸᬳᬶᬓᬶ᭞ᬫᬦᬶᬭᬮᬸᬫᬫ᭄ᬧᬄ᭞ᬳᬧ᭄ᬢᬶᬗᬸᬮᬢᬶᬩᬧ᭞ᬳᬗᬦ᭄ᬤᭂᬕ᭄ᬦᬸᬮ᭄ᬬᬦᬓᭀᬦᬶᬦ᭄᭞
ᬗᬚᬓ᭄ᬲᬗ᭄ᬕᬫ᭞ᬫᬦᬶᬭᬦ᭄ᬤᬢᬦ᭄ᬳᬧ᭄ᬢᬶ᭟ᬦᬸᬮ᭄ᬬᬢᬶᬦᬸᬢ᭄ᬮᬫ᭄ᬧᬳᬾᬢ᭄ᬗᬳᬶᬂᬳᬮᬲ᭄᭞ᬓᬗᬸᬢᬸᬲᬦ᭄ᬦᬯᬸᬭᬶᬦ᭄᭞ᬓᬮᬶᬗᬦᬾᬚᬕᬢ᭄
᭞ᬳᬶᬲ᭄ᬢ᭄ᬭᬶᬳᬶᬓᬶᬓᬋᬧ᭄ᬦ᭄ᬬ᭞ᬳᬸᬮᬗᬸᬦ᭄ᬭᬶᬂᬯᭀᬗᬧ᭄ᬓᬶᬓ᭄᭞ᬳᬚᬵᬫᬗ᭄ᬓᬦ᭞ᬧᬧᬋᬂᬫᬗ᭄ᬓᬾᬫᬸᬮᬶᬄ᭟ᬲᬫᬗ᭄ᬓᬦᬳᬸᬚᬭᬾᬓᬮᬶᬄᬳᬤ᭄ᬯᬦ᭄᭞ᬓᬶ
ᬤᬸᬃᬫ᭄ᬫᬗ᭄ᬭᬱᬾᬂᬳᬢᬶ᭞ᬢᬺᬱ᭄ᬡᬵᬦᬾᬭᬶᬂᬩᬧ᭞ᬤᬸᬭᬸᬂᬓᬢ᭄ᬫᬸᬭᬶᬂᬳᬮᬲ᭄᭞ᬤᬾᬦᬶᬂᬪᬓ᭄ᬢᬶᬦᬾᬫᬕᬸᬲ᭄ᬢᬶ᭞ᬢᬦ᭄ᬯᭂᬦᬂᬧᬶᬯᬮ᭄᭞ᬯᭀᬂᬳᬶᬲ᭄ᬢ᭄ᬭᬶᬫᬸᬯᬸᬲ᭄ᬳᬭᬶᬲ᭄
[᭑᭘18A]
᭟ᬓᬓᬶᬧᬭᬦ᭄ᬧᭀᬮᬄᬫᬦᬶᬭᬢᬶᬦᬶᬗ᭄ᬕᬮ᭄᭞ᬳᬧᬦ᭄ᬫᬦᬶᬭᬳᬧ᭄ᬢᬶ᭞ᬫᬢ᭄ᬫᬸᬭᬶᬲᬶᬭ᭞ᬲᬤ᭄ᬬᬦᬾᬦᭀᬭᬓᬲᬤ᭄ᬬᬦ᭄᭞ᬲᬂᬦᬵᬣᬳᬧ᭄ᬢᬶᬳᬮᬦᬶ
᭞ᬫᬢᬶᬮᬃᬲᬶᬭ᭞ᬫᬗ᭄ᬓᬾᬳᬧ᭄ᬢ᭄ᬬᬫᬸᬮᬶᬄ᭟ᬤᬤ᭄ᬬᬵᬓᬗᭂᬦ᭄ᬫᬗ᭄ᬓᬾᬫᬦᬶᬭᬢᬶᬦᬶᬗ᭄ᬕᬮ᭄᭞ᬲᬶᬭᬢᬦ᭄ᬲᬄᬳᬶᬗᬶᬱ᭄ᬝᬶ᭞ᬳᬧ᭄ᬢᬶᬦ᭄ᬬᬧ᭄ᬯᬲᬶᬭ᭞ᬲ᭄ᬭᬗᭂᬦ᭄ᬫᬗ᭄ᬓᬾᬳᬸᬢᬸ
ᬲᬦ᭄᭞ᬫᬮᬄᬳᬶᬓᬶᬳᬶᬲ᭄ᬢ᭄ᬭᬶᬚᬮᬶᬃ᭞ᬳᬓᬾᬳᬦ᭄ᬳᬸᬚᬃ᭞ᬤᬾᬦᬳᬾᬓᬓᬶᬫᬸᬮᬶᬄ᭟ᬬᬾᬦ᭄ᬯᬸᬲ᭄ᬥᬢᭂᬂᬲᬶᬭᬫᬗ᭄ᬓᬾᬭᬶᬂᬦᬕᬭ᭞ᬫᬢᬸᬃᬰ᭄ᬭᬶᬪᬸᬧᬢᬶ᭞
ᬳᬫᬶᬦ᭄ᬚᬳᬸᬢᬸᬲᬦ᭄᭞ᬳᬗᬸᬮᬢᬶᬭᬫᬦᬶᬭ᭞ᬳᬸᬗ᭄ᬕ᭄ᬯᬦ᭄ᬬᬭᬶᬂᬯᬦᬕᬶᬭᬶ᭞ᬦᬸᬮ᭄ᬬᬮᬸᬫᬫ᭄ᬧᬄ᭞ᬓᬶᬤᬹᬃᬫ᭄ᬫᬯᬸᬲ᭄ᬓᬶᬦᬦ᭄ᬢᬶ᭟ᬯᭀᬂᬳᬶᬲ᭄ᬢ᭄ᬭᬶᬳᬬᬸᬯᬸᬲ᭄ᬳᬲᬮᬶ
Kaca:Bali-lontar-gaguritan-rajapala-350ppi.pdf/18
Kaca puniki sampun kauji-wacén
