[ ᭙᭕ 95B]
᭙᭕᭞
ᬫᬢᬸᬫ᭄ᬩᬲᬦ᭄᭟᭐᭟᭑᭕᭟ᬬᬾᬦᬶᬂᬫᬗ᭄ᬕᬸᬄ᭞ᬳᬸᬜᭂᬗᬦ᭄ᬓᬸᬘᬶᬂᬳᬶᬧᬸᬗ᭄ᬕᬸᬂ᭞ᬬᬤᬶᬦ᭄ᬦᬭᬶᬂᬢᭂᬦ᭄ᬤᬲ᭄᭞ᬦᬭᬶᬂᬥᬥᬢᬍᬃᬩᭂᬘᬶᬓ᭄᭞ᬧᬶᬦᬶᬄᬮᬸᬯᬸᬂ᭞ᬗᬯᬶᬦᬂᬲᬸᬕᬶᬄᬲᬦᬾᬗᭂᬮᬄ᭟᭐᭟᭑᭕᭟
ᬫᬮᬶᬄᬳᬶᬧᬸᬦ᭄᭞ᬫᬓᬘᬶᬭᬶᬓᬸᬘᬶᬂᬢᬶᬤᬸᬃ᭞ᬤ᭄ᬬᬲ᭄ᬢᬸᬦᬭᬶᬂᬩᬦ᭄ᬢᬮ᭄᭞ᬧᬶᬗᬗ᭄ᬕᬾᬤᭂᬲ᭄ᬢᬃᬮᬦᬶᬸᬦ᭄ᬢᭀᬧᬶ᭞ᬮᬶᬦ᭄ᬢᬂᬮᬸᬯᬸᬂ᭞ᬓᬮᬸᬕ᭄ᬭᬳᬦ᭄ᬯᬶᬥᬶᬯᬰ᭟᭐᭟᭑᭖᭟ᬧᬸᬓᬸᬮ᭄ᬓᬸᬢᬸᬲ᭄᭞ᬧᬸᬧᬸᬢ᭄ᬗᬚᭂᬂᬲᬶ᭠
ᬋᬧ᭄ᬲᬫ᭄ᬧᬸᬦ᭄᭞ᬩᬾᬜ᭄ᬚᬂᬢᬢᬲ᭄ᬕᬮᬂ᭟ᬫᬧᬧᬶᬓᬢ᭄ᬤᬦᬾᬫᬮᬶᬄ᭞ᬤᬳᬢ᭄ᬳᬸᬦ᭄ᬢᬸᬂ᭞ᬲᭀᬭᬾᬲᬵᬫᬵᬧᬸᬦ᭄ᬤᬦᬾᬩᬸᬤᬮ᭄᭟᭐᭟᭑᭗᭟ᬓᬩᬮᬶᬗᬸᬄᬲᬦᬾᬮᬦᬂᬮᬮᬶᬗᬶᬢᬸᬂᬄᬶᬸ᭞
ᬤᬶᬦᬧᬗᬦ᭄ᬢᬾᬦᬾ᭞ᬯᬬᬦ᭄ᬧᬸᬬᬸᬫᬗᬢᬸᬭᬶᬦ᭄᭞ᬲᬯᬸᬄᬕᬸᬬᬸ᭞ᬳᬤᭀᬄᬳᬦ᭄ᬢᬸᬓ᭄ᬜᬲᬶᬫ᭄ᬩᬶᬗᬦ᭄᭟᭐᭟᭑᭘᭟ᬤᬤᬶᬤᬶᬢᬸ᭞ᬕᬸᬫᬶᬦᬾᬕᬦ᭄ᬢᬶᬫᬧᬮᬸ᭞ᬗᬸᬤᬓᭀᬦ᭄ᬤᬾᬦ᭄ᬢ
[ ᭙᭖ 96A]
ᬗ᭄ᬕᬮ᭄᭞ᬓᭂᬧᬗᬦ᭄ᬧᬢᬸᬢᬾᬫᬗ᭄ᬓᬶᬦ᭄᭞ᬮᬶᬦ᭄ᬤᬸᬳᬕᬸᬂ᭞ᬓᭂᬘᬕ᭄ᬮᬳᬶᬢ᭄ᬗᭂᬮᬸᬗᬂᬮᬶᬓᬄ᭟᭐᭟᭑᭙᭟ᬲᭂᬫᬸᬕᬸᬬᬸ᭞ᬲᬦᬾᬮᬦᬂᬗᬶᬤᬶᬄᬢᬸᬢᬸᬃ᭞ᬳᭂᬤᬚ᭄ᬯᬫᬩ᭄ᬮᬤ᭄ᬩᬤ᭄᭞ᬬᬰᬬᬂᬩᭂᬮᬶᬗᬮᬶᬄ᭠
ᬓᭂᬤᬶᬲ᭄᭞ᬳᬧᬂᬫᬗ᭄ᬕᬸᬄ᭞ᬓᭂᬤᬶᬲ᭄ᬧᬸᬢᬶᬄᬫᬲ᭄ᬯᬭᬫᭂᬮᬄ᭟᭐᭟᭒᭐᭟ᬲᬶᬋᬧ᭄ᬫᬸᬯᬸᬲ᭄᭞ᬲᬦᬾᬗᬶᬧᬶᬦᭂᬫᬸᬳᬸᬮᬗᬸᬦ᭄᭞ᬲᬫ᭄ᬩᬶᬮᬂᬫᬧᬶᬓᬢ᭄᭞ᬳᬜᬸᬤᬂᬩ᭄ᬮᬩᬃᬕᭂᬢᬶᬄ᭞ᬭᬭᬶᬲ᭄ᬩᬗᬸᬦ᭄᭞ᬫᬸᬧᬸᬓᭂ᭠
ᬫ᭄ᬩᬂᬢᭂᬭᬸᬲ᭄ᬫᬚᬮᬦ᭄᭟᭐᭟᭒᭑᭟ᬳᬤᭀᬄᬲᬵᬫ᭄ᬧᬸᬦ᭄᭞ᬧᬫᬃᬕᬶᬦᬾᬫᬜᬮᬸᬧ᭄ᬲᬸᬧ᭄᭞ᬫᬫᬗ᭄ᬕᬶᬄᬢᬭᬸᬓᭀᬯᬂ᭞ᬤᬸᬳᬸᬃᬧᬭᬸᬂᬚᬸᬭᬂᬢᬺᬡᬶᬲ᭄᭞ᬳᬾᬧᬓ᭄ᬮᬸᬳᬸᬂ᭞ᬘᬭᬂᬜᬦᬾᬫᬢᬶᬕᭂᬳᬦ᭄᭟
᭐᭟᭒᭒᭟ᬤᬶᬢᬸᬫᬗ᭄ᬕᬸᬄ᭞ᬧᬓ᭄ᬱᬶᬢᬶᬢᬶᬭᬦ᭄ᬗᬢᭂᬗ᭄ᬓᬸᬂ᭞ᬭᬭᬶᬲ᭄ᬫᬲᬂᬧᬶᬓᬢ᭄᭞ᬧᬘᭂᬂ᭠ᬘᭂᬂᬢᬶᬢᬶᬃᬫᬫᬸᬜᬶ᭞ᬳᬕᭂᬮᬶᬲ᭄ᬢᭂᬤᬸᬦ᭄᭞ᬫᬲᬶᬗᬶᬤᬦ᭄ᬭᬶᬂᬳᬸᬫ᭄ᬧᬸᬢᬦ᭄᭟᭐᭟᭑᭓᭟ᬲᬮᬶᬂᬲ
Kaca:Bali-lontar-gaguritan-puyung-sugih-250ppi.pdf/96
Kaca puniki sampun kauji-wacén
