[ ᭘᭒ 82B]
᭘᭒
ᬦ᭄ᬩᭂᬮᬶᬭᬶᬂᬧᬫᬺᬫᬦ᭄᭞ᬬᬤᬶᬦ᭄ᬤᬳᬃᬲᬳᬶᬲᬳᬶ᭞ᬳᬚᬢᬓᬸᬢ᭄᭞ᬫᬩᬦ᭄ᬢᬂᬮᬶᬫᬂᬗᬢᬸᬲ᭄ᬮᬾᬬᬃ᭟᭐᭟᭓᭟ᬉᬧᬓᬵᬭᬦᬾᬧᬸᬧᬸᬢᬂ᭞ᬫᬓᬲᬫᬶᬧᬸᬧᬸᬢ᭄ᬤᬶᬦᬶ᭞ᬤᬦᬾᬯᬬᬦ᭄ᬓᭂᬜᬸᬂᬦᬗ᭄ᬕᬮ᭄᭞ᬢᬶ
ᬢ᭄ᬬᬂᬗᬶᬭᬶᬂᬳᬸᬮᬶᬫᬗ᭄ᬓᬶᬦ᭄᭞ᬧᬦ᭄ᬧᬸᬬᬸᬂᬳᬾᬧᭀᬢ᭄ᬫᬗ᭄ᬓᬶᬦ᭄᭞ᬗᬸᬮᬶᬂᬓᬸᬘᬶᬢ᭄ᬳᬚᬶᬲ᭄ᬬᬸ᭞ᬳᬗ᭄ᬕᬸᬭᬦᬾᬧᬥᬢᭂᬓ᭞ᬗᬯᬾᬳᬜᬂᬫᬦᬸᬮᬸᬗᬶᬦ᭄᭞ᬫᬶᬯᬄᬳᭂᬢᬸᬫ᭄᭞ᬮᬯᬃᬕᭂᬢᬶᬢ᭄ᬯᬓ᭄ᬯᬬᬄ
᭟᭐᭟᭔᭟ᬲᭀᬭᬾᬧᬸᬧᬸᬢᬸᬧᬓᬵᬭ᭞ᬗᬦ᭄ᬢᬾᬦᬾᬢᬢᬩᬂᬫᬗ᭄ᬓᬶᬦ᭄᭞ᬳᭀᬮᬶᬄᬫᬾᬦ᭄ᬧᬸᬬᬸᬂᬧᬸᬦᬶᬓ᭞ᬫᬶᬯᬧᬮᬮᬸᬯᬃᬲᬫᬶ᭞ᬳᬗ᭄ᬕᬸᬭᬦᬾᬧᬥᬗᬶᬭᬶᬂ᭞ᬦᬸᬦᬲ᭄ᬮᬬᬸᬤᬦᬾᬤᬶᬢᬸ᭞ᬫᬲᬤᬾᬕᬦ᭄ᬢᬸᬯᬓ᭄ᬯᬬᬄ
᭞ᬢᭂᬧᬸᬓ᭄ᬢᬗᬦ᭄ᬮᬾᬦ᭄ᬜᬸᬃᬬᬓᬶᬦ᭄᭞ᬧᬥᬗᬶᬦᬸᬫ᭄᭞ᬫᭂᬲᬾᬢ᭄ᬕᬸᬮᬶᬂᬫᬶᬯᬄᬮᬯᬃ᭟᭐᭟᭕᭟ᬤᬦᬾᬯᬬᬦ᭄ᬤᬩ᭄ᬤᬩ᭄ᬗᬸᬘᬧ᭄᭞ᬭᬢᬳᬶᬤᬓᭀᬫᬂᬫᬗ᭄ᬓᬶᬦ᭄᭞ᬤᬸᬭᬸᬂᬧᬶᬋᬂᬳᬢᬹᬃᬢᬶᬢ᭄ᬬᬂ᭞ᬤᬰᬰᬷ
[ ᭘᭓ 83A]
ᬮᬓᬢᬹᬃᬫᬗ᭄ᬓᬶᬦ᭄᭞ᬭᬭᬗᬦᬾᬫᬓᬲᬫᬶ᭞ᬲᭀᬮᬄᬗᬦ᭄ᬢᬾᬦ᭄ᬫᬗ᭄ᬤᬳᬤᬸᬂ᭞ᬩ᭄ᬭᬢᬓᭂᬫᬶᬢᬦ᭄ᬲᬶᬂᬦ᭄ᬲᭀᬮᬲ᭄ᬤᬶᬦ᭞ᬳᬶᬭᬶᬂᬢᬶᬢ᭄ᬬᬂᬲᬦᬾᬫᬗ᭄ᬓᬶᬦ᭄᭞ᬲᭀᬮᬧᬢᬹᬢ᭄᭞ᬧᬢᭂᬫᬸᬦᬾᬮ᭄ᬯᬶᬃᬧᬡ᭄ᬥᬶᬢ
᭟᭐᭟᭖᭟ᬬᬦ᭄ᬲᬵᬫ᭄ᬧᬸᬦ᭄ᬫᬗ᭄ᬕᭂᬄᬭᬶᬂᬩ᭄ᬭᬢ᭞ᬲ᭄ᬫᬭᬭᬵᬕᬮᬶᬦ᭄ᬢᬂᬮ᭄ᬯᬶᬄ᭞ᬗᬦᬹᬢ᭄ᬓᭂᬘᬧᬶᬂᬱᬕᬫ᭞ᬢᭂᬕᭂᬲ᭄ᬜᬦᬾᬗᬭᬦ᭄ᬩᭂᬘᬶᬓ᭄᭞ᬳᬕᭂᬫᬦ᭄ᬧᬡ᭄ᬥᬶᬢᬮ᭄ᬯᬶᬄ᭞ᬲᬤ᭄ᬬᬦ᭄ᬢᬶᬢ᭄ᬬᬂᬭᬢᬸ᭞ᬤᬸᬭᬸᬲ᭄ᬗᬤᬓᬂᬧᬸᬢ᭄ᬭ᭞ᬬ
ᬤᬶᬦ᭄ᬮᬦᬂᬬᬤᬶᬦ᭄ᬳᬶᬲ᭄ᬢ᭄ᬭᬷ᭞ᬮᬶᬦ᭄ᬢᬂᬳᬬᬸ᭞ᬫᬧᬸᬢ᭄ᬭᬲᬬᬸᬩᬦ᭄ᬚᬕᬢ᭄᭟᭐᭟᭗᭟ᬦᬾᬮᬦᬂᬩᭂᬗᭀᬂᬫᬶᬋᬗᬂ᭞ᬳᬾᬫᭂᬂᬩᭂᬮᬶᬤᬸᬭᬸᬂᬗᬃᬢᬶ᭞ᬦᬧᬶᬤᬕᬶᬂᬜᬧᬸᬦᬶᬓ᭞ᬤᬸᬭᬸᬲ᭄ᬯᬬᬦ᭄ᬫᬗᬢᬸᬭᬶᬦ᭄᭞ᬳᬸᬚᬂᬲ
ᬫᬶᬯᬶᬚᬶᬯᬶᬚᬶ᭞ᬯᬬᬦ᭄ᬧᬸᬬᬸᬂᬦᬸᬮ᭄ᬬᬫᬵᬢᬹᬃ᭞ᬧᬶᬋᬂᬭᬢᬸᬲᬫᬶᬢᬢᬲᬂ᭞ᬲᬵᬫ᭄ᬧᬸᬦ᭄ᬕᬯᬂᬫᬦᬫ᭄ᬧᬾᬦᬶᬦ᭄᭞ᬬᬾᬦᬶᬂᬩᬶᬗᬸᬂ᭞ᬓᬧᬸᬗ᭄ᬓᬸᬃᬭᬢᬸᬗᬩᭀᬢᬂ᭟᭐᭟᭘᭟ᬢᬢᬶᬕᬮᬯᬗᬦᬾ
Kaca:Bali-lontar-gaguritan-puyung-sugih-250ppi.pdf/83
Kaca puniki sampun kauji-wacén
