Kaca:Bali-lontar-gaguritan-puyung-sugih-250ppi.pdf/21

Kaca puniki sampun kauji-wacén

[ ᭒᭐ 20B]
᭒᭐᭞
ᬦᬶᬦ᭄᭞ᬭᬵᬕᬧᬢᬸᬄᬫᬗ᭄ᬭᬱᬬᬂ᭟᭐᭟᭑᭓᭟ᬯᭂᬗᬶᬮᬶᬯᬢ᭄ᬚᬫ᭄ᬧᬶᬂᬧᬢ᭄ᬫᬦᬫ᭄ᬧᬶ᭞ᬦᬾᬮᬦᬂᬫᬦᬶᬤ᭄ᬭ᭞ᬓᬮᬶᬯᬢ᭄ᬧᬸᬍᬲ᭄ᬫᬗᬶᬧᬶ᭞ᬳᬜᬥᬂᬫᬦᬶᬲ᭄ᬲᬲ᭄ᬓᬭ᭟᭐᭟᭑᭔᭟ᬜᬳᬶᬯᬬᬦ᭄ᬫᬕᬥᬂᬚᭂᬚᭂᬄᬭᬶᬂ
ᬳᬢᬶ᭞ᬫᬢᭂᬗᬶᬂᬉᬧᬬ᭞ᬜᬓᬦ᭄ᬤᬦᬾᬲᬤᬕᬶᬧᬶᬄ᭞ᬧᬸᬧᬸᬢ᭄ᬲᭂᬫᭂᬂᬲᬵᬫ᭄ᬧᬸᬦ᭄ᬢᭂᬭᬕ᭄ᬬ᭟᭐᭟᭑᭕᭟ᬘᬳᬶᬯᬬᬦ᭄ᬫᬭᬩᬗᬸᬦ᭄ᬦᬧᭂᬢ᭄ᬦᬲᬶ᭞ᬗᬶᬫᬗᬂᬫᬤᬳᬃ᭞ᬓᬩᬯᭀᬲ᭄ᬲᬵᬫ᭄ᬧᬸᬦ᭄ᬢᭂᬗᬳᬶ᭞ᬗᬫ᭄ᬩᬶᬮ᭄ᬫᭀ
ᬢᭀᬃᬭᬭᬶᬲ᭄ᬦᬫ᭄ᬩᬂ᭟᭐᭟᭑᭖᭟ᬢᬦ᭄ᬘᬭᬶᬢᬲᭀᬭᬾᬭᬯᬸᬄᬲᬦᬾᬮᬓᬶ᭞ᬯᭂᬗᬶᬲᬵᬫ᭄ᬧᬸᬦ᭄ᬦᬗ᭄ᬕᬮ᭄᭞ᬭᬶᬂᬧᬢᬸᬭᭀᬦ᭄ᬗᬮᬾᬤᬗᬶᬦ᭄᭞ᬭᬶᬂᬚᬩᬢᭂᬮᬲ᭄ᬓᬳᬸᬬᬓ᭄᭟᭐᭟᭑᭗᭟ᬯᬶᬘᬓ᭄ᬱᬡᬲᬦᬾᬳᬶ
ᬲ᭄ᬢ᭄ᬭᬶᬫᬦᬸᬢᬸᬭᬶᬦ᭄᭞ᬢᬶᬗ᭄ᬓᬄᬫᬯᬶᬯᬾᬓ᭞ᬬᭀᬕ᭄ᬬᬲᬮᬯᬲᬾᬳᬸᬭᬶᬧ᭄᭞ᬢᬦ᭄ᬲᬸᬭᬸᬤ᭄ᬓᬧ᭄ᬬᭀᬮᬲᬦ᭄᭟᭐᭟᭑᭙᭟ᬢᭂᬕᭂᬲ᭄ᬳᬶᬓᬲᬦᬾᬮᬸᬮᬸᬢ᭄ᬮᬯᬦ᭄ᬳᬲᬶᬄ᭞ᬲᭂᬫᭂᬗᬾᬧᬸᬦᬶᬓ᭞ᬫᬶᬯᬄᬦᬾᬓᬧᬶ
[ ᭒᭑ 21A]
ᬢ᭄ᬭᬱ᭄ᬡᬳᬶᬦ᭄᭞ᬫᬗᬯᬶᬦᬂᬲᬾᬩᭂᬢ᭄ᬫᬦᬄ᭟᭐᭟᭑᭙᭟ᬦᬾᬲᬬᬗᬂᬗᬗ᭄ᬕᭀᬯᬂᬓᬶᬢᬢᬹᬃᬫᬜᬶᬂ᭞ᬦ᭄ᬢᭀᬩᬓᬢ᭄ᬲᭂᬩᭂᬢᬂ᭞ᬩᬭᬂᬫᬵᬬᬦᬶᬓᬚᬵᬢᬶ᭞ᬫᬗᬯᬶᬦᬂᬳᬶᬫᬵᬦᬸᬡ᭟᭐᭟᭒᭐᭟ᬲᬧᬸᬦᬶᬓᬗᬯᬶ
ᬦᬂᬫᬳᬸᬢᬂᬧᭂᬮᬶᬄ᭞ᬤᬤᬶᬢᬸᬬᬸᬄᬲ᭄ᬢᬢ᭞ᬗᬩᬲᭂᬩᭂᬢ᭄ᬲᬳᬶᬲᬳᬶ᭞ᬤᬤᬶᬗᬶᬫᬸᬄᬗᬯᬕ᭄ᬗᬯᬕ᭄᭟᭐᭟᭒᭑᭟ᬓᬵᬤᬶᬬᭀᬯᬸᬜᬄᬧᬢᬶᬓᬘᬸᬄᬫᬫᬶᬲᬸᬳᬶᬦ᭄᭞ᬤᬤᬶᬓᬫᬸᬲᬸᬳᬦ᭄᭞ᬬᬦ᭄ᬢᬺᬱ᭄ᬡᬧᬢᬶᬲᬬᬗᬶᬦ᭄
᭞ᬯᬮᬸᬬᬢᬺᬱ᭄ᬡᬭᬶᬂᬳᬶᬩ᭄ᬮᬩᬃ᭟᭐᭟᭒᭒᭟ᬳᬫᬸᬦᬶᬓᬧᬶᬢᬸᬢᬸᬭᬾᬲᬵᬫ᭄ᬧᬸᬦ᭄ᬮᬮᬶ᭞ᬗ᭄ᬭᭀᬓ᭄ᬧᬸᬍᬲ᭄ᬳᬶᬯᬬᬦ᭄᭞ᬲᬦᬾᬬᬸᬄᬓᬭᬶᬫᬦᬸᬮᬶᬲ᭄᭞ᬲᬵᬫ᭄ᬧᬾᬍᬫᬄᬭᬭᬶᬲ᭄ᬜᬓᬦ᭄᭟᭐᭟᭒᭓᭟ᬕ᭄ᬮᬶᬲᬶᬂ
ᬘᬭᬶᬢᬧᬶᬢᬸᬂᬤᬶᬦᬢᭂᬢᭂᬧ᭄ᬲᬳᬶ᭞ᬩᬶᬮᬂᬯᭂᬗᬶᬫᬲᬢ᭄ᬯ᭞ᬦᬾᬫ᭄ᬯᬦᬶᬢᭂᬕᭂᬲ᭄ᬦᬕᬶᬗᬶᬦ᭄᭞ᬓᬧᬶᬫᬵᬤᬦ᭄ᬲᬃᬯᬪᬯ᭟᭐᭟᭒᭔᭟ᬲᬸᬓᬲ᭄ᬓᬮᬗᬭᬦ᭄ᬜᬦᬾᬦᬶᬓᬩᭂᬮᬶ᭞ᬦᭂᬫ᭄ᬦᭂᬫ᭄ᬫᬓᬓ