[ ᭑᭖᭕ 165B]
᭑᭖᭕᭞
ᬕᬮᬶᬳᬶᬦ᭄ᬧ᭄ᬬᬭᬦ᭄᭞ᬳᬲᬸᬇᬋᬂᬫᬢᭂᬕᬶᬮ᭄ᬮᬸᬯᬶᬄ᭞ᬲᬦᬾᬩᭀᬮᭀᬢ᭄ᬮᬶᬦ᭄ᬢᬂᬕᬸᬡ᭞ᬧᬢᬶᬄᬲᬫ᭄ᬩᬤᬦᬸᬫᬤᬶ᭟᭜᭟᭑᭖᭟ᬬᬦᬶᬂᬭᬓ᭄ᬭᬶᬓ᭄ᬩᬸᬮᬦᬶᬧᬸᬦ᭄᭞ᬮᬬᬄᬧᬾᬮᬾᬢ᭄ᬮᬶᬦ᭄ᬢᬂᬩᭂᬘᬶ᭠
ᬓ᭄᭞ᬯᬗᬸᬦᬦ᭄ᬓᬵᬤᬒᬁᬓᬵᬭ᭞ᬤᬸᬱ᭄ᬝᬩᬸᬭᭀᬦ᭄ᬲᬫᬶᬳᬚ᭄ᬭᬶᬄ᭞ᬓᬵᬢᬶᬧᬢᬶᬄᬗᭂᬫᬶᬢ᭄ᬭᬵᬚ᭞ᬫᬗᬯᬶᬦᬂᬮᬦ᭄ᬤᬸᬄᬕᬸᬫᬶ᭟᭜᭟᭑᭗᭟ᬫᬮᬶᬄᬳᬲᬸᬧᬸᬢᬶᬄᬫᬦ᭄ᬭᬸᬲ᭄᭞ᬓᬸᬮᬶᬢ᭄ᬓᬸᬓᬸᬇ
ᬋᬂᬲᬫᬶ᭞ᬬᬤᬶᬦ᭄ᬫᬢᬫᬶᬯᬄᬮᬬᬄ᭞ᬗᬭᬦ᭄ᬬᬧᬦᬸᬮᬓ᭄ᬤᬾᬱ᭄ᬝᬶ᭞ᬫ᭄ᬯᬂᬳᬸᬮᬸᬘᬃᬫᬦᬶᬂᬗᬭᬦ᭄᭞ᬪᬸᬢᬤᭂᬗᭂᬦ᭄ᬲᬫᬶᬳᬚ᭄ᬭᬶᬄ᭟᭜᭟ᬧᬸᬧᬸᬄᬫᬶᬚᬶᬮ᭄᭟᭜᭟ᬬᬾᬦᬶᬂᬢᬲᬸᬩᭂᬮᬂᬩᬭᬓ᭄ᬩᭂᬘᬶᬓ᭄
᭞ᬧᭀᬮᬾᬂᬓᬵᬤᬶᬲᬫᭀᬂ᭞ᬓᬵᬤᬶᬘᬓ᭄ᬭᬲᬸᬦᬦ᭄ᬳᬶᬓᬸᬄᬜᬦᬾ᭞ᬧᬸᬦᬶᬓᬳᬶᬫᬘᬦ᭄ᬤᬳᬢ᭄ᬚ᭄ᬭᬶᬄ᭟᭜᭟ᬲᬸᬦᬾᬫᬗᭂᬫᬶᬢ᭄᭞ᬯᬯᬮᬸᬗᬦ᭄ᬦᬭᬶᬂᬓᬸᬩᬸ᭟᭒᭟ᬳᬲᬸᬦᬾᬳᬗ᭄ᬕᬾᬦ᭄ᬫᬩᬸ
[ ᭑᭖᭖ 166A]
ᬭᬸᬩᭂᬲᬶᬓ᭄᭞ᬓᬜ᭄ᬘᬦ᭄ᬩᬸᬮᬸᬓᬗ᭄ᬕᭀ᭞ᬓᬾᬯᬮᬗᬧᬶᬢ᭄ᬚᬶᬢᬸᬜᭂᬗᬦᬾ᭞ᬦᬶᬓᬗᬭ᭠ᬦ᭄ᬳᬲᬸᬲᬦ᭄ᬤᬂᬪᬸᬓ᭄ᬢᬶ᭞ᬩᬸᬭᭀᬦᬾᬦᭂᬓᬦᬶᬦ᭄᭞ᬧᬸᬦᬶᬓᬦᬾᬜᬦ᭄ᬤᬂᬳᬸᬩᬸᬄ᭟᭜᭟᭓᭟ᬯᬾᬦ᭄ᬢᭂᬦ᭄ᬫᬰᬶ
ᬳᬮᬳᬚᬸᬮᬸᬦ᭄ᬳᬜ᭄ᬚᬶᬂ᭞ᬲᬓᬶᬂᬳᬶᬭᬸᬂᬓᬳᬾᬓᭀᬃ᭞ᬲᬓᬶᬂᬳᬶᬭᬸᬂᬫᬮᬶᬄᬓᬫᬢᬦᬾ᭞᭠ᬮᬸᬗᬦ᭄ᬜᬦᬾᬳᬾᬢᬂᬫᬓᬲᬫᬶ᭞ᬬᬤᬶᬦ᭄ᬫᬧᬳᬸᬭᬶᬧ᭄ᬓᭂᬢᬾᬓᬦᬾᬯᬮᬂᬤᬸᬫᬸᬦ᭄᭟᭜᭟᭔᭟ᬲᬜ᭄ᬘ
ᬓ᭄ᬯᬾᬄᬦ᭄ᬬᬲᬦᬾᬯᬶᬮᬗᬶᬦ᭄᭞ᬮᬗ᭄ᬓᬸᬂᬓᬶᬥᬶᬓ᭄ᬓᬵᬗ᭄ᬕᭀ᭞ᬧᬸᬦᬶᬓᬧᬗᬸᬭᬶᬧ᭄ᬳᬭᬦ᭄ᬜᬦᬾ᭞ᬳᬬ᭄ᬯᬲᬓᬯᭂᬦᬂᬫ᭄ᬬᬭᬳᬜ᭄ᬚᬶᬂ᭞ᬳᬾᬢᬂᬓᬵᬤᬶᬳᬶᬓᬶ᭞ᬕᬸᬡᬧᬓ᭄ᬱᬚᬬᬓᭂᬢᭂᬓ᭄ᬓᬶᬬᬸᬮ᭄᭟
᭐᭟᭕᭟ᬳᬲᬸᬫᬕᬸᬡᬳᬗ᭄ᬕᬾᬦ᭄ᬫᬓᭂᬫᬶᬢ᭄᭞ᬧᬓ᭄ᬱᬤᭀᬬᬦ᭄ᬜᬧ᭄ᬮᭀᬓ᭄᭞ᬫ᭄ᬯᬂ᭠ᬚᬬᬳᬗ᭄ᬕᬾᬦ᭄ᬫᬩᬸᬭᬸᬋᬓᬾ᭞ᬬᬦᬶᬂᬓᭂᬢᭂᬓ᭄ᬕᬜ᭄ᬚᬄᬫᬗᬸᬮᬶᬦᬶᬂ᭞ᬓᬧᬗᬩᬾᬦᬦ᭄ᬫᬳᬶᬧᬶ᭠
Kaca:Bali-lontar-gaguritan-puyung-sugih-250ppi.pdf/167
Kaca puniki sampun kauji-wacén
