[ ᭑᭕᭔ 154B]
᭑᭕᭔᭞
ᬜ᭄ᬚᬶᬦ᭄᭞ᬢᬸᬓᬂᬓᬫ᭄ᬧᬓ᭄ᬧᬭᬶᬓᭀᬱ᭞ᬚᬕ᭄ᬲᬳᬸᬧ᭄ᬳᬚᬓ᭄ᬓᬫᭂᬢᬾᬦ᭄᭞ᬫᬜᬤ᭄ᬬᬗᬗ᭄ᬕᭀᬦ᭄ᬓᬸᬋᬡᬦ᭄᭞ᬳᬲᬸᬦᬾᬢᬸᬫᬹᬢ᭄ᬓᬕᭀᬯ᭞ᬮᬸᬄᬪᬶᬓ᭄ᬱᬸᬦᬶᬫᬵᬢᬹᬃᬳᬮᬸᬲ᭄᭞ᬜᬤ᭄ᬬ
ᬯᬦ᭄ᬢᬄᬗ᭄ᬯᬫᬫᬜ᭄ᬚᬓ᭄᭟᭜᭟᭒᭙᭟ᬢᬶᬗ᭄ᬓᬳᬂᬤᬸᬫᬸᬦ᭄ᬦᬾᬫᬗ᭄ᬓᬶᬦ᭄᭞ᬦᬧᬶᬚᬵᬢᬶᬫᬓ᭠ᬯᬗ᭄ᬰ᭞ᬢᬸᬓᬂᬓᬫ᭄ᬧᬓ᭄ᬜᬯᬶᬲ᭄ᬳᬕᬾ᭞ᬳᭂᬮᬳᬾᬲᬸᬩᬭᬢᬸᬳᬮᬲ᭄᭞ᬚᬸᬭᬸᬪᬓ᭄ᬢᬶᬤᬸᬤᬸᬕᭂᬮᬄ᭞ᬤ
ᬤᬶᬚᬸᬭᬸᬧᭀᬢᭀᬂᬕᬸᬮᬸ᭞ᬫᬸᬗ᭄ᬕᬮ᭄ᬚᬦ᭄ᬫᬮᬶᬦ᭄ᬢᬂᬤᭀᬫᬲ᭄᭟᭜᭟᭐᭟᭓᭐᭟ᬲᬂᬳᬬᬸᬓᭂᬜᬸᬂᬦᬫ᭄ᬧᬾᬦᬶᬦ᭄᭞ᬢᬶᬢ᭄ᬬᬂᬜᬤ᭄ᬬᬲᬓᬶᬂᬲᬸᬩ᭞ᬗᬮᬶᬄᬲᭀᬫᬄᬳᬦᬓ᭄ᬯᬦᬾᬦ᭄᭞ᬫᬗ᭄ᬤ
ᬫᬲᬦ᭄ᬢᬦᬳᬕᬮ᭄᭞ᬓᭀᬰᬰᬓ᭄ᬓᬶᬫᬯᬶᬰᬾᬱ᭞ᬳᬶᬫᭀᬫᭀᬕᬶᬭᬂᬫ᭠ᬗ᭄ᬭᬸᬗᬸ᭞ᬭᬭᬶᬲ᭄ᬗᬶᬕᭂᬮ᭄ᬫᬳᬶᬦ᭄ᬧᭂᬜ᭄ᬘᬓ᭄᭟᭜᭟᭓᭑᭟ᬗᬮᬄᬳᬸᬗ᭄ᬓᬸᬃᬫᬤᬤᬶᬓ᭄ᬮᬶᬂ᭞
[ ᭑᭕᭕ 155A]
ᬧᬭᬫᬬᬫᬗᭂᬗ᭄ᬓᭂᬩᬂ᭞ᬦᬶᬮᬸᬄᬪᬶᬓ᭄ᬱᬸᬦᭀᬭᬓᬢᭀᬦ᭄᭞ᬳᬚᬳᬶᬦ᭄ᬳᬶᬲᬸᬢ᭄ᬭᬫᬬ᭞ᬯᬶᬦᬮᬸᬬᬲᬂᬪᬶᬓ᭄ᬱᬸᬓ᭞ᬓᬓᬢᭀᬦᬂᬭᬶᬂᬳᬶᬧᬦ᭄ᬤᬸᬂ᭞ᬫᬭᬜᬳᬸᬧ᭄ᬓᬧᬦ᭄ᬢᬶᬕᬂ᭟
᭐᭟ᬧᬸᬧᬸᬄᬤᬸᬃᬫ᭟᭜᭟᭑᭟ᬫᬕᬥᭂᬩ᭄ᬮᬸᬕ᭄ᬮᬶᬦ᭄ᬢᬂᬲᬓᬶᬢ᭄ᬫᬧᬦ᭄ᬢᬶᬕᬦ᭄᭟ᬳᬕᭂᬮᬶᬲ᭄ᬩᬗᬸᬦ᭄ᬜᬕ᭄ᬚᬕᬶᬦ᭄᭞ᬫᬢᬗ᭄ᬓᬶᬲ᭄ᬧᬥᬯᬶᬓᬦ᭄᭞ᬫᬜ᭄ᬚᬸᬭᬸᬓ᭄ᬫᬜᬾᬧᬓ᭄᭞ᬫᬢᬦ᭄ᬤᬶᬗᬦ᭄ᬧᬥᬲᭂᬗᬶᬢ᭄
᭞ᬚ᭄ᬭᭀᬦᬶᬂᬕᭀᬯ᭞ᬳᬸᬫᬄᬜᬦᬾᬳᬸᬯᬸᬕ᭄ᬲᬫᬶ᭟᭜᭟᭒᭟ᬮᬶᬦ᭄ᬢᬂᬳᬸᬫᬸᬂᬚ᭄ᬭᭀᬦᬶᬂᬕᭀᬯᬫᬢᬦ᭄ᬤᬶᬗᬦ᭄᭞ᬓᬤᬂᬜᬦᬾᬬᬧᬚ᭄ᬭᬶᬢ᭄᭞ᬫᬶᬯᬄᬧ᭄ᬬᬦᬓᬾᬶᬸᬓ᭄ᬱᬵᬫᬄ᭞ᬫᬢᬸᬮᬸᬂ
ᬫᬢᭂᬮᬲᬦ᭄᭞ᬲᬳᬢᬸᬫ᭄ᬩᬓ᭄ᬫᬶᬯᬄᬩᭂᬤᬶᬮ᭄᭞ᬯ᭄ᬬᬤᬶᬦ᭄ᬓᬮᬾᬯᬂ᭞ᬲᬫᬶᬢᭀᬂᬫᬜᬶᬮᬳᬶᬦ᭄᭟᭜᭟᭓᭟ᬓᭂᬦᬢᬗ᭄ᬓᬶᬲ᭄ᬳᬤᬮᬸᬂᬳᬤᬧᭂᬚᬄ᭞ᬫᬮᬬᬸᬰᬶᬱᬦ᭄ᬫᬢᬶ᭞ᬫᭂ
Kaca:Bali-lontar-gaguritan-puyung-sugih-250ppi.pdf/155
Kaca puniki sampun kauji-wacén
