[᭕ 5B]
᭕
ᬮᬲᭂᬤᬶᬂᬓᬶᬗ᭄ᬓᬶᬂ᭞ᬧᬘᬂᬗᬯᬶᬦᬂ᭞ᬓᬲᬸᬩᬕ᭄ᬬᬦᬾᬫᬳᬸᬭᬶᬧ᭄᭟ᬓᬾᬦᬾᬩᬸᬯᬶᬦ᭄ᬧᬢᬸᬢᬾᬭᬶᬂᬧᬦᬩᬾᬬᬦ᭄᭞ᬜᬾᬯᬓᬢᬸᬢᬸᬢ᭄ᬪᬓ᭄ᬢᬶ᭞ᬢ᭄ᬯᬭᬤᬤᬶᬮᬗ᭄ᬕ᭄ᬬ᭞ᬯᬮᬸᬬᬤᬾᬯᬲᬓᬮ᭞ᬳᬶᬦ᭄ᬤᬶᬓ᭄ᬘ᭄ᬦᬶ
ᬗᬾᬫᬓ᭄ᬢᬶᬦᬶᬦ᭄᭞ᬫᬗᬯᬾᬮᬾᬤᬂ᭞ᬳᬶᬤᬲᬂᬦᬩᬾᬍᬯᬶᬄ᭟ᬲᬳᬶᬳᬦ᭄ᬢᭂᬂᬗᬢᬸᬭᬂᬲ᭄ᬓᬃᬲᬫᬶᬤ᭞ᬫᬶᬯᬄᬯᬶᬚᬢᬦ᭄ᬫᬭᬶ᭞ᬢᭀᬬᬭᬳᬸᬧ᭄ᬫᬸᬯᬄ᭞ᬯᬲᭂᬄᬘᭀᬓᭀᬃᬘᬸᬫᬤᬂ᭞ᬳᭂᬦ᭄ᬢᭀᬳᬢᬸᬭᬂᬲᬲᬳᬶ᭞ᬭᬶᬂᬧ᭠
ᬗᬚ᭄ᬬᬦ᭄᭞ᬢᬸᬳᬸᬪᬓ᭄ᬢᬶᬫᬗᬬᬳᬶᬦ᭄᭟ᬬᬦᬶᬂᬳᬤᬧᬶᬢᬸᬤᬸᬄᬲᬂᬧᬗᬚ᭄ᬬᬦ᭄᭞ᬤᬶᬕ᭄ᬮᬶᬲ᭄ᬢᭀᬢᬫ᭄ᬧᬾᬦᬶᬦ᭄᭞ᬢᬸᬃᬮᬓ᭄ᬱᬡᬬᬂ᭞ᬲᬤᬕᬶᬂᬧᬶᬢᬸᬤᬸᬄᬳᬶᬤ᭞ᬳ᭄ᬤᬧᬶᬯᬮ᭄ᬫᬦᬸᬗ᭄ᬓᬲᬶᬦ᭄᭞ᬳᬓᬾᬢᭀ᭠
ᬯᬦ᭄ᬢᬄ᭞ᬢᬶᬗ᭄ᬓᬳᬾᬫᬕᬸᬭᬸᬪᬓ᭄ᬢᬶ᭟ᬓᬩᬯᭀᬲᬂᬧ᭄ᬬᬦᬓᬾᬦᬾᬩᬸᬓᬓᬾᬢᭀ᭞ᬉᬧᬪᭀᬖᬳᭂᬫᬲ᭄ᬧᬶᬧᬶᬲ᭄᭞ᬢᬦ᭄ᬧᬘᬂᬓᬸᬭᬂ᭞ᬲᬶᬤᬫᬶᬓᭀᬮᬶᬳᬂ᭞ᬓᬲᬸᬩᬕ᭄ᬬᬦᬾᬳᬸᬢᬫᬶ᭞ᬢᬦ᭄ᬧ
[᭖ 6A]
ᬢᬦ᭄ᬤᬶᬗᬦ᭄᭞ᬦᬾᬓᬾᬢᭀᬧᬘᬂᬓᬧᬗ᭄ᬕᬶᬄ᭟ᬬᬦ᭄ᬳᬓᬾᬢᭀᬧᬶᬤᬩ᭄ᬤᬩ᭄ᬜᬳᬶᬧ᭄ᬬᬦᬓ᭄᭞ᬦᬾᬘᬸᬘᬸᬤ᭄ᬫᬕᬸᬭᬸᬪᬓ᭄ᬢᬶ᭞ᬧᬘᬂᬫᬶᬓᭀᬮᬶᬳᬂ᭞ᬲᬤᬕᬶᬂᬳᬚᬶᬲᬰ᭄ᬢ᭄ᬭ᭞ᬓᬧ᭄ᬭᬚ᭄ᬜᬦᬦᬾᬳᬸᬢᬫᬶ᭞ᬧᬘᬂᬓᬧᬶᬘ᭞ᬲᬂᬦᬩᬾ
ᬫᬜ᭄ᬯᬾᬘᬦᬶᬦ᭄᭟ᬫᬮᬭᬧᬦ᭄ᬲᬗ᭄ᬓᬦᬶᬂᬧᬲ᭄ᬯᬾᬘᬦ᭄ᬳᬶᬤ᭞ᬳᬶᬤᬲᬂᬦᬩᬾᬍᬯᬶᬄ᭞ᬲᬗ᭄ᬓᬦ᭄ᬲᬶᬤ᭠ᬩᬓᬢ᭄᭞ᬗ᭄ᬮᬄᬩᭂᬓᭂᬮ᭄ᬓᬧ᭄ᬭᬚ᭄ᬜᬦᬦ᭄᭞ᬓᬾᬢᭀᬧ᭄ᬬᬦᬓᬾᬦᬾᬪᬓ᭄ᬢᬶ᭞ᬗᬯᬶᬦᬂᬮᬾᬤᬂ᭞ᬬᬬᬄᬭᬾᬡ᭠
ᬦᬾᬕᬸᬫᬦ᭄ᬢᬶ᭟ᬳ᭄ᬤᬧᬶᬲᬦ᭄ᬫᬮᬓ᭄ᬱᬡᬦᬾᬤᬹᬃᬰᬶᬮ᭞ᬭᬾᬄᬫᬨᬮᬢᬦ᭄ᬩᭂᬘᬶᬓ᭄᭞ᬗᬯᬶᬦᬂᬦᬭᬓ᭞ᬳᬯᬶᬦᬦ᭄ᬥᬃᬫ᭄ᬫᬲᬸᬰᬶᬮ᭞ᬦᬾᬧᬢᬸᬢ᭄ᬫᬃᬕ᭄ᬬᬂᬲᬳᬶ᭞ᬫᬗ᭄ᬕᬸᬳᬂᬲᬤ᭄ᬬ᭞ᬫᬨᬮᬲ᭄ᬯᬃᬕ᭄ᬕᬍᬯᬶᬄ᭟ᬤᬦ᭄ᬤᬾᬦ᭄ᬫᬮᬸ
ᬢ᭄ᬫᭂᬩ᭄ᬫᬗᭂᬦᭂᬄᬗᭂᬦᬳᬂ᭞ᬓᬲᬸᬕ᭄ᬬᬦ᭄ᬫᬲ᭄ᬧᬶᬧᬶᬲ᭄᭞ᬤᬾᬦᬶᬂᬳᬶᬲᬸᬕ᭄ᬬᬦ᭄᭞ᬫᬲ᭄ᬧᬾᬭᬓ᭄ᬲᬲᭀᬘᬦ᭄᭞ᬫᬗᬯᬶᬦᬂᬢᬸᬬᬸᬄᬗᬮᬶᬄ᭞ᬬᬾᬦ᭄ᬲᬸᬩᬩᬓᬢ᭄᭞ᬧᬫᬸᬧᬸᬢ᭄ᬢ᭄ᬮᬄᬮᬶᬲᬶᬓ᭄᭟ᬦᬾᬧᬫ᭄ᬢᬲ᭄ᬓᬸ
Kaca:Bali-lontar-gaguritan-putra-sasana-03-300ppi.pdf/6
Kaca puniki sampun kauji-wacén
