[᭔᭔ 44 B]
᭔᭔
ᬮᬚᬦ᭄ᬫ᭞ᬇᬥᭂᬧ᭄ᬍᬢᬸᬄᬲᭀᬮᬄᬓ᭄ᬭᭀᬥᬗᬯᬾᬧᬢᬶ᭞ᬫᬸᬜᬶᬓᬲᬃᬧᬢᬶᬓᬘᬸᬄ᭞ᬫᬓᬢ᭄ᬮᬸᬤᬳᬢ᭄ᬳᬮ᭞ᬢᬦ᭄ᬯᬗ᭄ᬤᬾᬬᬦ᭄᭞ᬤᬶᬓᬯᬳᬾ ᬧᬮᬶᬂᬫᬮᬸ᭞
ᬫᬓᬤᬲᬭᬶᬂᬓᬯᬄ᭞ᬳᬧᬂᬘ᭄ᬦᬶᬂᬢᬢᬲ᭄ᬳᬸᬦᬶᬂ᭛ᬦᬾᬜᬦ᭄ᬤᬂᬩ᭄ᬯᬢᬂᬧᬶᬲᬦ᭄᭞ᬦᬾᬦᬾᬫᬤᬦ᭄᭞ᬓᬲᬸᬕ᭄ᬬᬦᬾ ᬳᬩᬫᬢᬶ᭞ᬦᬾᬢᬦ᭄ᬲᬶᬤ᭄ᬥᬚ᭄ᬯᬂᬧᬡ᭄ᬥᬸᬂ᭞
ᬩᬸᬯᬶᬦ᭄ᬢ᭄ᬯᬭᬩᬶᬱᬳᭀᬜ᭞ᬬᬦᬶᬂᬚᬸᬯᬂ᭞ᬳᭂᬦ᭄ᬢᭀᬤᬤᬶᬢᬸᬦ᭄ᬤᬾᬦᬸᬗ᭄ᬕᬸ᭞ᬳᬶᬓᬲᬸᬕ᭄ᬬᬦ᭄ᬚᬸᬭᬸᬕ᭄ᬩᬕ᭄᭞ᬗ᭄ᬩᬕ᭄ᬳᬸᬭᬶᬧ᭄ᬢ᭄ᬓᬾᬦ᭄ᬫᬢᬶ᭛ᬬᬦᬶᬂᬘ᭄ᬦᬶᬂᬫᬜᬶᬤᬬᬂ
᭞ᬤᬶᬲᭂᬥᭂᬓᬾ᭞ᬳᬤᬜᬫᬩ᭄ᬭᬬᬲᬓᬶᬢ᭄᭞ᬭᬶᬂᬓᬮᬫᬗ᭄ᬕᬶᬄᬧᬓᬾᬬᬸᬄ᭞ᬚᬕ᭄ᬚᬕᬶᬦ᭄ᬘᭂᬦᬶᬂᬳᬾᬗ᭄ᬕᬮᬂ᭞ᬬᬦ᭄ᬓᬲᬶᬤ᭄ᬥᬦ᭄᭞ᬘ᭄ᬦᬶᬂᬢᬸᬦ᭄ᬤᬾᬦ᭄ᬩᬧᬫᬶᬓᬸᬮ᭄᭞
[᭔᭕ 45 A]
ᬲᬓᬾᬯᭂᬄᬜᬦᬾ ᬫᬓᭂᬚᬂ᭞ᬦᬗ᭄ᬳᬶᬂᬳᬧᬂᬘ᭄ᬦᬶᬂᬚᬢᬶ᭛ᬦᬾᬫᬤᬦ᭄ᬲᬸᬰᬶᬮᬥᬃᬫ᭄ᬫ᭞ᬫᬦᬄᬳ᭄ᬦᬶᬂᬳᭂᬦ᭄ᬢᭀᬳᬗ᭄ᬕᭀᬦ᭄ᬫᬦᬲᬭᬶᬦ᭄᭞ᬲᭀᬮᬄᬘ᭄ᬦᬶᬂᬳᬧᬂᬳᬬᬸ
ᬬᬦᬶᬂᬫᬥᬦᬧᬸᬡ᭄ᬬ᭞ᬩᬸᬤ᭄ᬥᬶᬳ᭄ᬦᬶᬂᬳᭂᬦ᭄ᬢᭀᬳᬗ᭄ᬕᭀᬦ᭄ᬫᬧᬶᬓᬸᬓᬸᬄ᭞ᬘᬘᬓᬦ᭄ᬘᭀᬕᬥᬦᬬᬂ᭞ᬓᬾᬦᬾ ᬘ᭄ᬦᬶᬂᬦᬾᬦᬾ ᬚᬢᬶ᭛ᬬᬦᬶᬂᬘ᭄ᬦᬶᬂᬫᬤᬤᬦᬦ᭄᭞ᬳ
ᬲᬶᬂᬤᬳᬃᬭᬶᬂᬘᬗ᭄ᬓᭂᬫᬾᬫᬗ᭄ᬭᬜ᭄ᬚᬶᬂ᭞ᬤᬦᬦᬶᬱ᭄ᬝᬯᬱ᭄ᬝᬦᬶᬧᬸᬦ᭄᭞ᬬᬦ᭄ᬗᬗ᭄ᬕᭀᬤᬦᬬᬂ᭞ᬉᬧᬭᭀᬕᬯᬱ᭄ᬝᬦ᭄ᬳᬶᬧᬸᬦ᭄᭞ᬧᬸᬦᬶᬓᬫᬥ᭄ᬬᬦᬶᬂᬤᬦ᭞ᬫᬲᬶᬄᬫᬢ
ᬧᬓᬦ᭄ᬳ᭄ᬦᬶᬂ᭛ᬤᬦᬧᬸᬡ᭄ᬬᬩᬳᬦ᭄ᬚᬦ᭄ᬫ᭞ᬫᬓᬤᬶᬜᬧ᭄ᬬᬦᬓ᭄ᬮᬸᬄᬤᭂᬳᬧᬱ᭄ᬝᬶ᭞ᬧᬭᬶᬪᭀᬕᬯᬱ᭄ᬝᬦ᭄ᬳᬶᬧᬸᬦ᭄᭞ᬧᬸᬦᬶᬓᬧᬸᬡ᭄ᬬᬫᭀᬢ᭄ᬢᬫ᭞ᬬᬦ᭄ᬫ
Kaca:Bali-lontar-gaguritan-putra-sasana-01-350ppi.pdf/45
Kaca puniki sampun kauji-wacén
